#📙 നോവൽ - മുറ ചെറുക്കൻ..... 🔻 ഭാഗം _37 ✍️ രചന - Aysha akbar ഉയർന്നു നിന്ന് കഴുത്തിലൂടെ അവൾ ചുറ്റി പിടിക്കുമ്പോൾ ഉയരം കൂടുതലുള്ള അവനൊന്നു കുനിഞ്ഞു പോയിരുന്നു....... അവളുടെ കൈ വിരലുകൾ അവന്റെ ഷർട്ടിൽ മുറുകി...... നിറഞ്ഞൊഒഴുകുന്ന മിഴികൾ അവന്റെ വെള്ള നിറത്തിലെ ഷർട്ടിനെ നനച്ചു കുതിർത്തു ....... അതേ.... അവസാനം അവനെത്തിയിരിക്കുന്നു... ഒരു വാക്ക് കൊണ്ട് പോലും പ്രതീക്ഷ നൽകിയിട്ടില്ലെങ്കിൽ കൂടി അവൻ തന്നെ തേടി ഇത്ര ദൂരം വരണമെങ്കിൽ അതിന് പേര് പ്രണയം മാത്രമാണെന്ന് അവൾക്കറിയാമായിരുന്നു..... മിനുസമേറിയ അവളുടെ മുടിയിഴകൾ ഇളം കാറ്റിൽ അവന്റെ മുഖത്തേക്ക് പാറി വീണു..... അവളുടെ ഹൃദയമിടിപ്പ് തന്റെ നെഞ്ചിലേക്ക് പതിക്കുമ്പോൾ ഒരു നിമിഷം സച്ചു നിശ്ചലനായി പ്പോയി...... ആദ്യമായി അവളെ താൻ വലിച്ച് നെഞ്ചിലേക്കടുപ്പിക്കുമ്പോഴുള്ള അതേ വിങ്ങലുണ്ടിപ്പോ അവളുടെ ഹൃദയത്തിന്..... അതറിഞ്ഞെന്ന വണ്ണം അവന്റെ ഉള്ളൊന്നുലഞ്ഞു..... പിടി വിടാതെയെന്ന വണ്ണം ആ വിരലുകൾ വീണ്ടും വീണ്ടും അവന്റെ ഷർട്ടിൽ മുറുകുമ്പോൾ ഇതെല്ലാം കണ്ട് നവീൻ അന്തം വിട്ട് നിൽക്കുകയായിരുന്നു ..... അവളുടെ കണ്ണ് നീർ അവന്റെ മുതുകിനെ ഒന്നായി കുതിർത്തിയിട്ടുണ്ട്...... തിരിച്ചവളെ ഒന്ന് ചേർത്ത് പിടിക്കാൻ പോലും കഴിയാതെ സച്ചു വങ്ങനെ നിന്നു........ അവൾക്ക് തന്നെ മറക്കാൻ കഴിയുമെന്ന് വിശ്വസിച്ച തന്നോട് അവനു സ്വയം പുച്ഛം തോന്നി.. .... അവൾക്ക് മുമ്പിൽ താനെത്രയോ താഴെയായത് പോലെ ...... അവന്റെ കണ്ണുകളും നിറഞ്ഞു......... ഹൃദയം അവൾക്ക് വേണ്ടി മാത്രം പിടച്ചു...... കണ്ട് നിൽക്കുന്ന നവീന്റെ കണ്ണുകൾ കൂടി ഒരു നിമിഷം നിറഞ്ഞു പോയിരുന്നു .. വഴിയിലൂടെ പോകുന്നവർ ശ്രദ്ധിക്കുന്നു വെന്ന് തോന്നിയതും സച്ചു പതിയെ ഇരു കൈകൾ കൊണ്ടും അവളെ വേർപ്പെടുത്താൻ ശ്രമിച്ചു...... എന്നാൽ അവൾ അവനിൽ നിന്ന് പിടി വിടാതെയെന്ന വണ്ണം അങ്ങനെ നിന്നു....... അൽപ നേരം കൂടി ഉള്ളിലെ വിങ്ങൽ അവനു മേൽ അവൾ പെയ്തു തീർത്തു .... ഇഷാനി..... ആരെങ്കിലും കാണും...... അവളുടെ കാതോരം അടക്കി പ്പിടിച്ചു കൊണ്ട് അവനത് പറയുമ്പോൾ അവൾ പതിയെ അവനിൽ നിന്നടർന്നു മാറി....... അവന്റെ മുഖത്തേക്ക് നോക്കാൻ കഴിയാതെ അവൾ തല കുനിച്ചു നിന്നു..... അവനളെ യൊന്നു നോക്കി...... ആകെക്കൂടി കരഞ്ഞു കലങ്ങിയ കണ്ണുകൾ....... കൺ പീലികളിൽ പറ്റി പ്പിടിച്ചു നിൽക്കുന്ന നീർ തുള്ളികൾ...... കവിളുകളിൽ വല്ലാതെ ചുവപ്പ് പടർന്നിട്ടുണ്ട്....... കെട്ടി വെച്ച