BG (ISKCON) 10 ശ്ലോകം 20 JAI GOLOKNATH JAI JAGANNATH OM TAT SAT ശ്രീമദ് ഭാഗവതവും സാത്വതന്ത്രവും മൂന്ന് പുരുഷാവതാരങ്ങളെപ്പറ്റി പറഞ്ഞിട്ടുണ്ട്, വിഷ്ണോസസ്തു ത്രീണി രൂപാണി പുരുഷാഖ്യാന്യഥോ വിദുഃ ഈ ഭൗതികാവിഷ്കാരത്തിൽ ഭഗവാൻ മൂന്ന് ഭാവങ്ങളിൽ പ്രത്യക്ഷീഭവിക്കുന്നു. കാരണോദകശായി വിഷ്ണു, ഗർഭോദകശായി വിഷ്ണു, ക്ഷീരോദകശായി വിഷ്ണു. അഹമാത്മാ ഗുഢാകേശ സർവഭൂതാശയസ്ഥിതഃ അഹമാദിശ്ച മധ്യം ച ഭൂതാനാമന്ത ഏവ ച. ഗുഢാകേശ - ഹേ അർജുനാ; അഹം - ഞാൻ; സർവ്വഭൂതാശയസ്ഥിതഃ -സർവഭൂതങ്ങളുടേയും ഹൃദയത്തിൽ സ്ഥിതിചെയ്യുന്നു; ആത്മാ (അസ്മി) - ആ പരമാത്മാവാണ്; അഹം - ഞാൻ; ഭൂതാനാം - ജീവഭൂതങ്ങളുടെ; ആദിഃ ച -ആദിയും; മധ്യം ച - മദ്ധ്യവും; അന്തഃ ഏവ ച - അന്തം തന്നെയുമാകുന്നു. ഹേ അർജുനാ, ജീവജാലങ്ങളുടെയെല്ലാം ഹൃദയത്തിൽ സ്ഥിതി ചെയ്യുന്ന പരമാത്മാവാണ് ഞാൻ. അവയുടെ തുടക്കവും മദ്ധ്യവും അവസാനവും ഞാനാകുന്നു. ഈ ശ്ലോകത്തിൽ അർജുനനെ ഗുഡാ കേശഃ എന്നാണ് അഭിസംബോധനചെയ്യുന്നത്. ഗുഡാകേശഃ എന്നതിന് നിദ്രാ തമസ്സിനെ ജയിച്ചവൻ എന്നർത്ഥം. അജ്ഞതയുടെ അന്ധകാരത്തിൽ ഉറങ്ങുന്നവർക്ക് ഭൗതികാദ്ധ്യാത്മികലോകങ്ങളിൽ ഭഗവാൻ നാനാരൂപങ്ങളിലൂടെ സ്വയം ആവിഷ്കരിക്കുന്നതെങ്ങനെയെന്ന് മനസ്സിലാക്കുവാൻ കഴിവില്ല. കൃഷ്ണൻ അർജുനനെ ഇപ്രകാരം അഭിസംബോധനചെയ്യുന്നത് ശ്രദ്ധേയമാണ്. അർജുനൻ അത്തരം അന്ധകാരത്തിന് അതീതനാകയാൽ പരമദിവ്യോത്തമപുരുഷൻ തന്റെ വിവിധ ഐശ്വര്യങ്ങളെപ്പറ്റി വിവരിച്ചുകൊടുക്കുവാൻ സമ്മതിക്കുന്നു. തന്റെ ആദിമവിസ്തരണത്താൽ ഈ വിശ്വാവിഷ്കാരത്തിന്റെ ആത്മാവാണ് താനെന്ന് ആദ്യമേ കൃഷ്ണൻ അർജുനനെ അറിയിക്കുന്നു. ഭൗതികസർഗ്ഗത്തിന് മുമ്പ് തന്റെ സമഗ്ര വിസ്തരണത്താൽ അദ്ദേഹം പുരുഷാവതാരങ്ങളെടുത്തിട്ടുണ്ട്. അദ്ദേഹത്തിൽ നിന്നാണ് സൃഷ്ടിയുടെ ആരംഭം. അങ്ങനെ മഹത് തത്ത്വമെന്നു വിളിക്കപ്പെടുന്ന വിശ്വമൂലകങ്ങളുടെ ആത്മാവ് ഭഗവാൻ കൃഷ്ണൻ തന്നെ. സമ്പൂർണ്ണ ഭൗതികശക്തിയല്ല സൃഷ്ടിയുടെ കാരണം; മഹത്തത്ത്വമെന്ന സമഗ്ര ഭൗതികശക്തിയിൽ മഹാവിഷ്ണു ഉൾപ്പൂകുകയാണുചെയ്യുന്നത്, അവിടുന്നാണ് മഹത്ത്വത്തിന്റെ ആത്മാവ്. മഹാവിഷ്ണു പ്രകടവിശ്വത്തിൽ പ്രവേശിച്ച് ഓരോ സത്തയിലും വീണ്ടും പരമാത്മരൂപേണ നിലകൊള്ളുന്നു. ആദ്ധ്യാത്മികമായ തേജസ്ഫുലിംഗത്തിന്റെ സാന്നിദ്ധ്യമാണ് ശരീരത്തെ നിലനിർത്തുന്നതെന്ന് നമുക്ക് അനുഭവംകൊണ്ടറിയാം. ആദ്ധ്യാത്മിക്സ്ഫുലിംഗമില്ലാതെ ശരീരം വളരുകയില്ല. പരമാത്മാവായ കൃഷ്ണൻ അന്തഃസ്ഥിതനാകാതെ ഈ ഭൗതികപ്രപഞ്ചത്തിനും വികാസം പ്രാപിക്കാനാവില്ല. സുബലോപനിഷത്ത് പറയുന്നു. പ്രകൃത്യാദി സർവ ഭൂതാന്തര്യാമി സർവശേഷി ച നാരായണഃ- "പരമദിവ്യോത്തമപുരുഷൻ പരമാത്മരൂപേണ എല്ലാ പ്രത്യക്ഷപ്രപഞ്ചങ്ങളിലും കുടികൊള്ളുന്നു." ശ്രീമദ് ഭാഗവതവും സാത്വതന്ത്രവും മൂന്ന് പുരുഷാവതാരങ്ങളെപ്പറ്റി പറഞ്ഞിട്ടുണ്ട്, വിഷ്ണോസസ്തു ത്രീണി രൂപാണി പുരുഷാഖ്യാന്യഥോ വിദുഃ ഈ ഭൗതികാവിഷ്കാരത്തിൽ ഭഗവാൻ മൂന്ന് ഭാവങ്ങളിൽ പ്രത്യക്ഷീഭവിക്കുന്നു. കാരണോദകശായി വിഷ്ണു, ഗർഭോദകശായി വിഷ്ണു, ക്ഷീരോദകശായി വിഷ്ണു. മഹാവിഷ്ണു അഥവാ കാരണോദകശായി വിഷ്ണുവിനെപ്പറ്റി ബ്രഹ്മസംഹിത ഇങ്ങനെ പുകഴ്ത്തുന്നു. - യ കാരണാർണവജലേ ഭജതിസ്മ യോഗനിദ്രാം - കാരണങ്ങൾക്കും കാരണഭൂതനായ ഭഗവാൻ കൃഷ്ണൻ കാരണാർണവത്തിൽ മഹാവിഷ്ണുവായി ശയിക്കുന്നു. അതുകൊണ്ട് ആ പരമപുരുഷൻ തന്നെ വിശ്വാ ഭത്തിനു കാരണം. അദ്ദേഹമത്രേ എല്ലാ ശക്തികളുടേയും നില നില്പിനും നാശത്തിനും ഹേതുവും. #🙏 ശ്രീകൃഷ്ണ ഭജനകൾ #Devotional ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #🆕 ലേറ്റസ്റ്റ് അപ്ഡേറ്റ് #💭 Best Quotes