डी बी पब्लिक स्कूलच्या दहावी वर्गाचा निरोप समारंभ संपन्न.. चाकुरः-शिक्षणाच्या वाटचालीत विद्यार्थ्यांच्या आयुष्याला कलाटणी देणारी पहिली आणि महत्त्वपूर्ण पायरी म्हणजेच दहावी असते. दहावी वर्गात प्रवेश केल्यापासून ते दहावी बोर्डाच्या परीक्षा येईपर्यंत विद्यार्थ्यांच्या मनात एकच स्वप्न असतं ते म्हणजे आपण दहावी चांगल्या गुणांनी उत्तीर्ण होऊन आपल्या आई वडिलांचे, शाळेचे आणि आपलं स्वतःचं नाव रोशन करावे. हेच उत्तुंग भरारी घेण्याचं स्वप्न उराशी बाळगून दहावी बोर्ड परीक्षेसाठी सामोरे जात असलेल्या विद्यार्थ्यांचा हृदयाला स्पर्श करणारा आणि अतिशय भावनिक असा निरोप समारंभ सोहळा आज आपल्या डी.बी. पब्लिक स्कूलमध्ये साजरा झाला. निरोप समारंभ सोहळ्याच्या अध्यक्षस्थानी डी.बी. ग्रुप ऑफ इन्स्टिट्यूटचे अध्यक्ष दिनेश बेंबडे याचबरोबर डी.बी. ग्रुप ऑफ इन्स्टिट्यूटच्या सचिव प्रणिता बेंबडे डी.बी. ग्रुप ऑफ इन्स्टिट्यूटचे कार्यकारी अध्यक्ष विवेक बेंबडे आणि संस्थेच्या सदस्य स्नेहा ताई बेंबडे याचबरोबर डी.बी. पब्लिक स्कूलचे मुख्यापक शशिकांत चिल्लरगे व विठ्ठल काळे यांच्या उपस्थितीत मोठ्या उत्साहात आनंदात आणि भावनिक वातावरणात साजरा करण्यात आला. इयत्ता पहिलीत प्रवेश करून दहा वर्ष ज्या शाळेने घडवलं त्या शाळेच्या आठवणींना विद्यार्थ्यांनी आपल्या मनाच्या अंतकरणातून उजाळा दिला व अनेक आठवणी शाळेच्या, शिक्षकांच्या जागृत केल्या आणि या शाळेतून आम्ही आयुष्याची शिदोरी घेऊन जात आहोत असा एक भावनिक संवाद सर्वच विद्यार्थ्यांनी साधला. कार्यक्रमाच्या अध्यक्षीय समारोप पर भाषणात दिनेश बेंबडे यांनी विद्यार्थ्यांना त्यांच्या पुढील वाटचालीसाठी व पुढील शिक्षणाच्या वाटचालीत डी.बी. पब्लिक स्कूलच्या वतीने शुभेच्छा दिल्या व कायम डी.बी. पब्लिक स्कूल तुमच्या सोबत आहेत. हा विश्वास आपल्या मनोगत पर भाषणातून व्यक्त केला. तसेच शाळेच्या वतीने त्यांना भेट देऊन सत्कार करण्यात आला. कार्यक्रमाचे प्रास्ताविक शाळेचे मुख्यापक शशिकांत चिल्लरगे यांनी केले तसेच कार्यक्रमाचे सूत्रसंचालन इयत्ता नववी वर्गाच्या सिद्धी चेबळे व नंदिनी दुडीले या विद्यार्थ्यांनीने केले व आभार बालाजी कांबळे सर यांनी मानले. तसेच या निरोप समारंभ सोहळ्यासाठी शाळेतील सर्व विद्यार्थी मोठ्या संख्येने उपस्थित होते. आणि कार्यक्रमाच्या यशस्वीतेसाठी शाळेचे सर्व शिक्षक शिक्षकेतर कर्मचारी यांनी परिश्रम घेतले. #📝मराठवाडा अपडेट्स