#📔 കഥ ഭാഗം ഏഴ് അകലം പൂക്കുന്ന വെയിൽചില്ലകൾ ക്യാന്റീനിൽ ചെന്ന് ഭക്ഷണം ഓർഡർ ചെയ്യുന്ന സമയത്ത് അവൾ ചോദിച്ചു "എന്താ വേണ്ടത്" "വേണ്ടതെല്ലാം കിട്ടുമോ കഴിക്കാൻ" അവൾ ചിരിച്ചുകൊണ്ട് പറഞ്ഞു "ഇവിടുള്ളത് കിട്ടും തല്ക്കാലം അത് കഴിച്ച് കുറച്ച് വിശപ്പ് മാറ്റാം" "ബാക്കി വിശപ്പോ".. "ദേ.. പോയേ.. തമാശ കളയൂ.. കഴിക്കാനെന്താന്ന് വെച്ചാൽ പറയൂ" "അതും നിനക്കിഷ്ടമുള്ളത്" "എനിക്കിഷ്ടം കഞ്ഞിയാണ്" " എന്നാലെനിക്കുമത് മതി " സപ്ലയർ വന്നപ്പോൾ ചിരിച്ചുകൊണ്ട് അവൾ  പറഞ്ഞു " രണ്ട് ചിക്കൻ ബിരിയാണി " സപ്ലയർ പോയപ്പോൾ ചിരിച്ചുകൊണ്ട് അവൾ പറഞ്ഞു " തല്ക്കാലമെന്തെങ്കിലും കടിച്ചുവലിച്ചിരിക്കാം " " ആയിക്കോട്ടെ നിന്റെ ഇഷ്ടം " " എന്നാലെനിക്കിത് വലിയ ഇഷ്ടമില്ല " " എന്നാ വേണ്ട കഴിക്കേണ്ട " അവൾ എന്റെ മുഖത്തേക്ക് തന്നെ നോക്കിയിരുന്ന് കാലിലൂ ഷൂവിൽ ചവിട്ടികൊണ്ട് പറഞ്ഞു "ഇങ്ങനൊരു സാധനം.. ഒന്നും പറയാനും പറ്റില്ല " അപ്പോഴേക്കും സപ്ലയർ ഭക്ഷണവുമായി വന്നപ്പോൾ അവൾ കാൽ വലിച്ചു ഭക്ഷണം കഴിച്ചുകൊണ്ടിരിക്കുമ്പോൾ അവളുടെ പ്ലേറ്റിലെ ലെഗ്പീസെടുത്ത് എനിക്ക് നേരെ നീട്ടിക്കൊണ്ട് ചോദിച്ചു. "വേണോ" "നീ സ്നേഹത്തോടെ തന്നാൽ കഴിക്കും". "അയ്യട.. ഞാൻ വെറുതെ ചോദിച്ചതല്ലേ തരില്ല " " തരില്ലെന്ന് എനിക്കറിയാലോ.. അതോണ്ടല്ലേ ചോദിച്ചത്" അവൾ ചോദിച്ചു "തന്നാൽ കഴിക്കുമോ" "ഉം.." അവളെന്നെയൊന്ന് തറപ്പിച്ച് നോക്കി ആ നോട്ടം താങ്ങാനാവാതെ പ്ലേറ്റിലേക്ക് നോക്കിയിരുന്നു അവൾ പറഞ്ഞു " ഇങ്ങനെ രസമായിരുന്ന് ഭക്ഷണം കഴിച്ചിട്ടെത്ര നാളായെന്നറിയുമോ " " എനിക്ക് എല്ലാ ഭക്ഷണവും രുചിയോർത്ത് കഴിക്കുന്നതാണിഷ്ടം എല്ലാഭക്ഷണവും രുചികരമാണ് ഏത് സമയത്തും രുചികരമാണ് പക്ഷേ ഉള്ളിൽ വിശപ്പുണ്ടാകണമെന്ന് മാത്രം" "അത്രക്ക് വിശപ്പുണ്ടോ ". . "നിനക്കില്ലെന്ന് മനസിലായി " " ഇന്ന് ഒരൽപം തോന്നുന്നുണ്ട് എന്താണാവോ " ."