*அல்ஹம்து லில்லாஹ் வஸ்ஸலாத்து வஸ்ஸலாமு அலா ரசூலில்லாஹ்*
மீண்டும் உயிர் தந்து வணக்க வழிபாடுகளில் ஈடுபட வாய்ப்பளித்த அல்லாஹ்வே உன்னைப் போற்றிப் புகழ்கிறோம்
"யா அல்லாஹ்! எல்லா விவகாரங்களிலும் உறுதியையும், நேர்வழியில் நிலையான முடிவையும் உன்னிடத்தில் வேண்டுகிறேன்.
உனது கருணையைப் பெற்றுத்தரும் செயல்களையும், உனது மன்னிப்பை உறுதிப்படுத்தும் காரியங்களையும் உன்னிடத்தில் கேட்கிறேன்.
உனது அருட்கொடைகளுக்கு நன்றி செலுத்தும் நற்பண்பையும், உன்னை அழகிய முறையில் வணங்கும் பாக்கியத்தையும் உன்னிடத்தில் வேண்டுகிறேன்.
உன்னிடத்தில் தூய்மையான உள்ளத்தையும், உண்மையான நாவையும் எனக்கு அருள வேண்டுகிறேன்.
நீ அறிந்த நன்மைகள் அனைத்தையும் உன்னிடத்தில் கேட்கிறேன். நீ அறிந்த தீமைகள் அனைத்திலிருந்தும் உன்னிடம் பாதுகாப்புத் தேடுகிறேன்.
நீ அறிந்த என்னுடைய பாவங்களுக்கு உன்னிடம் மன்னிப்புத் தேடுகிறேன். நிச்சயமாக நீயே மறைவானவற்றை நன்கு அறிபவன்.
யா அல்லாஹ்! எதை நீயே பொறுப்பேற்றுள்ளாயோ, அதில் என் மனதிற்கு ஆறுதலையும் தேறுதலையும் அளிப்பாயாக.
நிச்சயமாக வானத்திலோ அல்லது பூமியிலோ உன்னை யாராலும் எதனாலும் மிகைக்க முடியாது.
என் இறைவனே! என் உள்ளத்தை எனக்காக விரிவுபடுத்துவாயாக, என் காரியங்களை எனக்கு எளிதாக்குவாயாக.
என் உள்ளத்தில் குடிகொண்டிருக்கும் பயம், என்னை உடைக்கும் பலவீனம் மற்றும் என்னை அழவைக்கும் கவலைகள் அனைத்தையும் என்னிடமிருந்து நீக்கிவிடுவாயாக.
என்னுடைய எதிர்காலத்திலோ, என்னிடமோ அல்லது என் குடும்பத்தினரிடமோ எந்தத் துயரத்தையும் தந்து என்னைச் சோதித்துவிடாதே.
என் காரியங்களைக் கடினமாக்கிவிடாதே. எனக்கு மூடப்பட்ட கதவுகளைத் திறந்துவிடுவாயாக.
யா அல்லாஹ்! உனது அருட்கொடையில் திளைக்கும்போது உன்னை மறந்துவிட்டு, துன்பம் வரும்போது மட்டும் உன்னை நினைப்பவர்களில் ஒருவனாக என்னை ஆக்கிவிடாதே. எல்லாச் சூழ்நிலைகளிலும் உனக்கு நன்றி செலுத்துபவனாகவும், உனக்கு நெருக்கமானவனாகவும் என்னை ஆக்கி அருள்வாயாக."
*🤲❤️ஆமீன்❤️🤲*
#☪️இஸ்லாமிய ஸ்டேட்டஸ்