#📙 നോവൽ #🧟 പ്രേതകഥകൾ! #✍ തുടർക്കഥ #✍️ വട്ടെഴുത്തുകൾ #💥💤🌟 Wrong prey ( A sequel കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം ) …………………………………. തൃശൂർ നഗരം അന്ന് അസ്വാഭാവികമായ ഒരു മൗനത്തിലായിരുന്നു. ആകാശത്ത് കരിമേഘങ്ങൾ ഉരുണ്ടുകൂടി മഴയ്ക്കായി ദാഹിച്ചു നിൽക്കുന്നു. സ്വരാജ് റൗണ്ടിലെ തിരക്കിനിടയിലൂടെ നീങ്ങുന്ന കെ.എസ്.ആർ.ടി.സി ലോ-ഫ്ലോർ ബസ്സിൽ പതിവ് പോലെ ജനക്കൂട്ടം തിങ്ങിനിറഞ്ഞിരുന്നു. ആ തിരക്കിനിടയിലാണ് വിജയ് പി. വർമ്മ എന്ന സാധാരണക്കാരന്റെ ജീവിതം ഒരു വലിയ കൊടുങ്കാറ്റിലേക്ക് വലിച്ചെറിയപ്പെട്ടത്. ബസ്സിലെ ഒരു കമ്പിയിൽ പിടിച്ച് ജനാലയ്ക്ക് പുറത്തെ ആകാശത്തേക്ക് നോക്കി നിൽക്കുകയായിരുന്നു വിജയ്. തൃശൂർ നഗരത്തിൽ 'വർമ്മ ട്രേഡ്‌സ്' എന്ന പേരിൽ ചെറിയൊരു പലചരക്ക് കട നടത്തുന്ന അയാൾക്ക് ആഡംബരങ്ങളോ വലിയ സൗഹൃദങ്ങളോ ഉണ്ടായിരുന്നില്ല. പെട്ടെന്നാണ് ബസ്സിനുള്ളിൽ ഒരു നിലവിളി ഉയർന്നത്. "നിർത്തൂ! ഡ്രൈവർ വണ്ടി നിർത്തൂ!" അനന്യ കൃഷ്ണ എന്ന അറിയപ്പെടുന്ന ഇൻഫ്ലുവൻസർ തന്റെ വിലകൂടിയ സ്മാർട്ട് ഫോൺ വായുവിൽ ഉയർത്തിപ്പിടിച്ചു. അവളുടെ കണ്ണുകളിൽ ക്രോധമായിരുന്നു. അവൾ ഒരു വലിയ നിലവിളിയോടെ വിജയിന് നേരെ വിരൽ ചൂണ്ടി. "നിങ്ങൾ എന്താണ് വിചാരിച്ചത്? ഈ തിരക്കിനിടയിൽ പെൺകുട്ടികളെ മോശമായി സ്പർശിക്കാമെന്നോ? ഞരമ്പ് രോഗി വൃത്തി കെട്ടവൻ!" വിജയ് ഒന്നും മിണ്ടിയില്ല. അയാൾ തന്റെ കയ്യിലുണ്ടായിരുന്ന ചെറിയ സഞ്ചി മുറുക്കിപ്പിടിച്ചു. ബസ്സിലെ യാത്രക്കാർ അയാളെ വെറുപ്പോടെ നോക്കി. അനന്യ ഉടൻ തന്നെ തന്റെ ലക്ഷക്കണക്കിന് ഫോളോവേഴ്സിനായി ലൈവ് വീഡിയോ തുടങ്ങി. "സുഹൃത്തുക്കളേ, ഇതാ നോക്കൂ ഇയാളുടെ മുഖം! ഇങ്ങനെയുള്ള നായ്കളെ നമ്മൾ വെറുതെ വിടരുത്. തൃശൂർ നഗരത്തിന്റെ മധ്യത്തിൽ വെച്ച് എന്നെ അപമാനിക്കാൻ ശ്രമിച്ച ഈ ഞരമ്പ് രോഗിയെ ലോകം കാണണം." നിമിഷങ്ങൾക്കുള്ളിൽ ആ വീഡിയോ സോഷ്യൽ മീഡിയയിൽ കാട്ടുതീ പോലെ പടർന്നു. വിജയിനെ ബസ്സിൽ നിന്നും ആളുകൾ ബലമായി തള്ളിയിട്ടു. ചിലർ അയാളുടെ കോളറിൽ പിടിച്ചു വലിച്ചു. പക്ഷേ അയാൾ ഒരക്ഷരം പോലും പ്രതികരിച്ചില്ല. അയാളുടെ കണ്ണുകളിൽ ഭയമില്ലായിരുന്നു, പകരം എന്തോ ഒന്ന് ആഴത്തിൽ അളന്നു