എന്നാൽ വയറു നിറച്ച് കഴിച്ചോ.. എപ്പോഴും കിട്ടില്ലല്ലോ " അവളെന്റെ മുഖത്തേക്ക് നോക്കി കൊണ്ട് ചോദിച്ചു " എപ്പോഴും വിശപ്പുണ്ടായാലെന്തു ചെയ്യും" " സ്ഥിരമായൊരു ഡോക്ടറെ കാണണം" " അങ്ങനൊരു ഡോക്ടറെ ഇതുവരെ കണ്ടെത്തീല "... "എന്നാലവിടെ വിശന്നിരുന്നോ.. ഇടക്ക് രണ്ട് ഗുളികകൾ വല്ലപ്പോഴും ഞാൻ തരാം " " ഒന്നു പോയേ.. വല്യ തിരക്കുള്ളൊരു ഡോക്ടർ വന്നിരിക്കുന്നു". "ഉം" സംസാരത്തിനിടയിൽ ഭക്ഷണം കഴിഞ്ഞതറിഞ്ഞില്ല.. കൈ കഴുകിയപ്പോൾ അവളുടെ സാരിതലപ്പിൽ കൈതുടക്കാൻ നോക്കിയപ്പോൾ അവളത് പിടിച്ചു വാങ്ങി ചേർന്നു നിന്നുകൊണ്ട് പറഞ്ഞു. " എല്ലാ കള്ളത്തരവുമുണ്ടല്ലേ "... " കുറച്ച് കള്ളത്തരമില്ലാതെ ജീവിക്കാനാവില്ല റസിയാ" " ഉം.. ആരുമറിയാതെ അവനവന് മാത്രം ആസ്വദിക്കാൻ കഴിയുന്ന കള്ളത്തരങ്ങൾ അല്ലേ.." "ഉം" . ഭക്ഷണം കഴിഞ്ഞ് കൗണ്ടറിലെത്തി പൈസ കൊടുക്കാനായി പോക്കറ്റിൽ നിന്ന് പേഴ്സ് എടുത്തപ്പോൾ അവൾ കയ്യിൽ പിടിച്ച് തടഞ്ഞുകൊണ്ട് പറഞ്ഞു "ഇന്ന്  എല്ലാം എന്റെ ഇഷ്ടത്തിനായി വിട്ടു തന്ന ആളല്ലേ അപ്പോഴിതും എന്റെ ഇഷ്ട്ടം.. ഞാൻ കൊടുത്തോളാം " " എന്നാലും ഭക്ഷണം കഴിച്ച പൈസയല്ലേ" ."പൈസക്ക് മനുഷ്യരെ പോലെ  വേർതിരിവില്ല ആരുകൊടുത്താലും അതിന് മൂല്യമൊരുപോലെ തന്നെ.. ഉളാളവന്റെയൂം ഈല്ലാത്തവന്റെയും കയ്യിലുള്ളതിന് ഒരേ മൂല്യമാണ് " അവൾ ബാഗ് തുറന്ന് പൈസ കൊടുത്ത് പൂറത്തേക്കിറങ്ങുമ്പോൾ കൗണ്ടറിൽ നിന്ന് ടിഷ്യൂ പേപ്പറെടുത്ത് മൂഖവും കൈയും തുടച്ച് വേസാറ്റാ ബോക്സിലേക്കിട്ട് അവളോടൊപ്പം പുറത്തേക്കിറങ്ങി.. മ്യൂസിയത്തിനുള്ളിൽ കയറി പുരിതന വസ്തുക്കൾ കണ്ട് പുറത്തിറങ്ങി.. പഴകി ദ്രവിച്ചു തുടങ്ങിയ പഴയകാലത്തെ ഓർമ്മകളുടെ പത്തായത്തിനരികിൽ പഴക്കമണമാസ്വദിച്ച് നിന്നു.. ചുമരിൽ തൂക്കിയ പടങ്ങളിലെ ദൃശ്യ ചാരുതകണ്ട് നടക്കുമ്പോൾ അവൾ കൈകളിൽ കൂട്ടിപിടിച്ചിരുന്നു. തോളോട് തോളുരുമ്മി നടക്കുമ്പോൾ അറിഞ്ഞോ അറിയാതെയോ അവളുടെ ശരീരഭാഗങ്ങൾ ദേഹത്തുരുമ്മി. കാഴാചബംഗ്ലാവിലൂടെ ചുറ്റിതിരിഞ്ഞ് അൽപ പച്ചപിടിച്ച വള്ളികൾ ചുറ്റിപിണഞ്ഞുകിടക്കുന്ന വെയിൽ വെളിച്ചമധികം തട്ടാത്ത വലിയ മരത്തിനു താഴെയുള്ള സിമന്റ് ബെഞ്ചിലെ ഉണക്കയിലകൾ തട്ടികളഞ്ഞ് റസിയ അതിലിരുന്നുകൊണ്ട് പറഞ്ഞു "ഇരിക്കൂ.. ഇപ്പോൾ എല്ലാം കണ്ടില്ലേ ഇനി കഥയിലേക്ക് കടക്കാം" "ഉം... പറയൂ കേൾക്കാം" അവൾ മഞ്ഞിച്ച ഒരിലയുടെ തണ്ടുകൊണ്ട് പാന്റിൽ വെറുതെ വച്ചുകൊണ്ട് വീണ്ടും പറഞ്ഞു തുടങ്ങി പിറ്റേദിവസം റഷീദ് ഫോൺ വാങ്ങി തന്നു അത് വാങ്ങാനായി പോകാൻ ഉമ്മയോടും ഇത്തയോടും കള്ളം പറഞ്ഞ് പുറത്ത് ചാടി.. മീനങ്ങാടിയിലെ നിസ്ക്കാരപള്ളിക്ക് പിറകിലായി റഷീദ് കാത്തു നിന്നിരുന്നു അധികമാരും വരാത്തൊരിടത്തേക്ക് വിളിച്ചപ്പോഴേ ദുരുദ്ദേശത്തോടെയാവുമെന്നുറപ്പുള്ളതിനാൽ കൂറച്ചകന്നു മാറിനിന്നു സ്വതസിദ്ധമായ ചെറിയ വഷളൻ ചിരിയോടെ അവൻ പറഞ്ഞു "എനിക്ക് കുഷ്ഠമൊന്നുമില്ല ഇങ്ങനെ അകന്നു മാറി നിൽക്കാൻ.." "അതില്ലെങ്കിലും നിന്നിൽ നിന്ന് വേറെ പലതും പകരുമെന്ന് തോന്നി" അവൻ ബലമായി കൈപിടിച്ച് വലിച്ച് നിസ്ക്കരിക്കുന്നതിന് മുമ്പ് കൈകാലുകൾ ശുദ്ധിയാക്കുന്ന വാട്ടർടാങ്കിന് അരികിലുള്ള മതിലിനടുത്തേക്ക് പിടിച്ച് വലിച്ച് മതിലിൽ ചേർത്ത് നിർത്തി പോക്കറ്റിൽ നിന്നും ഫോണെടുത്ത് കയ്യിൽ തന്നിട്ട് പറഞ്ഞു " സിം ഇട്ടിട്ടുണ്ട് ഫൂൾ ചാർജുമുണ്ട് രാത്രി ഞാൻ വിളിക്കും".. "അപ്പോൾ പകൽ വിളിക്കണ്ടേ". "വേണം.. എപ്പോഴും വിളിക്കും ഈ ഫോണിൽ വേറാരും വിളിക്കണ്ട.." "പിന്നെന്തിനാ ഫോൺ" "എന്നാ വേണ്ട അതിങ്ങ് തന്നേക്ക്" അതുപറഞ്ഞവൻ ഫോൺ പിടിച്ചു വാങ്ങാൻ നോക്കിയപ്പോൾ ഫോൺ കൈകളിൽ കൂട്ടിപ്പിടിച്ച് നെഞ്ചോടടുക്കി വെച്ചു.. അവൻ ഫോണെടുക്കുന്നതിനിടയിൽ വേറെ പലതിലും തൊട്ടപ്പോൾ കൈകൾ പിന്നിലേക്കാക്കി മതിൽ ചാരി നിന്നു.. അവന്റെ കൂറ്റിതാടി കവിളിലുരഞ്ഞ് നീങ്ങി. അവൻ മെല്ലെ ചെവിയുടെ മേൽതട്ടിൽ കടിച്ചുകൊണ്ട് ചോദിച്ചു "എന്നിൽ നിന്നെന്താണ് നിനക്ക് പകരുന്നത്.. അത് പറഞ്ഞിട്ട് പോയാ മതി ഇനി" ബലമായി മതിലിനോട് ചേർത്ത് നിർത്തിയതിനാൽ അനങ്ങാനായില്ല അവസാനമവന്റെ കവിളിൽ കടിച്ചുകൊണ്ട് പറഞ്ഞു "നിന്റെ ചൂടും മണവും പകരുമെന്ന്" അവന്റെ ചുണ്ടുകൾ കവിളിലും കഴുത്തിലും ഓടി നടന്നു മതിലിൽ ചാരി നിലത്തേക്കിരുന്ന് അവനെന്നെ മടിയിലേക്കിരുത്തിയപ്പോൾ പറഞ്ഞു " ദേ.. ഷർട്ടിലും പാന്റിലും മണ്ണാകും" "അതു സാരമില്ല റസിയാ.." അവന്റെ തോളിൽ കമവയ്യിട്ടിരുന്നുകൊണ്ട് അവന്റെ മീശ പിടിച്ചു വലിച്ചുകൊണ്ട് പറഞ്ഞു "അതേയ്.. ആരെയും പേടിക്കാതെ ഇതുപോലെ നമുക്കെന്നിരിക്കാനാകും" "അടുത്തയാഴ്ചക്ക് എല്ലാം റെഡിയാക്കാം.. ആരെയും വിളിക്കാനൊന്നും പറ്റുന്ന സാഹചര്യമല്ലല്ലോ.. ഈ വെള്ളിയല്ല അടുത്ത വെള്ളിയാഴ്ച നീ പള്ളിയുടെ അവിടേക്ക് വരണം.. എന്റെ ഉമ്മയും വീട്ടുകാരും എത്തും ലളിതമായ ചടങ്ങോടെ നിക്കാഹ് കഴിച്ച് കസിന്റെ വീട്ടിൽ പോകാം.. " " എനിക്ക് ഇനിയും പഠിക്കണം " " അതിനെന്താ നീ പഠിച്ചോ.. പഠിക്കണം നുയൊരു ജോലി നേടണം.. രണ്ടാൾക്കും വരുമാനമുണ്ടെങ്കിലേ ജീവിക്കാൻ പറ്റൂ ". " കല്ല്യാണം കഴിഞ്ഞ് വാക്ക് മാറ്റരുത് " " ഇല്ല റസിയാ.. "... " ഇയാളുടെ ഉദ്ദേശമെന്താ.. വരുമാനമില്ലാതെ നമ്മളെങ്ങനെ മുമ്പോട്ട് പോകും.. " " ഞാൻ നിക്കാഹ് കഴിഞ്ഞാൽ വിസിറ്റിംഗ് വിസക്ക് പോവുകയാണ്.. അവിടെ ചെന്ന് ഒരു ജോലി ശരിയായാൽ ഞാൻ അറിയിക്കും നീ അപ്പോഴങ്ങോട്ട് വന്നാൽ മതി " " ഉം..നടന്നാൽ മതി " " നിനക്കെന്നെ വിശ്വാസമില്ലേ" " വിശ്വാസമില്ലാഞ്ഞിട്ടല്ല...വിശ്വാസവും കാറ്റും ഒരുപോലെയാണ് ചിലനേരങ്ങളിൽ ഉണ്ടാവും തഴുകി തലോടും പിന്നെ കുറഞ്ഞ് തീരെ ഇല്ലാതാകും അതാണ് പേടി " " എനിക്ക് നിന്നെ വിശ്വാസമാണ്.. " അവന്റെ മീശരോമങ്ങൾ പിടിച്ച് വലിച്ച് കൊണ്ട് ചോദിച്ചു " ഇപ്പോഴല്ലേ.. ഭാവിയിലെ കാര്യം പറയാനാകുമോ " അവൻ കവിളിലുമ്മവെച്ചുകൊണ്ട് പറഞ്ഞു " എനിക്കെപ്പോഴും ഉണ്ടാവും " " അതേയ്.. അധികമിവിടെ ഇരുന്നാലേ പ്രശ്നമാണ് അതോണ്ട് ഞാൻ പോവാണ്" " നിൽക്ക് റസിയാ.. കുറച്ച് നേരം കഴിഞ്ഞോട്ടെ ഇനിയെന്നാ കാണുക.. എനിക്ക് മതിയായില്ല" "മതിയാവരുത് ഒന്നും ഒരിക്കലും.. എന്നും പുതുമ നഷ്ടപ്പെടാതെ മടുപ്പ് തോന്നാതെ മുമ്പോട്ട് പോകണം " " ഉം" മതിലിന് പിറകിലൂടെ ചെരുപ്പിന്റെ ശബ്ദം കേട്ടപ്പോൾ എണീൽക്കാൻ തുടങ്ങിയപ്പോൾ അവൻ വരിഞ്ഞു മുറുക്കിയപ്പോൾ ശ്വാസം മുട്ടി അവന്റെ താടിയിൽ പിടിച്ചു വലിച്ചപ്പോൾ അവൻ. വേദനയോടെ കയ്യെടുത്തു.. മെല്ലെ മടിയിൽ നിന്നെണീറ്റ് മതിലിന് മുകളിലൂടെ നോക്കി.. മുസ്ല്യാർ  ബാങ്കിനായി പള്ളിയിലേക്ക് വരുന്നത് കണ്ട് പിറകുവശത്തുള്ള വഴിയിലൂടെ ഓടി പള്ളിയുടെ കിഴക്കേ അതിരിലെത്തി ഖബറൂസ്ഥാന്റെ അരികിലെ വെട്ടുവഴിയിലൂടെ നടന്ന് റോഡിലേക്കിറങ്ങുമ്പോൾ തിരിഞ്ഞു നോക്കി.. റഷീദ് പള്ളിയുടെ മതിലിന് മുകളിൽ കയറി താഴേക്ക് ചാടുന്നത് കണ്ടു.. വീട്ടിലേക്ക് കയറുന്നതിനു മുന്നേ ഫോണെടുത്ത്  അരയിൽ വെച്ച് അകത്തേക്ക് കയറുമ്പോൾ ഇത്ത എണീറ്റ് വന്ന് നാലുപാടും നടന്നു നോക്കി എന്നിട്ട് സംശയത്തോടെ  ചോദിച്ചു "എന്താ അന്നെ വേറൊരു മണം" "എന്ത് മണം.. ഒന്നു പോ ഇത്താ ഞാൻ ആയിഷയുടെ വീട്ടിൽ പോയതാണ്" ഇത്തക്കെന്തോ സംശയം തോന്നിയ പോലെ തോന്നി.. എല്ലാ കളിയുമറിയാവുന്ന ഇത്തയുടെ ചുഴിഞ്ഞ് നോട്ടത്തിന്റെ മുന്നിൽ പതറാതെ പിടിച്ചു നിന്ന് മുകളിലെ മുറിയിലേക്ക് കയറി വാതിലടച്ച് കുറ്റിയിട്ട് അരയിൽ  നിന്ന് ഫോണെടുത്ത് നോക്കി.. സൈലന്റ് ചെയ്ത് വെച്ച് ഡ്രസ് മാറി കുളിമുറിയിൽ കയറി.. തലയിലൂടെ വെള്ളമൊഴിച്ച് വാഷ്ബേസിന് മുന്നിലെ കണ്ണാടിയിലൊന്ന് നോക്കി മാറിടം നന്നായി വേദനിക്കുന്നുണ്ടായിരുന്നു.. റഷീദിന്റെ വിരലുകൾ പതിഞ്ഞ പലഭാഗങ്ങളും ചുവന്ന് കിടക്കുന്നത് കണ്ടു... അവന്റെ മണം പോകുന്നത് വരെ സോപ്പ് നന്നായി പതിപ്പിച്ച് തേച്ച്  കുളി കഴിഞ്ഞ് പുറത്തിറങ്ങി ഫോണെടുത്ത് കിടക്കക്ക് അടിയിലേക്ക് വെച്ച് ഡ്രസ് മാറി താഴേക്കിറങ്ങി തുടരും രമേഷ് കൃഷ്ണൻ