#📝 ഞാൻ എഴുതിയ വരികൾ #തുടർകഥ ഭാഗം. 68 ഓർമ്മപുസ്തകത്തിലെ താളുകൾ ഒന്നൊന്നയ് ഉമ ഓർത്തെടുത്ത് വായിച്ചു തുടങ്ങി.... അവളുടെ മുഖത്തേക്ക് നോക്കി നിർന്നിമേഷനായി മുകുന്ദനിരുന്നു... കാവിനുള്ളിൽ വച്ചു വയസ്സറിയിച്ചു എന്നത് വലിയ ദോഷമായി എല്ലാവരും വിലയിരുത്തി... സർപ്പകോപം ഉണ്ടാകും എന്ന കാരണത്താൽ പരിഹാരക്രിയകൾ നടത്തി... ആയിടയിൽ ഒരാൾ സർപ്പ ദംശനം ഏറ്റു മരണപ്പെട്ടു... അതും ദോഷം മാറാത്തതിന്റെ കാരണമായി വിലയിരുത്തി.... ക്രമേണ എന്റെ മനസ്സിൽ ഭയത്തിന്റെ വിത്തുകൾ മുളപൊട്ടി... പതിയെ പതിയെ അത് വളർന്നു... രാവുകളിൽ ദുസ്വപ്നങ്ങൾ കണ്ടു ഭയം ഇരട്ടിച്ചു... ഉറങ്ങാൻ തന്നെ പേടിയായി.. കാവിനുള്ളിൽ വിളക്ക് തെളിയിച്ചിരുന്നത് ഞാനായിരുന്നു അത് വരെ... ഈ സംഭവത്തോടെ എനിക്ക് ഇരുട്ട് വീണാൽ കാവിനുള്ളിൽ കടക്കാൻ തന്നെ ഭയമായിരുന്നു.... ബന്ധത്തിലുള്ള ഒരു ജ്യോൽസ്യൻ വന്നു പ്രശ്നം വച്ചു... പരിഹാരങ്ങൾ നിർദ്ദേശിച്ചു... അവ ഒന്നൊന്നയ് നടത്തി. വഴിപാടുകളും പൂജയുമായി കാലങ്ങൾ കടന്ന് പോയി.. കോളേജിൽ ചേർന്ന സമയം... അവിടെ ഹോസ്റ്റലിൽ നിന്നായിരുന്നു പഠനം.. പക്ഷേ എനിക്ക് പഠനത്തിൽ ശ്രദ്ധിക്കാൻ കഴിഞ്ഞിരുന്നില്ല. ഉറക്കത്തിൽ ശരീരമാസകലം എന്തോ ഇഴഞ്ഞു നടക്കുന്ന പോലെ പെരുപ്പ് അനുഭവപ്പെടുന്നു... ഒരു വേനലവധി കാലം... വേനൽ പെറ്റിട്ട വെയിൽ ചീളുകൾ ചിതറി കിടക്കുന്ന നാട്ടു വഴിയിലൂടെ വെറുതെ നടക്കാനിറങ്ങിയതായിരുന്നു ഞാൻ.. മൂന്നു നാല് വീടിനപ്പുറം ഒരു ടീച്ചറും ഭർത്താവും കുടുംബവും പുതിയ താമസക്കാരായി വന്നിരുന്നു... അവിടെ ചെറിയൊരു ലൈബ്രറി തന്നെയുണ്ട് ടീച്ചറുടെ വക.... അമ്മ പറഞ്ഞാണ് അറിയുന്നത്. വായിക്കാൻ ഏതേലും പുസ്തകം കിട്ടുമോന്നറിയാൻ അവിടേക്ക് പോയതാണ്... ബെൽ അടിച്ചു കാത്തുനിന്നു... വാതിൽ തുറന്നത് ഒരുപുരുഷൻ.. സുന്ദരനായ ഒരാൾ... അച്ഛന്റെ പ്രായം വരില്ല.... ചിരിച്ച് ഞാൻ... ആഹാ... ഇതാരാ വന്നിരിക്കുന്നേ... കയറി വാ... ഒത്തിരി കാലം പരിചയമുള്ള ആളെപ്പോലെ സംസാരം... അപ്പോഴേക്കും അകത്തു നിന്ന് ഒരു സ്ത്രീ ഇറങ്ങി വന്നു.... ആഹാ മോളോ.. കയറി വാ... വെക്കേഷന് എത്തുമെന്ന് അമ്മ പറഞ്ഞിരുന്നു.. ഫോട്ടോ കണ്ടിട്ടുണ്ട് ഞങ്ങൾ... അപ്പോഴാണ് കാര്യം പിടികിട്ടിയത്... വാതിൽക്കൽ നിന്ന മനുഷ്യൻ അൽപ്പമൊന്ന് ഒതുങ്ങി നിന്നു.. ആ ഗ്യാപ്പിലൂടെ അകത്തേക്ക് കടക്കവേ അയാളുടെ ശരീരത്തിൽ എവിടൊക്കെയോ തന്റെ ശരീരം ഒന്നുരഞ്ഞത് പോലെ അവൾക്ക് തോന്നി... എന്തോ ഒരു വല്ലായ്മ അനുഭവപ്പെട്ടു... അകത്തു കടന്ന് പതിയെ തിരിഞ്ഞു നോക്കി... ആപാദചൂടം തന്നെ കണ്ണുകൾ കൊണ്ട് കോരികുടിക്കുന്ന ആ മനുഷ്യൻ... അയാളുടെ കണ്ണുകളിൽ നിർവചിക്കാൻ കഴിയാതൊരു ഭാവം...... (തുടരും )