🌷🌷🌷దైవ మర్మములు - Bro. Bakht Singh🌷🌷🌷
🛐 Daily Devotional 🛐
Theme of the Month: దేవుని మహిమ యొక్క మర్మములు
Wednesday, April 1
*''వారు తృప్తిగా తినిన తరువాత ఏమియు నష్టపడకుండ మిగిలిన ముక్కలు పోగుచేయుడని తన శిష్యులతో చెప్పెను. కాబట్టి వారు భుజించిన తరువాత వారి యొద్ద మిగిలిన ఐదు యవల రొట్టెల ముక్కలు పోగుచేసి పండ్రెండు గంపలు నింపిరి'' (యోహాను 6:12,13).*
ఇచ్చట నా తలంపు - ప్రభువునకు వృథాచేయుట యిష్టము లేదు. అందుచేతనే ఏదియు నష్టము కాకూడదని ఆజ్ఞాపించెను. మిగిలిపోయిన ముక్కల విషయములో ఆయన అంత జాగ్రత్త వహించినచో మన సమయము, డబ్బు, శక్తి, సామర్థ్యముల విషయములో నింక ఎంత ఎక్కువ జాగ్రత్త వహించును? మన జీవితములను పరిశీలించి చూచినచో మన సమయము చాలా వృథాయైనట్లును, చాలా డబ్బు వ్యర్థముగా ఖర్చయినట్లును, ఎంతో సామర్థ్యము నిష్ఫలమైనట్లును కనుగొందుము. మనలను మనమే పరిశీలించి చూచుకొందము.
1933వ సంవత్సరము ఇండియాలో నా సేవ ఆరంభించినప్పుడు నేను వెళ్లిన ప్రతిచోట, సమయమంత నేను సువార్త ప్రకటించుట ద్వారా దేవుడు సంతోషించునని తలంచితిని. ఉదయముననే లేచి సువార్తలు, కరపత్రములతో జేబులు నింపి వీధి వీధికి, ప్రతి దుకాణమునకు వెళ్లి ఉచితముగా పంచి పెట్టెడివాడను. నా బాధ్యతను నేను నిర్వర్తించితిని అనే నా తృప్తి తప్ప ఆత్మీయ జీవితములో అభివృద్ధి లేదు. ''ప్రభువా, నాలో నున్న తప్పేమిటని'' ప్రభువునకు ప్రార్థించగా, నా స్వంత శక్తి, జ్ఞానముతో ప్రభువును సేవించుచు నా సమయమును వృథా చేయుచున్నాని ప్రభువు జవాబిచ్చెను. ఆయనను సేవించుటకు ఎట్లు ఉదయము, సాయంత్రము మౌన ధ్యాన సమయములను తక్కువ చేసితినో నాకు చూపించెను. నా అజాగ్రత్తను బట్టి పశ్చాత్తాపపడి మొదట ఆయన చిత్తమును తెలిసికొను వరకు వేచియుండి తరువాతనే వెళ్ళి సేవచేసెదనని తీర్మానించుకొంటిని. ఫలితమును చూడవలెనని నా కోరిక.
మూడు గంటలు ప్రార్థించిన పిమ్మట ''సైనికుల బజారు'' నకు పోవలెనని ప్రభువు తెల్పెను. దేవుని నడిపింపును గూర్చి స్నేహితులతో చెప్పితిని. వారు ''అది ఎంతదూరమో తెలియునా? 4 మైళ్లు, ఇప్పుడైతే 10 గంటలు ఎండ తీక్షణము. రేపు పోవచ్చు ననిరి''. ఇప్పుడే సైనికుల బజారుకు పోవలెనని ప్రభువు చెప్పెను. ఎవరో ప్రభువు కొరకు వేచియున్నారంటిని. విధేయత చూపి మేమా స్థలమునకు పోగా ప్రభువు మాకు ఒక్క ఆత్మ కాదు అనేకమైన ఆత్మలను సిక్కు, హిందూ, మహమ్మదీయ మతములనుండి అనుగ్రహించెను. ఇట్లు దేవుడు నాకు ఫలమును అనుగ్రహించుటకు ప్రారంభించెను. మనము ఫలమును చూడలవెనని దేవుని ఆశ.
Download Daily Devotions by Brother Bakht Singh Mobile App, using link: https://rb.gy/iv32b1 #😇My Status #📀యేసయ్య కీర్తనలు🎙
Download Songs Book Songs of Zion Mobile App, using link: https://rb.gy/ua3tlm
Listen to Songs of Zion by visiting Hebron World Youtube Channel: https://www.youtube.com/@Hebron_World
To Read Books written by Brother Bakht Singh, visit: https://hebronworld.com