‎*•།आजचे_ऐतिहासिक_शिवदिनविशेष།•* ‎📜 २८ डिसेंबर इ.स.१६५९ ‎छत्रपती शिवाजीराजांनी रूस्तम ए जमान व फाजलखान यांचा सणसणीत पराभव केला. प्रतापगडावर शिवाजीराजांनी अफझलखानाचा वध करून मराठा साम्राज्याची ताकद दाखवून दिली. डिसेंबर १६५९ मध्ये शिवाजी महाराज कोल्हापूरच्या पन्हाळ्यानजीक पोहोचले व याच सुमारास अदिलशाही सरदार रुस्तम ए जमान मिरजेपाशी पोहोचला. शिवाजीराजांना रोखण्यासाठी आदिलशाहाने रुस्तम ए जमान या त्याच्या विश्वासू सरदाराला दहा हजाराची मोठी फौज, घोडदळ आणि दारूगोळ्याच्या सोबतच तोफा घेऊन पाठवलं, तर मराठ्यांचे नेतृत्व खुद्द छत्रपती शिवाजी महाराज करत होते. सोबत होते नेताजी पालकर, भिमाजी वाघ, सरदार गोदाजी जगताप, तसेच हिरोजी इंगळे. ठरलेल्या योजनेप्रमाणे मराठ्यांची तलवार वीज कडकावी तशी तळपत होती. बघता बघता मराठे आदिलशाही च्या सैनिकांवर सपासप वार करत होते. मराठ्यांचा जोश बघता त्यांचा मुख्य सेनापती रुस्तम ए जमानच युद्धभूमीवरून पळून गेला. मराठ्यांनी लढाई जिंकली सोबतच रुस्तम ए जमान सोबत घेऊन आलेला दारुगोळा, सोन नाणं, हत्ती घोडे तसेच टाकून गेल्याने हा सारा मुद्देमाल स्वराज्यात आला होता. कोल्हापूर च्या या लढाई मुळे स्वराज्याचा विस्तार आणि छत्रपती शिवरायांच्या नावाचा डंका आदिलशाहच्या दरबारापर्यंत पोहोचला. या युद्धानंतर सरनोबत नेताजींच्या नेतृत्वाखाली मराठी फौजा विजयाच्या पथावर आगेकूच करण्यासाठी पन्हाळ्यावरून पुन्हा खाली उतरल्या. विजापूरच्या रोखाने मराठी आश्व चौखूर उधळू लागले..! पाहता पाहता कवठे, बोरगाव, मालगाव, कुंडल, घोगाव, सत्यीकिर, आड ही ठिकाणे नेताजींनी जिंकली. मिरजेच्या भुईकोट किल्ल्याला नेताजींनी वेढा दिला. ‎ ‎📜 २८ डिसेंबर इ.स.१६८२ ‎ऑक्टोबर १६८२ मध्ये मुघल सैन्याने कल्याण भिवंडीला वेढा दिला होता. मुघलांनी सर्वत्र आक्रमक पवित्रा घेतला होता. अश्या वेळी जर सिद्दी, मुघल आणि इंग्रज एक झाले तर स्वराज्याला धोका निर्माण झाला असता, त्यामुळे संभाजीराजेंनी आपले वकील प्रल्हादपंतांना इंग्रजांशी मैत्री राखण्यासाठी त्यांच्याकडे पाठवले होते. पण 2 महिने मुंबईत मुक्काम करूनही सुरतकर इंग्रजांनी आपला वकील आणि शंभुराजेंच्या साठी भेटवस्तू न दिल्यामुळे प्रल्हादपंत तिथे अडकून पडले होते. याच सुमारास मुंबईत असलेल्या सिद्दीची मराठी मुलखात लूटमार सुरूच होती. मुघल आरमार मुंबईत येणार असल्याने सिद्दीने आपले आरमार मुंबईकरांच्या तोफांच्या टप्प्याबाहेर नांगरले होते. याच काळात "सिद्दीने पेन येथे लूटमार करून २०० माणसांना कैद केले होते,व जखमी लोकांना माजगाव येथे टाकले होते. सुरतकर इंग्रज या गोष्टीचा काहीच बंदोबस्त करत नव्हते.अश्या परिस्थितीत संभाजीराजेंकडून चांगली मैत्रीची वागणूक मिळणार नाही असे मुंबईकरांनी सुरतकराना बजावले. ‎ ‎📜 २८ डिसेंबर इ.स.