#📙 നോവൽ - മുറ ചെറുക്കൻ..... 🔻 ഭാഗം_33 ✍️ രചന - Aysha akbar ആ.... അമ്മാ ശെരി ഞാൻ വെക്കുവാണ്...... ക്ലാസ്സ്‌ കഴിഞ്ഞ് വീട്ടിലേക്ക് കയറി വരും വഴി ഗായത്രി ഫോണിലൂടെ അത്‌ പറയുന്നത് കേട്ടതും ഇഷാനിയുടെ നെഞ്ചോന്ന് പിടച്ചു...... ഇനിയും ഉണങ്ങിയിട്ടില്ലാത്ത ഹൃദയത്തിലേ മുറിവൊന്ന് നീറി...... ആ ഫോണിന്റെ മറു തലക്കലുള്ളവർ മനസ്സിലാകെ നിറഞ്ഞു നിന്നു...... വെള്ളം നിറഞ്ഞു നിൽക്കുന്ന ആ കുളവും.... നന്ദ്യാർ വട്ടം മണക്കുന്ന അരത്തിണ്ണയുമെല്ലാം അവളുടെ കണ്ണുകളിൽ ഒരു തെളിച്ചം കൊണ്ട് വന്നു...... അതറിഞ്ഞെന്ന വണ്ണം ഗായത്രി ഫോൺ വെക്കാൻ ധൃതി കൂട്ടുന്നത് ഇഷാനിയറിയുന്നുണ്ടായിരുന്നു..... അവൾ ദയനീയമായി അവരെ യൊന്നു നോക്കി..... സഹതാപം തോന്നിയെങ്കിലും മമ്മയാ ഫോണോന്ന് തനിക്ക് തന്നിരുന്നെങ്കിലെന്ന് അവളതിയായി ആഗ്രഹിച്ചു...... മോളെവിടെ ഗായത്രി..... അവൾക്കൊന്ന് കൊടുക്ക്...... അവളൊന്നു കൂടി ഗായത്രിക്കടുത്തേക്ക് നീങ്ങിയതും മുത്തശ്ശിയുടെ ശബ്ദം അവൾക്കും കേൾക്കുന്നുണ്ടായിരുന്നു... അവളുടെ തൊണ്ട ക്കുഴിയിൽ ഒരു വിങ്ങൽ തടഞ്ഞു നിന്നു..... ആ ഫോണൊന്ന് തരുമോയെന്ന ഭാവത്തിൽ അവൾ ഗായത്രിയെ നോക്കി..... അവളിവിടെയില്ലമ്മേ.... ക്ലാസിനു പോയിരിക്കുവാണ്....... ഞാൻ പിന്നേ വിളിക്കാം... ഗായത്രി ഒട്ടും മയമില്ലാതെ അതും പറഞ്ഞ് കൊണ്ട് ഫോൺ കട്ട്‌ ചെയ്യുമ്പോൾ ഇപ്പോ കരയുമെന്ന് തോന്നിപ്പോയിരുന്നു ഇഷാനിക്ക്..... അത്രത്തോളം വേദന മനസ്സിനെ വരിഞ്ഞു മുറുക്കുന്നുണ്ട്..... അവൾ കണ്ണുകൾ നിറച്ചു കൊണ്ട് ഗായത്രി യെ ഒന്ന് നോക്കി.... അവിടെ നിന്ന് വന്നത് അവിടെ കഴിഞ്ഞു...... ഇനിയാ വക ഇമോഷനിൽ കണക്ടഡ് ആവരുത്..... വേഗം ആ പേപ്പേഴ്‌സൊക്കെ എഴുതി യെടുക്കാൻ നോക്ക്........ ഗായത്രി പുച്ഛം കലർത്തി യത് പറയുമ്പോൾ അവളൊന്നും മിണ്ടാതെ അകത്തേക്ക് നടന്നു..... തന്നെ കുറിച് ചോദിക്കുന്ന മുത്തശ്ശിയും അതറിയാനെന്ന വണ്ണം അവർക്ക് ചുറ്റും നിൽക്കുന്ന തന്റെ പ്രിയപ്പെട്ടവരും അവളുടെ കണ്ണിലങ്ങനെ നിറഞ്ഞു നിന്നു...... ഒരു വാക്ക് അവനെ കുറിച് തനിക്കറിയണമായിരുന്നു...... ഒരു പക്ഷെ തന്റെ ശബ്ദം താനറിയാതെ അവൻ കേൾക്കുന്നുണ്ടെന്നെങ്കിലും കരുതി തനിക്കും ആശ്വസിക്കാമായിരുന്നു.... കണ്ണുകളിൽ നിന്നുമൂർന്നു വീഴുന്ന കണ്ണ് നീർ തുള്ളികൾ അവളുടെ ഹൃദയത്തെ ചുട്ടു പൊള്ളിക്കുന്നുണ്ടായിരുന്നു....... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 ഇഷാനി മോളുടെ ശബ്ദമെങ്കിലും ഒന്ന് കേൾക്കാമായിരുന്നു...... ഫോൺ വെച്ചതും തനൂജ നിറഞ്ഞൊരു ഗദ് ഗദത്തോടെ അത്‌ പറയുമ്പോൾ അവിടമാകെയോരു നിശബ്ദത നിറഞ്ഞു നിന്നിരുന്നു....... ഡ്രസ്സ്‌ മാറ്റി ഉമ്മറത്തേക്ക് വന്നിരുന്ന സച്ചു കേട്ടതും അതായിരുന്നു..... ഒരു നിമിഷം അവന്റെ നെഞ്ചും ഒന്ന് പിടച്ചു..... അവള് മനഃപൂർവം അത്‌ സമ്മതിക്കാത്തതാണ്..... നമ്മളുമായി അവളുടെ മോള് ബന്ധം വെക്കുന്നത് അവൾക്ക് കുറച്ചിലായിരിക്കും....... അല്ലാതെന്താ........ മുത്തശ്ശി പുച്ഛത്തോടെ അതും പറഞ്ഞു ചിറി കോട്ടുമ്പോൾ അതിൽ കലർന്ന വേദന എല്ലാവർക്കും വ്യക്തമായിരുന്നു..... മീനുവും നിരാശ നിറഞ്ഞു കണ്ണുകളോടെ സച്ചുവിനെയൊന്ന് നോക്കി..... അവനാരെയും ശ്രദ്ധിക്കുന്നില്ലെന്ന വണ്ണം പുറത്തേക്ക് നോക്കിയിരിക്കുകയാണ്..... അവൾക്കെങ്കിലും വിളിക്കാമായിരുന്നു നമ്മളെ.....അത്‌ ഞാൻ പ്രതീക്ഷിച്ചിരുന്നു...... തനൂജ വീണ്ടും അത്‌ പറയുമ്പോൾ ആ വാക്കുകൾക്ക് പതിവിൽ കവിഞ്ഞൊരു ഭാരമുണ്ടായിരുന്നു..... അവളും അവളുടെ ചുറ്റുപാടിലേക്ക് ചേർന്നു നമ്മളെ മറന്നിട്ടുണ്ടാകും .... മുത്തശ്ശി ഒരു നെടു വീർപ്പിന്റെ സഹായത്താൽ അത്‌ പറഞ്ഞു നിർത്തുമ്പോൾ അതിലത്രയേറെ നോവ് തിങ്ങി നിറഞ്ഞിരുന്നു.... അവളെല്ലാം മറന്നു എന്ന വാക്ക് സച്ചുവിന്റെ ഹൃദയത്തിൽ ഒരു കഠാര കണക്കെ കുത്തി ക്കയറി..... കാരണം അവളെ മറക്കുക എന്നത് തനിക്കത്ര മേൽ അസാധ്യ മാണെന്ന് അവനീ ദിവസങ്ങൾ കൊണ്ട് തിരിച്ചറിഞ്ഞിരുന്നു...... നാളെ തന്നെ പുറപ്പെടണം..... ഇനിയും ഇവിടെ നിന്നാൽ തനിക്ക് ഭ്രാന്തെടുക്കുമെന്ന് അവന് തോന്നിപ്പോയിരുന്നു...... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷 മുത്തശ്ശി തന്നെ ചോദിക്കുന്നത് കേട്ടത് മുതൽ ഇഷാനിക്ക് ഒട്ടും സ്വസ്ഥത യില്ലായിരുന്നു....... ഇനിയും അവരെ യൊന്നു വിളിക്കാതെ അവരുടെ വിശേഷങ്ങൾ ചോദിക്കാതെ അവനെ കുറിച്ചറിയാതെ യിരുന്നാൽ സ്വയം ശ്വാസം മുട്ടി മരിച്ചു പോകുമെന്ന് തോന്നിയ സമയത്താണ് അവളാ മുറിയിലേക് ഒളിച്ചു കയറിയത്..... മമ്മ മാത്രമേ വീട്ടിലുള്ളു എന്നത് കൊണ്ട് തന്നെ മമ്മ ബാത്റൂമിലേക്ക് കയറിയ ആ സമയം അവൾ ടേബിളിലിരിക്കുന്ന ഫോണിൽ നിന്നും വിളിച്ചത് മുത്തശ്ശിയുടെ നമ്പറിലേക്കായിരുന്നു..... എക്സാമിൽ തോറ്റ ശേഷം ഫോണും തന്റെ കയ്യിൽ നിന്ന് വാങ്ങിച്ചു വെച്ചിരിക്കുകയാണ്....... അവൾ നമ്പർ ഡയൽ ചെയ്യുന്ന സമയം അവളുടെ ഹൃദയം വല്ലാതെ മിടിച്ചു തുടങ്ങിയിരുന്നു...... ആ ഒരു വിളി അവൾക്കത്ര മേൽ അത്യാവശ്യമായിരുന്നു........ കണ്ണുകൾ ഇടയ്ക്കിടെ ബാത്റൂമിലേക്ക് നീണ്ടു..... വെള്ളം വീഴുന്ന ശബ്ധം നിലക്കുന്നുണ്ടോ എന്നവൾ ചെവിയോർത്തു...... ആശങ്ക കളോടെ അവൾ വിരലിലെ നഖം കടിച്ചു കൊണ്ടിരുന്നു...... മറു തലക്കൽ ഫോൺ എടുത്തെന്നു തോന്നിയ അതേ നിമിഷം അവളുടെ ശ്വാസം ഉയർന്നു കേട്ടു...... ഹലോ.... മീനുവിന്റെ ശബ്ദം കേട്ടതും അവൾക്ക് ശ്വാസമെടുക്കാൻ പോലും കഴിഞ്ഞില്ല....... മീനു....... വിറയാർന്ന ശബ്ദത്തിൽ അവൾ വിളിച്ചതും മീനുവിന്റെ ഹൃദയത്തിലും ഒരു പിടപ്പ് തോന്നി..... ഇഷാനി...... സങ്കടവും സന്തോഷവുമെല്ലാം ഇട കലർന്നിരുന്നു അവളുടെയാ വിളിയിൽ.... അവിടെ.... എല്ലാവർക്കും സുഖമല്ലേ മീനു.... സച്ചുവേട്ടൻ..... സച്ചുവേട്ടനോ.... ഒരൊറ്റ ശ്വാസത്തിൽ അത്രയും ചോദിച്ചപ്പോഴേക്കും വികാരങ്ങളുടെ വേലിയേറ്റമെന്ന പോൽ അവളുടെ കണ്ണുകൾ നിറഞ്ഞൊഴുകി..... ഒരു നിമിഷം മീനുവിന്റെ കണ്ണുകളും നിറഞ്ഞിരുന്നു..... മീനുവിന് അവളെ കുറിച്ചോർത്തു വല്ലാത്തൊരു അലിവ് തോന്നി.... എല്ലാവരും അവളുടെ മനസ്സിൽ മാറ്റോടെ തിളങ്ങുന്നുണ്ടെന്ന് മീനു തിരിച്ചറിയുക യായിരുന്നു..... അതിലേറെ സച്ചുവേട്ടനേ അവൾ മനസ്സിൽ നിന്നും പറിച്ചെറിഞ്ഞിട്ടില്ലെന്നത്തോക്കെ മീനുവിന് വല്ലാത്തൊരു ആശ്വാസം തോന്നിയിരുന്നു...... കാരണം......അവന്റെ ഉള്ളിലെ വിങ്ങലിന്റെ ആഴം തനിക്കറിയാം..... എന്നും യാത്ര പോകുന്നത് പോലെയല്ല അവനിപ്പോൾ പോയിട്ടുള്ളത്...... അത്ര മേൽ ഭാരം ചുമന്ന ആ കണ്ണുകൾ തന്റെ യുള്ളിൽ ബാക്കിയാക്കിയ ആ വേദന ഇഷാനിയുടെ ചോദ്യത്തോടെ പാടേ അലിഞ്ഞത് പോലെ...... സുഖമാണ് എല്ലാവർക്കും..... ഏട്ടൻ..... ഏട്ടൻ ഇവിടെയില്ല ട്രിപ്പിലാണ്.......വന്നാൽ നീയന്ന്വേഷിച്ചെന്ന് ഞാൻ പറയാം...... മീനു അത്‌ പറഞ്ഞതും ഒരു തരം നിസ്സംഗത മനസ്സിൽ നിറഞ്ഞത് പോലെ ഇഷാനിക്ക് തോന്നി...... അവനിപ്പോഴും യാത്രയിലാണ്....... തന്നെ പാടേ മറന്ന് പോയിരിക്കാം.... പക്ഷെ മറക്കാൻ കഴിയാത്തത് തനിക്ക് മാത്രമാണെന്ന തിരിച്ചറിവിൽ അവളുടെ ഉള്ളം വല്ലാതെ വിങ്ങി....... പിന്നീടൊന്നും പറയാൻ അവൾക്ക് കഴിഞ്ഞില്ല..... ശബ്ധം പുറത്തേക്ക് വരാത്തത് പോലെ...... കണ്ണ് നീർ കാഴ്ചയെ പാടേ മറച്ചു പിടിച്ചത് പോലെ....... നിറഞ്ഞ മിഴികളൊന്നു തുടച്ചു കൊണ്ട് വാതിൽ പടിയിലേക്ക് നോക്കിയപ്പോഴാണ് അവിടെ നിന്ന് തന്നെ ഉറ്റു നോക്കി നിൽക്കുന്ന ഋതിനെയവൾ കാണുന്നത്....... ഒരു നിമിഷം അവളൊന്നു ഞെട്ടി പ്പോയി...... ഹൃദയത്തിന്റെ മിടിപ്പ് അവന്റെ നോട്ടത്തിന്റെ ശക്തിയിൽ അത്രയേറ ഉച്ചത്തി ലായി..... അവൾ ചെവിയോടടുപ്പിച്ച ഫോൺ പെട്ടെന്ന് കയ്യിലേക്ക് പിടിച്ചു കട്ട്‌ ചെയ്തു........ അവൻ ദേഷ്യത്തോടെ വന്നു തന്റെ കയ്യിൽ നിന്നാ ഫോൺ തട്ടി പറിച്ചതും അതവളൾ പ്രതീക്ഷിച്ചിരുന്നെന്ന വണ്ണം അവനെയൊന്ന് നോക്കി...... അവൾ ഫോണോന്ന് നോക്കിയ ശേഷം അവളെയും ഉറ്റു നോക്കി..... അവൾ തെറ്റ് ചെയ്തത് പോൽ തല താഴ്ത്തി നിന്നു....... മമ്മാ...... അവൻ അലറി വിളിച്ചു.... ഗായത്രി തിടുക്കപ്പെട്ട് കുളിച്ചിറങ്ങി...... എന്താ.... എന്താ ഋതു.....എന്തിനാ നീ ഒച്ചയെടുക്കുന്നത്..... ഗായത്രി അതും ചോദിച്ചു പുറത്തേക്ക് വരുമ്പോൾ ഭയന്നു വിറച്ചു നിൽക്കുകയായിരുന്നു ഇഷാനി...... ദേ... പുന്നാര മോളോട് ഫോണെടുക്കരുതേന്ന് പറഞ്ഞതല്ലേ...... മമ്മയുടെ ഫോണെടുത്തു വിളിച്ചു സംസാരിക്കുകയായിരുന്നവൾ...... ആ കൺട്രീസിനെയായിരിക്കും...... ഈ ഉഷാറവൾക്ക് പഠിക്കാനില്ലല്ലോ...... അവളെ അവിടെ തന്നെ നിർത്തിയാൽ മതിയായിരുന്നു..... അവൾക്ക് ചേരുന്നത് അവര് തന്നെയാ....... ഋതി ൻ ദേഷ്യത്തോടെ അത്‌ പറയുമ്പോൾ ഗായത്രി അരിശത്തോടെ അവളെ നോക്കി...... എത്ര പറഞ്ഞാലും മനസ്സിലാവാത്തൊരു പോത്തായി പ്പോയല്ലോ നീ..... അതും പറഞ്ഞു കൊണ്ട് ഗായത്രി അവളുടെ ഷോൾഡറിന് താഴെ നു ള്ളി വലിക്കുമ്പോൾ വേദന കൊണ്ടവൾ കണ്ണുകൾ ഇറുക്കെ ചിമ്മി....... അവിടേ പോയി ബന്ധമുണ്ടാക്കി വരരുതെന്ന് നിന്നോട് ഞാൻ പോകുമ്പോഴേ പറഞ്ഞതാണ്........ ഇനിയും എന്റെ ക്ഷമയെ നീ പരീക്ഷിക്കരുത് ....... കേട്ടല്ലോ.... അതും പറഞ്ഞു ഗായത്രി നുള്ളിയ കൈ പിൻ വലിക്കുമ്പോൾ നീറ്റൽ അവളുടെ ശിരസ്സിലേക്ക് കയറും പോലെ അവൾക്ക് തോന്നി....... കലങ്ങിയ കണ്ണുകൾ തുറക്കാതെ അവളങ്ങനെ നിൽക്കുമ്പോൾ രസമുള്ള കാഴ്ച കണ്ടത് പോലെ ഋതിനൊരു ചിരിയോടെ നിൽക്കുന്നുണ്ടായിരുന്നു...... (തുടരും) സ്ലോ ആകുന്നുണ്ട് ല്ലെ..... അടുത്ത പാർട് മുതൽ ഫാസ്റ്റാക്കാം...... Aysha Akbar #📔 കഥ