🌸
చైత్ర శుద్ధ నవమి
శ్రీరామ నవమి
▫️
విధిని అనుసరించి మాత్రమే జీవించాలని నిర్ణయించుకున్న మానవీయ, మహనీయమూర్తి శ్రీరామచంద్రమూర్తి. ఉత్తమ కుమారుడిగా, ఆదర్శ సోదరుడిగా, ధర్మ స్వరూపి అయిన భర్తగా, జీవకారుణ్య స్ఫూర్తిగా, అరణ్య జీవన రక్షకుడిగా, అధర్మ విదార శక్తిగా, అయోధ్య పాలకుడిగా, స్నేహబాంధవుడుగా, స్మిత పూర్వక సంభాషణా విన్నాణ మూర్తిగా, ధర్మాన్ని, సత్యాన్ని ఆలంబన చేసుకుని, అవనీ సంచారాన్ని ఆనంద గీతికగా ఆవిష్కరించిన పురుషోత్త ముడు రాముడు! దశావతారాలలో ఏదోదిగా, నక్షత్ర మాలలోనూ ఏడోది అయిన పునర్వసు పుణ్యరాశిగా ఆరాధనీయుడి అవతరణ రాముడు. మర్యాదపురుషోత్తమునిగా లోకం మన్ననలు అందుకున్న రామచంద్రమూర్తిలో ఉన్న షోడశ (16) సుగుణాలను వాల్మీకి మహర్షి రామాయణంలో ఇలా పేర్కొన్నాడు..
కోన్వస్మిన్ సాంప్రతం లోకే గుణవాన్ కశ్చ వీర్యవాన్! ధర్మజ్ఞశ్చ కృతజ్ఞశ్చ సత్యవాక్యో దృఢవ్రతః|| చారిత్రేణ చ కో యుక్తః సర్వభూతేషు కో హితః| విద్వాన్ కః కః సమర్థశ్చ కచ్చ ఏక ప్రియదర్శనః|| ఆత్మవాన్ కో జితక్రోధో ద్యుతిమాన్ కః అనసూయకః| కస్య బిభ్యతి దేవాశ్చ జాతరోషస్య సంయుగే॥
1
గుణవంతుడు..
మంచి గుణాలు కలిగినవాడు
2
వీర్యవంతుడు..
ధైర్యవంతుడు, పరాక్రమవంతుడు
3
ధర్మజ్ఞుడు..
ధర్మం తెలిసినవాడు
4
కృతజ్ఞుడు..
చేసిన మేలు మరవనివాడు
5
సత్య వాక్కు పరిపాలకుడు..
సత్యం మాత్రమే పలికేవాడు
6
దృఢవ్రతుడు..
నిశ్చసర్వభూత హితుడు..
పట్టిన పట్టు వదలనివాడు
7
చరిత్రవంతుడు..
ఉత్తమ ప్రవర్తన కలిగినవాడు
8
సర్వ భూత హితుడు..
ప్రాణులన్నింటికిని హితం కోరువాడు.
9
విద్వాంసుడు..
శాస్త్రపాండిత్యంమిక్కుటంగా ఉన్నవాడు
10
సమర్థుడు..
ఏ పనినైనా సాధించగలిగిన సమర్థుడు
11
ప్రియదర్శనుడు..
అందరికీ చూడ ముచ్చటైనవాడు
12
ఆత్మవాన్..
ధైర్యం, ఆత్మనిగ్రహం కలిగినవాడు
13
జితక్రోధుడు..
కోపాన్ని జయిం చినవాడు
14
ద్యుతి..
తేజస్సు, కాంతి కలిగినవాడు
15
అనసూయకుడు..
అసూయ లేనివాడు.
16
బిభ్యతి దేవశ్చ..
కోపిస్తే దేవతలు కూడా భయపడతారు
రాముడి సుగుణాలివే.
సకల సుగుణాలనూ కలిగి ఉన్నందునే, అందాల రాముడు అందరికీ దేవుడయ్యాడు. మనిషిగా అవతరించి.. అవతారమూర్తిగా ఎదిగాడు. దైవమై యుగాలుగా పూజలు అందుకుంటున్నాడు.
శ్రీరాముడు సద్గుణాల గని. ధర్మానికి నిలువెత్తురూపం. ఇచ్చిన మాటకు కట్టుబడినవాడు. శత్రువులనైనా క్షమించగల ఔదార్యం ఉన్నవాడు. సుఖదుః ఖాలను సమంగా స్వీకరించిన స్థితప్రజ్ఞుడు. పట్టాభిషేకం అంటే మురిసిపోలేదు. అడవులకు వెళ్ల వలసి వచ్చినా కుంగిపోలేదు. 'సామాన్య మానవుడు జీవితంలో ఎలా ప్రవర్తించాలి? ఎలా ఎదగాలి?' అని చూపించాడు రాఘవుడు. శ్రీరామనవమి సందర్భంగా.. ఆ 'మర్యాద పురుషోత్తముడి' ఆదర్శ జీవన మార్గంపై ప్రత్యేక కథనం
శ్రీరాముణ్ని తలవని తెలుగు లోగిళ్లు కనిపించవు. వాళ్లకు ఆయన కనిపించని దైవం కాదు. కంటికి రెప్పలా కాచుకునే ఇంటి పెద్ద. అండదండగా నిలిచే కుటుంబ భాగస్వామి. ఓ కన్నబిడ్డ, ఓ సోదరుడు, ఓ భర్త, ఓ తండ్రి. 'మన బంధువు.. మన నెయ్యం.. మన సారథి.. మన గురుడు.. మన విభుడు' అనే విధంగా మన జీవితాల్లో రాముడు అంతగా పెనవేసుకుపోయాడు.
▫️
తులసిమొక్కను నాటండి.
భగవద్గీతను చదవండి.
గోమాతను పూజించి సంరక్షించండి.
#తెలుసుకుందాం #🏹 జై శ్రీ రామ్! #🚩జై శ్రీరామ 🕉️
