*माझी (म्हातार्‍याची) फजीती* 👴👴👴👴👴👴👴 रिटायर्ड झालो म्हणजे मी म्हातारा झालो की काय?" 🤔 म्हणजे त त्याचे काय झालं बघा... आज मंडईत भाजी आणायला गेलो. भाजी घेऊन बाहेर पडलो आणि खिसा चाचपला... छातीत धस्स झालं! एक्टिव्हाची चावी खिशात नव्हती.. ! लगेच परत मंडईत शिरलो. जिथं-जिथं गेलो होतो, परत त्या सगळ्या दुकानांत, टोमॅटोंच्या ढिगात, बटाट्यांच्या पोत्यात, सगळी कडे शोधलं… हाती काहीच नाही लागलं. चावी मिळाली नाही.. एकदम मनात वीज चमकली … "अरे ही चावी एक्टिव्हाच्या इग्निशनमध्येच राहून गेली असेल... आणि दुसऱ्यानं सुरू करून नेली तर?" लगेच धावत-धावत पार्किंगकडे गेलो… तर खरंच! एक्टिव्हाची सावलीसुद्धा जागेवर नव्हती! आता पार घाबरलो... पोलिसांना फोन लावला. "साहेब, माझी एक्टिव्हा….. गाडीचा नंबर, कलर, मेक... मॉडेल नंबर… सगळं सांगितलं... आणि कबुलीही दिली, "हो, साहेब, चावी गाडीलाच विसरलो. माझ्या विसरभोळेपणा मुळे ही चोरी झाली." पोलिस म्हणाले, "घाबरू नका, तुमची तक्रार लिहून घेतली.. गाडी शोधून देऊ."... मग केलं सगळ्यात मोठे आणि कठीण काम… म्हणजे बायकोला फोन... सांगताना माझा आवाज कापरा, घसा बसल्यासारखा आणि अंग थरथरत होते... दुसऱ्या बाजूला काही सेकंद एकदम शांतता… आणि मग मोठा भडका ! "अरे देवा! तुम्ही तर पूर्ण वेडे झालात! अरे मीच तुम्हाला एक्टिव्हावरूनच मंडईत सोडलं होतं आणि ब्युटी पार्लरला गेले..! पार सगळं विसरलात????? मी म्हटलं, "अगं, अगं.. साॅरी बाबा... आता बडबड नको... गाडी चोरीला गेली नाही... हे एक बरं झालं... चल, आता येऊन मला इथून घेऊन जा." ती परत भडकली! "तुम्ही कसल्या काय भानगडी करून ठेवल्यात..! आता मी पोलिस ठाण्यात बसलेय! तुमच्या तक्रारीवरून पोलिसांनी मला एक्टिव्हा चोरल्याबद्दल अटक केलीय! तुम्ही लगेच इकडे येऊन यांना सांगा की ही माझी बायको आहे, हिने चोरी केलेली नाही!" मग काय गुपचुप ठाणं गाठलं, पोलिसांची माफी मागून समजावलं, बायकोची सोडवणूक केली अन् सोबत घरी गेलो. 🤗🤗🤗 हम्म आताशा या वयात असे अनुभव यायचेच. तुमचं कस काय बाबांनो, म्हातारपणात अशी "मजा" येतेच! तुमच्याकडेही असेल असच काही गम्मतीचं, तर मग कळवा! आपली ख्याली खुशाली...! #🤣कॉमेडी नॉनस्टॉप😜