🙏शिवदिनविशेष📜, 📜इतिहास शिवरायांचा Image & Post

🆔Official_Sagar 💞💤👑 - Author on ShareChat: Funny, Romantic, Videos, Shayari, Quotes

राजा भीमसिंह घोरपडे बहाद्दर.. किल्ले खेळणा 🚩 ●फितुरीचा परिणाम : खेळणा किल्ला राणा कर्णसिंहाच्या कल्पनातीत चातुर्यामुळे जिंकता आला. अशाच प्रकारची युध्दकुशलता कर्णसिंहानंतर त्या मोहिमेत राणा भीमसिंहानेही दाखवली. महंमद गावानच्या नेतृत्वाखाली कोकणची मोहीम तीन वर्षे चालली होती. प्रचंड सैन्य घेऊन तो कोकण जिंकायला निघाला. कोल्हापूरच्या जवळ त्याने आपला लष्करी तळ कायम केला. रांगणा, खेळणा, संगमेश्वर हे सगळे प्रमुख किल्ले त्याला जिंकावयाचे होते. या सर्व मोहिमेत राणा कर्णसिंह आणि राणा भीमसिंह यांच्या फौजा गावानच्या फौजेबरोबर होत्या. त्यांच्याच सहाय्याने गावानने प्रथम जुलै १४७० मध्ये रांगणा किल्ला जिंकला. त्यांच्या पुढच्या वर्षा म्हणजे १४७१ मध्ये त्याने खेळणा किल्ला ताब्यात घेतला त्यानंतर तो दक्षिण कोकणाकडे वळला. त्याने गोव्याचे बंदर काबीज केले आणि मग मोहीम संपवून तो आपल्या राजधानीला परत केला. कोकणाच्या मोहिमेत असताना महंमद गावानने लिहिलेली पत्रे अलिकडेच उपलब्ध झाली आहेत. त्यात तो रांगणा, खेळणा, संगमेश्वर, माशाळ इत्यादी किल्ले कसे जिंकले याची वर्णने करतो. पण त्यात कर्णसिंहाचा किंवा त्याने दाखवलेल्या कल्पकतेचा चुकूनही उल्लेख करीत नाही. उदा. मौलाना अबू सैद याला लिहिलेले गावानचे पुढील पत्र पहा : 'परमेश्वर कृपेने रांगण्याचा किल्ला हस्तगत झाला आणि आम्ही खेळण्याच्या किल्ल्याला वेढा घातला.. या किल्ल्याची मजबुती आणि सामर्थ्य पाहून माझी अशी खात्री झाली की त्यावर केवळ हल्ला करून तो आपल्या ताब्यात घेता येणे शक्य नाही. रांगणा तर हाती 'आणि त्यांचे सरदार आला. खेळण्याच्या बाबतीत मी असे केले की यांना भक्कम देणग्या देऊन आणि त्यांच्याशी गोड बोलून वश करून घेतले आहे. ते अगदी नरम पडले आहेत. त्यांना मी विलायती वस्त्रे, जडजवाहिऱ्यानी युक्त अशी शस्त्रे, घोडे, पालख्या, इत्यादी वस्तू दिल्या आहेत. त्याचा परिणाम असा झाला की त्यांना पळून जाण्याची सोय राहिली नाही. आणि लढण्याचीही शक्ती उरली नाही. असे ते अगतिक बनले आहेत. खेळणा लवकर हस्तगत होऊन त्यातील संपत्ती हाती पडेल अशी आशा आहे..' ● एका पत्रात महंमद गावानने म्हटले आहे. संगमेश्वरच्या जवळ ३०० जहाजे होती. पण त्यापेक्षाही काही महत्त्वाचे उल्लेख त्याच्या पत्रात सापडतात. म्हणून त्यात त्याच्या कोकणच्या मोहिमेचा हेतू तर लक्षात येतोच, पण एकंदर राज्य करण्याची त्याची दृष्टीही स्पष्ट होते. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त