#ramalan #🕋 ഇസ്ലാമിക് സ്റ്റാറ്റസ് 🟢 #🛐 മുത്ത്നബി #ramalan 27 #allah 🌹🌿 *راحة العاشقات*🌿🌹 *തിരു സുന്നത്തുകളിലൂടെ...* 📗📚📖 *അഹങ്കാരത്തിന് അറുതി* അഹങ്കാരിയും ദുഷ്ടനുമായിരുന്ന ഒരു രാജാവുണ്ടായിരുന്നു മുൻകാലത്ത്. അയാൾ അതിശക്തവും മനോഹരവുമായ ഒരു കൊട്ടാരം നിർമ്മിച്ചു. പിന്നീടയാൾ ഒരുറച്ച തീരുമാനമെടുത്തു... തന്റെ ശിങ്കിടികളല്ലാത്ത ആരും കൊട്ടാരത്തിലേക്കടുക്കുക പോലും ചെയ്യരുത്.! ആരെങ്കിലും കൊട്ടാരത്തിലേക്ക് നോക്കുന്നത് കണ്ടാൽ പോലും അവരെ കൊല്ലും..!! ഈ ക്രൂര കൃത്യം തുടരുന്നതിനിടയിൽ ആ ഗ്രാമവാസിയായ ഒരാൾ വന്ന് ഈ വിഷയത്തിൽ രാജാവിനെ ഉപദേശിച്ചു നോക്കി. പക്ഷേ അയാൾ ഉപദേശം ചെവി കൊള്ളുകയോ ആ നല്ല മനുഷ്യൻ നൽകിയ മുന്നറിയിപ്പിനെ പരിഗണിക്കുകയോ ചെയ്തില്ല. അതോടെ ആ സാത്വികൻ ഗ്രാമത്തിന് പുറത്ത് വിജനമായ ഒരു സ്ഥലത്ത് കൂടാരമൊരുക്കി, പുറം ലോകവുമായി ഒരു ബന്ധവുമില്ലാതെ ആരാധയിൽ മുഴുകി... ഒരു ദിവസം ഈ അഹങ്കാരി കൊട്ടാരത്തിൽ നിൽക്കുന്നു. അയാളുടെ ആജ്ഞാനുവർത്തികൾ അയാളുടെ മുന്നിലും. പെടുന്നനെ മരണം കൊണ്ട് ഏൽപിക്കപ്പെട്ട മലക്ക് സുന്ദരനായ ഒരു മനുഷ്യന്റെ രൂപത്തിൽ കൊട്ടാരത്തിന് സമീപം പ്രത്യക്ഷപ്പെട്ടു. കൊട്ടാരത്തിന് ചുറ്റും കറങ്ങി ഇടക്കിടെ കൊട്ടാരത്തിലേക്ക് നോക്കി ഒരപരിചിതൻ നടക്കുന്നത് കണ്ട ഒരു സൈനികൻ രാജാവിനോട് വിവരം പറഞ്ഞു: "രാജാവേ ഒരാൾ കൊട്ടാരത്തിലേക്ക് നോക്കി ചുറ്റിക്കറങ്ങുന്നതായിക്കാണുന്നുണ്ട്. തന്റെ നിരീക്ഷണ സ്ഥലത്ത് കയറിയ രാജാവ് ആളെക്കണ്ടു! രാജാവ് പറഞ്ഞു: "അയാൾ ഒരു വിദേശിയായ വഴിയാത്രക്കാരനോ ഭ്രാന്തനോ ആണ്" (അല്ലെങ്കിൽ അയാൾ ധൈര്യപ്പെടില്ലല്ലോ!) ഏതായാലും താൻ ചെന്ന് അവന്റെ കഥ കഴിക്കൂ..!! സൈനികൻ ഇറങ്ങിച്ചെന്ന് കൊല്ലാൻ വാളുയർത്താൻ കരുതിയപ്പോഴേക്ക് മലകുൽമൗത് അയാളുടെ റൂഹ് പിടിച്ചു. അയാൾ മരിച്ച് വീണത് കണ്ടപ്പോൾ ആളുകൾ രാജാവിനോട് പറഞ്ഞു: "അയാൾ താങ്കളുടെ ആളെ കൊന്നു കളഞ്ഞു..!!" രാജാവ് മറ്റൊരാളോട് പറഞ്ഞു, നീ ഇറങ്ങിച്ചെല്ലൂ... അടുത്തെത്തി വാളുയർത്താൻ ശ്രമിച്ച അയാളുടെയും റൂഹ് പിടിച്ചു..!! വിവരമറിഞ്ഞ് കോപാകുലനായ രാജാവ് സ്വയം ആയുധമണിഞ്ഞിറങ്ങി.! മനുഷ്യ കോലത്തിലെത്തിയ മലകുൽ മൗതിനോട് അയാൾ ചോദിച്ചു: "താനാരാണ്..? എന്റെ കൊട്ടാരത്തിനടുത്ത് വരികയും എന്റെ രണ്ടാളുകളെ കൊല്ലുകയും ചെയ്തിട്ട് താങ്കൾക്ക് മതിയായില്ലേ..?" മലകുൽ മൗത് പറഞ്ഞു: "എന്നെ താങ്കൾക്ക് മനസ്സിലായിട്ടുണ്ടോ? ഞാനാണ് മരണം ഏൽപിക്കപ്പെട്ട മലക്..!!" ഇത് കേട്ടതോടെ രാജാവ് കിടുങ്ങി!! അയാളുടെ കയ്യിൽ നിന്ന് വാൾ താഴെ വീണു. ഇത് വരെ എനിക്കങ്ങയെ തിരിച്ചറിഞ്ഞില്ലായിരുന്നുവെന്ന് പറഞ്ഞ് പിന്തിരിയാനാഞ്ഞ രാജാവിനോട് മലക് പറഞ്ഞു: "എങ്ങോട്ടാ പിൻമാറുന്നത്..? താങ്കളുടെ റൂഹ് പിടിക്കാനാണ് എന്നോട് കൽപിക്കപ്പെട്ടിട്ടുള്ളത്!!" രാജാവ് കെഞ്ചി നോക്കി: "എന്റെ കുടുംബത്തോട് അന്ത്യോപദേശം നൽകി അവരോട് യാത്ര പറയാനെങ്കിലും അവസരം നൽകണം." മലക് പറഞ്ഞു: "ദീർഘമായ ജീവിതത്തിൽ അതിനവസരമുണ്ടായിരുന്നല്ലോ? താങ്കളെന്തു കൊണ്ടത് ചെയ്തില്ല..?" മലക് റൂഹ് പിടിച്ചതോടെ രാജാവും മരിച്ച് വീണു... പിന്നീട് മലക് നേരത്തെ രാജാവിനോട് വിയോജിച്ച് നാട് വിട്ട നല്ല മനുഷ്യന്റെ കൂരയിലെത്തിയിട്ട് വിവരം പറഞ്ഞു: "ഓ സത്കർമ്മിയായ മനുഷ്യാ സന്തോഷിച്ചോളൂ... അഹങ്കാരിയായ രാജാവിന്റെ റൂഹ് ഞാൻ പിടിച്ചിട്ടുണ്ട്.!!" അവിടെ നിന്ന് തിരിച്ച് പോകാനാഞ്ഞ മലകിന് അല്ലാഹു ﷻ ആ സ്വാലിഹായ മനുഷ്യന്റെ റൂഹ് പിടിക്കാൻ നിർദ്ദേശം കൊടുത്തു. മലക് പറഞ്ഞു: "താങ്കളുടെ റൂഹ് പിടിക്കാൻ കൽപന കിട്ടിയിട്ടുണ്ട്!" അദ്ദേഹം ചോദിച്ചു: ഓ മലകേ എന്റെ ഗ്രാമത്തിലൊന്ന് പോയി എന്റെ കുടുംബങ്ങളോട് നന്മയുടെ കരാർ ചെയ്ത് വിട ചോദിച്ച് പോരാൻ അനുവദിക്കാൻ പറ്റുമോ..? അദ്ദേഹത്തിന് അനുമതി നൽകാൻ അല്ലാഹു ﷻ മലകിനോട് നിർദ്ദേശിച്ചു. അനുമതി കിട്ടിയതോടെ പോകാനായി അദ്ദേഹം കാലെടുത്ത് വെച്ചെങ്കിലും പിന്നീട് തീരുമാനം മാറ്റി.!! അദ്ദേഹം പറഞ്ഞു: മലകേ കുടുംബത്തെ കണ്ടാൽ ഹൃദയ ഭദ്രതക്ക് മാറ്റം വന്നു പോകുമോ എന്ന് ഞാൻ പേടിക്കുന്നുണ്ട്.!! അതിനാൽ എന്റെ റൂഹ് പിടിച്ചേക്കുക, കുടുംബത്തിന് അല്ലാഹു ﷻ എന്നെക്കാൾ ഉത്തമനാണ് (അവരെ അല്ലാഹു ﷻ നോക്കും) അവിടെ വെച്ച് തന്നെ അദ്ദേഹത്തിന്റെ റൂഹ് ഊരി..!! 👉🏼 ഏത് കോട്ടക്കുള്ളിലാണെങ്കിലും അല്ലാഹു ﷻ ഉദ്ദേശിച്ച സമയത്ത്, ഉദ്ദേശിച്ച സ്ഥലത്ത്, ഉദ്ദേശിച്ച രൂപത്തിൽ മരിക്കും 👉🏼 നല്ലവരും മരിക്കും തെമ്മാടികളും മരിക്കും. നല്ലവർ മരിക്കുമ്പോൾ സംപ്തൃപ്തരായി മരിക്കുന്നു. മരണ ശേഷമുള്ള സന്തോഷത്തെ അറിഞ്ഞതിനാൽ അവർ ഭൗതിക ലോകത്ത് ജീവിക്കുന്നതിന് അൽപം കൂടെ ആയുസ്സ് നീട്ടിക്കിട്ടണമെന്ന് ആഗ്രഹിക്കില്ല. *തുടരും...✍🏻* *ഹബീബോരുടെﷺ ചാരത്തേക്ക് സ്വലാത്തുകൾ പ്രവഹിക്കട്ടെ...* *اللَّهُمَّ صَل عَلَى سَيِّدِنَا مُحَمَّدٍ ۞ الفَاتِحِ لِمَا أُغْلِقَ ۞ وَالخَاتِمِ لِمَا سَبَقَ ۞ نَاصِرِ الحَقِّ بِالحَقِّ ۞ وَالهَادِي إِلَى صِرَاطِكَ المُسْتَقِيمِ ۞ وَعَلَى آلِهِ حَقَّ قَدْرِهِ وَمِقْدَارِهِ العَظِيمِ ۩* 🌹🌿 *راحة العاشقات*🌿🌹 *WHATSAPP GROUP* 📗📚📖 https://whatsapp.com/channel/0029Vb6640aC6Zvh8n8hbo0G 🪀🪀🪀🪀🪀🪀🪀🪀 http://mihraskoduvally123.blogspot.com/2020/06/blog-post_27.html