മുടിയെല്ലാം പാറി മുഖത്തേക്ക് വീണു ആകെ അലങ്കോലമായി കിടക്കുന്നുണ്ട്....... അവൻ പോക്കറ്റിൽ നിന്നും വെള്ള കർചീഫ് എടുത്ത് അവൾക്ക് നേരെയൊന്ന് നീട്ടി...... അവൾ പെട്ടെന്ന് മിഴികൾ അവന് നേരെയുയർത്തി....... ആ മിഴികൾ കണ്ടതും അവന്റെ ഉള്ളിലൊരു തണുപ്പ് പടർന്നു ...... കാരണം..... ആ മിഴികളിൽ ഇപ്പോഴും അതേ ഭാവം തന്നെയാണ്.... അവൾ പതിയെ കർച്ചീഫ് വാങ്ങും നേരം അവനെയൊന്നു നോക്കി...... അവിടെ നിന്ന് കണ്ടിരുന്നതിനേക്കാൾ ഭംഗി അവനിപ്പോഴുള്ളത് പോലെ...... വെള്ള ഷർട്ടിൽ അവനേറെ ഭംഗി കൂടിയത് പോലെ...... ഒരു വശത്തേക്കൊതുക്കിയ അവന്റെ നീളൻ മുടിയിഴകളും കുസൃതി യോളിപ്പിച്ച അവന്റെയാ കുഞ്ഞി കണ്ണുകളും കണ്ട് മതിവരാത്തത് പോൽ അവൾ നോക്കി നിന്നു..... മുഖമൊന്നു തുടച്ചേ..... ആളുകൾ ശ്രദ്ധിക്കുന്നു.... അവൻ ചുറ്റുമോന്ന് നോക്കി അത്‌ പറഞ്ഞതും അവൾ കയ്യിലുള്ള കർച്ചിഫ് കൊണ്ട് കണ്ണും മുഖവുമൊന്നു തുടച്ചു...... ആ കർച്ചീഫിൽ പറ്റി പിടിച്ചു നിന്നൊരു സുഗന്ധമുണ്ടായിയുന്നു... കേവലം ഒരു പെർഫ്യൂമിൻറെ ഗന്ധമാണത്..... പക്ഷെ..... തനിക്കത് അവന്റെ ഗന്ധമാണ്.... അവളൊന്നു കൂടി മുഖം തുടക്കാനെന്ന വണ്ണം അത്‌ മുഖത്തോടടുപ്പിച്ചു....... ഇത്.... ഇതെന്റെ ഫ്രണ്ടാണ് നവീൻ....... സച്ചു നവീനെ ചൂണ്ടി പരിചയപ്പെടുത്തുമ്പോൾ ഇഷാനി അവനെയൊന്ന് നോക്കി പുഞ്ചിരിക്കാൻ ശ്രമിച്ചു..... നവീനും ഹായ് പറഞ്ഞോന്നു പുഞ്ചിരിച്ചു..... ഞാൻ... ട്രിപ്പ്‌ കഴിഞ്ഞ് പോകും വഴി ഇവനെ കാണാൻ വേണ്ടി ഇവിടേക്ക്....... അതേയ് ഇഷാനി..... കള്ളം പറയുകയാണ് കെട്ടോ....... ഇവൻ നിന്നേ കാണാൻ തന്നെ വന്നതാ...... സച്ചു നെറ്റിയിലൊന്ന് തടവി അവളുടെ മുഖത്തേക്ക് നോക്കാതെ അത്‌ പറയുമ്പോൾ ആ കണ്ണുകളിലെ തിളക്കം മായുന്നതറിഞ്ഞതും നവീൻ പെട്ടെന്നായിരുന്നു ഇടക്ക് കയറിയത് പറഞ്ഞത്..... ഒരു നിമിഷം ഒരു ഞെട്ടലോടെ സച്ചു ഒന്ന് മിഴികളുയർത്തി നവീനെ നോക്കി...... നവീനൊരു ചിരിയോടെ അങ്ങനെ നിൽക്കുകയാണ്...... ഇഷാനിയുടെ കണ്ണുകൾ പെട്ടെന്ന് വിടർന്നു ഭംഗിയായി..... അതെ..... അവൻ വന്നിരിക്കുന്നത് തന്നെ കാണാനാണെന്ന് കേൾക്കാനാണ് മനസ്സാഗ്രഹിച്ചത്...... അത്‌ കേട്ടതിലുള്ള പിടപ്പ് ആ കണ്ണുകളിൽ വ്യക്തമാണ്....... സച്ചു ഒരു നിമിഷം അവളെയൊന്ന് നോക്കി..... ആ കണ്ണുകളിൽ പടർന്നു കിടക്കുന്ന നാണം ഒരു വേള അവനിലും ഒരു പുഞ്ചിരിയെ ഒളിപ്പിച്ചിരുന്നു..... അളിയാ...... ഇനിയെങ്കിലും എന്താന്ന് വെച്ചാൽ അവളോടൊന്ന് പറയ്..... ഞാൻ അപ്പുറത്ത് വെയിറ്റ് ചെയ്യാം..... രണ്ട് പേരും പറയാനുള്ളതോക്കെ പറഞ്ഞു തീർത്തിട്ട് വന്നാൽ മതി..... നവീൻ സച്ചുവിന്റെ തോളിലൊന്ന് തട്ടി അതും പറഞ്ഞു കൊണ്ട് അവിടെ നിന്നും നടക്കുമ്പോൾ ഇരുവർക്കും മുഖത്തേക്ക് നോക്കാൻ ഏറെ പ്രയാസം തോന്നി...... തനിക്ക്...... തനിക്ക് വീട്ടിലെത്താൻ വൈകിയാൽ കുഴപ്പമുണ്ടോ....... സച്ചുവത് ചോദിച്ചതും ഇഷാനി യുടെ മനസ്സ് വീട്ടിലെ ഓർമകളിലേക്കൊന്നെത്തി നോക്കി..... ഒരു ഭയം മനസ്സിനെ വന്നു മൂടുന്നുണ്ട്..... കാറ് വന്ന് പുറത്ത് നിൽക്കുന്നുണ്ടാവും.... അവളത് പറയുമ്പോൾ മുഖത്ത് വല്ലാത്തൊരു നിരാശ പടർന്നിരുന്നു....... ഞാൻ പോയി സ്പെഷ്യൽ ക്ലാസ്സുണ്ടെന്ന് പറഞ്ഞിട്ട് വരട്ടെ......... അവളതും പറഞ്ഞൊരു ധൃതിയിൽ അവന്റെ മുഖത്തേക്ക് നോക്കാതെ നടക്കുമ്പോൾ അവന്റെ യുള്ളിലൊരു പുഞ്ചിരി യൂറി നിന്നു...... ഡ്രൈവറോട് സ്പെഷ്യൽ ക്ലാസ്സുണ്ടെന്ന് പറയുമ്പോഴും കള്ളമാണെന്ന് വീട്ടിലറിഞ്ഞാലുള്ള കാര്യമോർത്ത് അവൾക്ക് വല്ലാത്ത ഭയം തോന്നി.... എങ്കിലും ആ ഭയമൊന്നും അവനെക്കാൾ തനിക്ക് വലുതായിരുന്നില്ല...... അത്ര മേൽ ആഗ്രഹിച്ചതാണ് താനിങ്ങനെയൊരു നിമിഷം...... നമുക്ക്...... നമുക്ക് അങ്ങോട്ടിരുന്നാലോ..... അപ്പുറത്തായുള്ള കോഫി ഷോപ്പിലേക്ക് ചൂണ്ടി സച്ചുവത് ചോദിക്കുമ്പോൾ ഇഷാനിയോന്ന് തല കുലുക്കി ....... അപ്പോഴും ആരെങ്കിലും കാണുമോയെന്ന് അവൾ ചുറ്റും നോക്കുന്നുണ്ടായിരുന്നു..... നാല് പാടും ഗ്ലാസ്സായ ആ കഫ്തേരിയയിലെ ഒരു സീറ്റിൽ അവളിരുന്നപ്പോൾ സച്ചു അവളെ വിളിച്ചു അപ്പുറത്തേക്കിരുത്തി...... ആ സോഫ ഗ്ലാസിനോട് ചാരിയിരിക്കുന്നത് കൊണ്ട് തന്നെ പുറത്ത് നിന്ന് പെട്ടെന്ന് കാണാൻ കഴിയില്ലായിരുന്നു......... അവളെ അവിടെയിരുത്തി കഴിക്കാനുള്ളതിന് ഓർഡർ ചെയ്തവൻ വന്നിരുന്നത് അവളുടെ തൊട്ടടുത്തായായിരുന്നു..... രണ്ട് പേർക്ക് ഇരിക്കാൻ തക്ക വലിപ്പമുണ്ട് ആ സോഫ എങ്കിൽ കൂടി എതിർ വശയത്തിരിക്കുമെന്നായിരുന്നു അവൾ കരുതിയിരുന്നത്..... തന്റെ അരികിൽ അവന്റെ ചൂടറിഞ്ഞതും അവളൊന്നു മിഴികളുയർത്തി...... അവനും അവളെയൊന്ന് നോക്കി...... പരസ്പരം പറയാനുള്ളതെല്ലാം രണ്ട് പേരുടെയും തൊണ്ട ക്കുഴിയിൽ തങ്ങി നിന്നത് പോലെ...... ആ മിഴികൾ തമ്മിൽ ഏറെ വാചാലമായിരുന്നാ നിമിഷം........... ആ നിശബ്ദത ക്ക് ശബ്ദത്തെക്കാൾ സുഗമുണ്ടായിരുന്നു...... തൊട്ടരികിൽ അവനുണ്ടെന്ന തണുപ്പിനോളം മറ്റൊന്നിനും തന്നെ ആശ്വസിപ്പിക്കാൻ കഴിയില്ലെന്ന് അവൾ തിരിച്ചറിയുകയായിരുന്നു.......... (തുടരും) Aysha Akbar #📔 കഥ