#🤬 വർഗീയത മാത്രം! ഇതേത് കേരളമെന്ന് മലയാളികൾ; വീണ്ടും വിവാദമായി കേരള സ്റ്റോറീസ് 2 🤬 വിപുൽ അമൃത്‌ലാൽ ഷാ നിർമിച്ച്, കാമാഖ്യ നാരായൺ സിങ് സംവിധാനം ചെയ്യുന്ന കേരള സ്‌റ്റോറീസ് 2 ന്റെ ട്രെയിലർ പുറത്ത്. യഥാർത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നതെന്ന് പറഞ്ഞുകൊണ്ടാണ് ട്രെയിലർ തുടങ്ങുന്നത്. അടിമുടി വർഗീയത നിറഞ്ഞ രംഗങ്ങളും സംഭാഷണങ്ങളുമടങ്ങുന്നതാണ് ട്രെയിലർ എന്ന ആരോപണം ഇതിനകം ശക്തമായിക്കഴിഞ്ഞു. അടുത്തതായി അവർ നിങ്ങളുടെ മകളെ ലക്ഷ്യമിടുന്നതിന് മുമ്പ്... എന്ന കുറിപ്പോടെയാണ് ട്രെയിലർ അവസാനിക്കുന്നത്. അതേസമയം, ട്രെയിലറിലെ ബീഫ് നിർബന്ധിച്ച് കഴിപ്പിക്കുന്ന രംഗം ഇതിനകം ട്രോളായി മാറിക്കഴിഞ്ഞു. മലയാളിയെ ആണോ ബീഫ് നിർബന്ധിച്ച് കഴിപ്പിക്കുന്നത് എന്ന് ചോദിക്കുകയാണ് ട്രോളൻമാർ. മലയാളിയാണെങ്കിൽ നിന്റെ പ്ലേറ്റിലുള്ള ബീഫ് കൂടി കഴിച്ചേനെയെന്നും ഒരു ട്രോൾ പോസ്റ്റിൽ പറയുന്നു.