#😍 അതിസുന്ദരിയായി മലയാള നടി; കണ്ണെടുക്കാനാകാതെ ആരാധകർ 😍 ധുരന്ദർ’ എന്ന സൂപ്പർഹിറ്റ് ചിത്രത്തിനുശേഷം സാറ അർജുൻ പ്രധാന വേഷത്തിലെത്തുന്ന തെലുങ്ക് സിനിമ ‘യൂഫോറിയ’ ട്രെയിലർ റിലീസ് ചെയ്തു. ഗുണശേഖർ സംവിധാനം ചെയ്യുന്ന ചിത്രം 19 കാരിയായ പെൺകുട്ടിയുടെ ജീവിതത്തിലുണ്ടാകുന്ന അപ്രതീക്ഷിത സംഭവങ്ങളാണ് പറയുന്നത്. ഹൈദരാബാദിൽ വച്ചു നടന്ന ട്രെയിലർ ലോഞ്ചിൽ അതിസുന്ദരിയായാണ് സാറ പ്രത്യക്ഷപ്പെട്ടത്. സദസ്സിലെത്തിയ കാണികളെ ഉൾപ്പടെയുള്ളവരെ തെലുങ്കിൽ സംസാരിച്ചും സാറ അദ്ഭുതപ്പെടുത്തി. ഭൂമിക ചൗള, നാസർ, റോഹിത്, മാത്യു വർഗീസ്, രവി പ്രകാശ്, നവീന റെഡ്ഡി എന്നിവരാണ് മറ്റ് അഭിനേതാക്കൾ. സംഗീതം കാല ഭൈരവ. ‘ആൻമരിയ കലിപ്പിലാണ്’ എന്ന സിനിമയിലൂടെ മലയാളികൾക്കും പ്രിയങ്കരിയായി മാറിയ നടിയാണ് സാറാ അർജുൻ. 2011ൽ പുറത്തിറങ്ങിയ 404 എന്ന ഹിന്ദി ചിത്രത്തിലൂടെ സിനിമയിലെത്തി. അതേ വർഷം പുറത്തിറങ്ങിയ വിക്രം ചിത്രം ദൈവത്തിരുമകളിലൂടെ സാറ സിനിമയിൽ തന്റെ ചുവടുറപ്പിച്ചു. മണിരത്നം സംവിധാനം ചെയ്ത പൊന്നിയിൻ‌ സെൽവനിൽ ഐശ്വര്യ റായ് അവതരിപ്പിച്ച നന്ദിനി എന്ന കഥാപാത്രത്തിന്റെ കുട്ടിക്കാലം അവതരിപ്പിച്ചതും സാറയായിരുന്നു.