అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Thursday, February 12 🌷🌷🌷 *''.... విశ్వసించు మన యందు ఆయన చూపుచున్న తన శక్తియొక్క అపరిమితమైన మహాత్మ్యమెట్టిదో, మీరు తెలిసికొనవలెనని... ఆయన ఆ బలాతిశయము చేత క్రీస్తును మృతులలో నుండి లేపెను'' (ఎఫెసీ 1:18-20).* మనము తన శక్తితో సంపూర్ణముగా నింపబడవలెనని దేవుడు కోరుచున్నాడు. ఆ శక్తి ద్వారానే మన కష్టములు, శ్రమలు, శోధనలను జయించగలము మరియు అదే శక్తి ద్వారా అమర్త్యదేహములను పొందుదుము (రోమా 8:11). ఇదే పునరుత్థాన శక్తి. యేసుక్రీస్తు ప్రభువును మరణము నుండి లేపుటలో దేవుడు ఆ శక్తిని బయలుపరచెను. ఈ భూమి మీద మన శోధనలు, భారములను జయించుటకు అదే శక్తితో అనుదినము ఉజ్జీవింపబడుదుము. అదే శక్తి ద్వారా పరలోకములో మనకు అమర్త్య దేహములు అనుగ్రహించబడును మరియు ముఖ్యముగా దేవుని సంపూర్ణతలో మన భాగమును అనుభవించుదుము. కేవలము పునరుత్థానశక్తి ద్వారా మాత్రమే అంతరంగ పురుషునియందు బలపరచబడి, ప్రభువైన యేసుక్రీస్తులో లోతుగా వేరు పారియుండగలము (ఎఫెసీ 3:16,17). మనము పర్వతములపై ఎత్తయిన చెట్లను చూచుదుము. అచ్చట ఎంత పెద్ద తుఫాను వచ్చినను వాటి వ్రేళ్లు చాలా లోతుకు వెళ్లి, ఎంతో దూరమునకు వ్యాపించియుండును గనుక ఆ చెట్లు క్రింద పడిదపోవు. అందుచేతనే ఏ తుఫాను కూడా వాటిని పెల్లగించలేదు, గాని అవి ఇంకా ఇంకా ఎత్తుగా పెరిగి వాటి వ్రేళ్లు లోతుగా వెళ్లును. అదే రీతిగా పునరుత్థాన శక్తి ద్వారా ప్రభువైన యేసుక్రీస్తులో అంతరంగ పురుషుని యందు లోతుగా వేరు పారుదుము. అచ్చట ఏ శ్రమ, హింస లేక కష్టము ఉన్నను అది మనలను కదిలించదు. మన శ్రమలలో మనము ఆనందించుదుము మరియు అదే సమయములో ఆత్మీయముగా బలవంతులమగుదుము. మనము ఆత్మీయముగా ఎదుగు కొలది, దేవుని సంపూర్ణతతో నింపబడుదుమని ఎరుగుదుము. కావున ఇంకా ఇంకా అధికముగా దేవుని ప్రేమ మనలను పింపుటను క్రియాపూర్వకముగా కనుగొందుము. ఫిలితముగా మనము ప్రేమగా, సున్నితముగా, సహనముగా మరియు మృదువుగా నగుదుము. మన శత్రువులను ప్రేమించగలుగుదుము. మనలను ప్రేమించని వారిని ప్రేమించి, ద్వేషించి, శపించువారి నిమిత్తము ప్రార్థించగలుగుదుము. మనము యేసుక్రీస్తునందు లోతుగా నాటబడితిమను దానికి ఇది నిజమైన ఋజువు. మన నిరీక్షణ ఏమనగా, ఒక దినమున ఆయన సంపూర్ణతచే నింపబడుదుమనునదియే. ఆ రహస్యమును ఇంకా ఇంకా అధికముగా ఎరుగుటకు ప్రభువు మనకు సహాయము చేయును గాక! Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com