🧿💔🧿వాళ్ళంటారు…🧿💔🧿 ఎవరెస్ట్ శిఖరం ఎక్కానని నేను వాళ్ళతో సమానమని… కానీ వాళ్ళకు తెలియదు ఆ శిఖరం ఎక్కేటప్పుడు నా వీపుమీద ఉన్న బ్యాగ్‌లో ఆక్సిజన్ కంటే ఎక్కువ అవసరం సానిటరీ ప్యాడ్స్‌కే ఉందని… 🧿💔🧿వాళ్ళంటారు…🧿💔🧿 యుద్ధంలో తుపాకీ పట్టానని నేను వాళ్ళతో సమానమని… కానీ వాళ్ళకు తెలియదు నా శరీరం నుంచి వచ్చే రక్తం ఎప్పుడూ బుల్లెట్ వల్లే కాదని… 🧿💔🧿వాళ్ళంటారు…🧿💔🧿 చదువుల్లో ర్యాంకులు తెచ్చానని నేను వాళ్ళతో సమానమని… కానీ వాళ్ళకు తెలియదు ప్రతి వివక్ష చూసినప్పుడు చీకటిలో నిశ్శబ్దంగా కన్నీళ్లు తుడుచుకున్న రాత్రులు… 🧿💔🧿వాళ్ళంటారు…🧿💔🧿 బస్సులు… విమానాలు నడిపానని నేను వాళ్ళతో సమానమని… కానీ వాళ్ళకు తెలియదు డ్యూటీలో ఉన్నపుడు ఇంట్లో ఉన్న చంటి బిడ్డ గుర్తొచ్చి నా గుండెతో పాటు నా శరీరం కూడా భారంగా మారుతుందని… 🧿💔🧿వాళ్ళంటారు…🧿💔🧿 ఉద్యోగాల్లో… క్రీడల్లో ముందున్నానని నేను వాళ్ళతో సమానమని… కానీ వాళ్ళకు తెలియదు బయటివారి చూపుల అవమానాలు ఇంట్లో అనుమానాలుగా మారుతాయని… 🧿💔🧿వాళ్ళంటారు…🧿💔🧿 ప్రేమించి పెళ్లి చేసుకున్నానని నేను వాళ్ళతో సమానమని… కానీ వాళ్ళకు తెలియదు ప్రతి రోజు నన్ను నేను నిరూపించుకోవాల్సిన పరీక్ష ఇంకా ముగియలేదని… 🧿💔🧿వాళ్ళంటారు…🧿💔🧿 మోడెర్న్ హ్యూమన్ అంటారు సైన్స్ చదివానంటారు… కానీ వాళ్ళకు తెలియదు ఇంకా కొన్నిచోట్ల నా నీడకే అశుభం అనే ముద్ర వేస్తారని… కానీ ఓ మగవాడా… నెల నెలా నా కడుపులో నొప్పి గుండ్రాళ్లలా తిరిగినప్పుడు… ప్రపంచం కోసం నా శరీరాన్ని మందులతో మోసం చేసినప్పుడు… అద్దంలో నా ప్రతిబింబం బలవంతపు అబార్షన్‌తో ముక్కలైనప్పుడు… పది పాత్రలు వేసే ఇంటి రంగస్థలంలో నన్ను నేను మర్చిపోయినప్పుడు… నవమాసాలు మోసిన ప్రాణం రెండు చిన్న చేతులతో నా కాళ్లను తాకినప్పుడు… వేల కత్తులు గుచ్చినట్టుండే పురిటి నొప్పిని పిడికిలిలో బంధించినప్పుడు… అపుడు… అదిగో సరిగ్గా అపుడు… స్త్రీత్వం నా రక్తంలో గర్వంగా ఉప్పొంగినప్పుడు… నీ గల్లా పట్టుకుని అడగాలని అనిపిస్తుంది… “నేను నీతో ఎలా సమానం రా…? నేనే జీవాన్ని సృష్టించే శక్తిని…”🍀🍀🍀🍀⚜️🙏 #💗నా మనస్సు లోని మాట #😊ఎమోషనల్ ఫీలింగ్స్ #😥మనసులోని బాధ💔 #👧ఆడపిల్ల👧 #అడపిల్ల జీవితమ్