१९२६ ‎बालक्रांतिवीर हुतात्मा शिरीषकुमार जन्मदिन नंदुरबारमध्ये बाळा शंकर इनामदार नावाचे एक व्यापारी होते. त्यांचा तेलाचा व्यापार होता. त्यांना मुलगा नसल्याने ते काहीसे दु:खी होते. त्यांनी पुत्रप्राप्तीसाठी दुसरा विवाह केला. त्यांना कन्याप्राप्ती झाली. ही कन्या त्यांनी पुष्पेंद्र मेहता यांना सोपवली. १९२४ ला पुष्पेंद्र व सविता यांचा विवाह झाला. २८ डिसेंबर १९२६ ला या दांपत्याच्या पोटी, मेहता घराण्यात शिरीषकुमारचा जन्म झाला. या काळात देशातील अन्य गावे व शहरांप्रमाणेच नंदुरबारचेही वातावरण स्वातंत्र्यलढ्याच्या प्रेरणेने भारलेले होते. स्वातंत्र्य प्राप्तीसाठी सामान्यांनी काय करायचे तर हाती तिरंगा झेंडा घेऊन प्रभातफेरी, मशाल मोर्चे काढायचे. देशप्रेमांनी ओतप्रोत घोषणा द्यायच्या! नंदुरबारमधील अशा कामात मेहता परिवाराचा सहभाग होता. ९ सप्टेंबर १९४२ ला नंदुरबारमध्ये निघालेल्या प्रभात फेरीत आठवीत शिकत असलेला शिरीष सहभागी झाला होता. गुजराथी मातृभाषा असलेल्या शिरीषने प्रभात फेरीत घोषणा सुरू केल्या, "नहीं नमशे, नहीं नमशे', "निशाण भूमी भारतनु'. भारत मातेचा जयघोष करीत ही फेरी गावातून फिरत होती. मध्यवर्ती ठिकाणी ती फेरी पोलिसांनी अडवली. शिरीषकुमारच्या हातात झेंडा होता. पोलिसांनी ही मिरवणूक विसर्जित करण्याचे आवाहन केले. या बालकांनी ते आवाहन झुगारले आणि "भारत माता की जय', "वंदे मातरम्‌'चा जयघोष सुरूच ठेवला. अखेर पोलिसांनी गोळीबार सुरू केला. एका पोलिस अधिकाऱ्याने मिरवणुकीत सहभागी मुलींच्या दिशेने बंदूक रोखली. तेव्हा त्या अधिकाऱ्याला एका चुणचुणीत मुलाने सुनावले, "गोळी मारायची तर मला मार!'. ती वीरश्री संचारलेला मुलगा होता, शिरीषकुमार मेहता! संतापलेल्या पोलिस अधिकाऱ्याच्या बंदुकीतून सुटलेल्या, एक, दोन, तीन गोळ्या शिरीषच्या छातीत बसल्या आणि तो जागीच कोसळला. त्याच्यासोबत पोलिसांच्या गोळीबारात लालदास शहा, धनसुखलाल वाणी, शशिधर केतकर, घनश्‍यामदास शहा हे अन्य चौघेही शहीद झाले. ‎ ‎ ‎*≈≈≈≈≈≈≈≈≈≈≈≈≈≈≈≈≈≈≈≈* ‎*आपल्या राजा शिवछत्रपती Whatsapp समुहामध्ये सामील होण्यासाठी खाली दिलेल्या लिंकवर क्लिक करून आपले नाव आणि पत्ता सांगा आपल्याला समुहामध्ये सामील केले जाईल..*👇👇 ‎*♠️ अजय सोनवणे* ‎https://wa.me//918605494249 #🚩छत्रपती संभाजी महाराज स्टेटस🙏 #☘️हर हर महादेव🙏🏼 #🙏आई एकविरा 🙏 #🚩शिवराय #🙏शिवदिनविशेष📜 ‎*≈≈≈≈≈≈≈≈≈≈≈≈≈≈≈≈≈≈≈≈≈* ‎*WhatsApp ग्रुप लिंक* ‎*།། राजा शिवछत्रपती །། इतिहास माझ्या राज्याचा समुह क्र.०१* ‎https://chat.whatsapp.com/EBOf3f2DDie3q5GrvcKYNA ‎ ‎*།། राजा शिवछत्रपती །། इतिहास माझ्या राज्याचा समुह क्र.०२* ‎https://chat.whatsapp.com/F0OcXttE6x1LrWYF9eqWdb ‎*≈≈≈≈≈≈≈≈≈≈≈≈≈≈≈≈≈≈≈≈≈≈* ‎*-----------☆★۩۞۩★☆-----------* ‎*राजा शिवछत्रपती, इतिहास माझ्या राज्याचा* ‎*महाराष्ट्र राज्य* ‎*-----------☆★۩۞۩★☆-----------* ‎*जय जगदंब जय जिजाऊ* ‎  *जय शिवराय जय शंभूराजे* ‎           *जय गडकोट* ‎       *!! हर हर महादेव !!* ‎