കുറിക്കുന്ന നിശബ്ദത മാത്രം. തന്റെ ചളി പുരണ്ട വസ്ത്രങ്ങൾ തട്ടിമാറ്റി അയാൾ പതുക്കെ തന്റെ കടയിലേക്ക് നടന്നു. …… അടുത്ത 48 മണിക്കൂർ കേരളം കണ്ടത് ഒരു മനുഷ്യനെ കൂട്ടമായി വേട്ടയാടുന്ന കാഴ്ചയായിരുന്നു. ഓൺലൈൻ ലോകത്തെ നീതിമാന്മാർ ഉണർന്നു. വിജയിനെ അവർ തിരിച്ചറിഞ്ഞു മാധ്യമങ്ങൾ വിജയിന്റെ കടയ്ക്ക് മുന്നിൽ ക്യാമറകളുമായി തമ്പടിച്ചു. അനന്യയുടെ കണ്ണീരും ആക്രോശവും കണ്ട ജനക്കൂട്ടം വിജയിനെ ശപിച്ചു. "ഇവനെപ്പോലെയുള്ളവർ സമൂഹത്തിന് ശാപമാണ്," ശ്വേത എന്ന പ്രമുഖ ആക്ടിവിസ്റ്റ് ഒരു പ്രമുഖ ചാനൽ ചർച്ചയിൽ അലറി. "സ്ത്രീകളുടെ സുരക്ഷ ഉറപ്പാക്കാൻ ഇവനെ മാതൃകാപരമായി ശിക്ഷിക്കണം. ഇവനെ നിയമത്തിന് വിട്ടുകൊടുക്കരുത്, സമൂഹം തന്നെ വിചാരണ ചെയ്യണം." മറ്റൊരു ആക്റ്റീവിസ്റ്റ് രമ്യ അഭിപ്രായപെട്ടു …… തൃശൂർ നഗരത്തിന്റെ ഹൃദയഭാഗത്തുള്ള വിജയ് വർമ്മയുടെ കടയും പുരയിടവും ഒരു വിദേശ മാൾ കൺസ്ട്രക്ഷൻ കമ്പനിക്ക് അത്യാവശ്യമായിരുന്നു. എന്നാൽ വിജയ് അത് വിട്ടുകൊടുക്കാൻ തയ്യാറായില്ല. ആ കമ്പനിയുടെ ഏജന്റിൽ നിന്നും 20 ലക്ഷം രൂപയാണ് വിജയിനെ നാട്ടിൽ നിന്ന് ഓടിക്കാനായി അനന്യ കൈപ്പറ്റിയത്. അയാളെ ഒരു ലൈംഗിക കുറ്റവാളിയായി ചിത്രീകരിച്ച് ആത്മഹത്യയിലേക്കോ നാടുവിടലിലേക്കോ തള്ളിവിടുകയായിരുന്നു അവളുടെ ലക്ഷ്യം. അനന്യ വെറുമൊരു ഇൻഫ്ലുവൻസർ ആയിരുന്നില്ല. ദുബായ് ആസ്ഥാനമായി പ്രവർത്തിക്കുന്ന ഒരു ഹണിട്രാപ്പ് ഗാംഗിലെ പ്രധാനിയായിരുന്നു അവൾ. പ്രമുഖ വ്യക്തികളെ പ്രണയത്തിൽ വീഴ്ത്തി സ്വകാര്യ ദൃശ്യങ്ങൾ പകർത്തി ബ്ലാക്ക് മെയിൽ ചെയ്യുന്നതായിരുന്നു ഇവരുടെ രീതി. രാജ്യ വിരുദ്ധ സംഘടന കളുമായി ഇവർക്കു ബന്ധം ഉണ്ടായിരുന്നു വിജയ് വർമ്മയെ അവർ ആദ്യം ഈ കെണിയിൽ വീഴ്ത്താൻ ശ്രമിച്ചിരുന്നു. എന്നാൽ അയാൾ വീഴാതിരുന്നത് അവളിൽ പകയുണ്ടാക്കി. ബസ്സിലെ നാടകം തുടങ്ങുന്നതിന് മുൻപ് തന്നെ അനന്യ തന്റെ ടീമിനെ തയ്യാറാക്കി നിർത്തിയിരുന്നു. അവൾ ലൈവ് തുടങ്ങിയ നിമിഷം തന്നെ ബോട്ട് അക്കൗണ്ടുകൾ വഴി അത് പതിനായിരക്കണക്കിന് ആളുകളിലേക്ക് എത്തിച്ചു. വിജയിനെതിരെ കമന്റുകൾ ഇടാനും അയാളുടെ അഡ്രസ്സ് പരസ്യപ്പെടുത്താനും അവൾ ശമ്പളം നൽകുന്ന ഒരു സോഷ്യൽ മീഡിയ വിങ് തന്നെ പിന്നിലുണ്ടായിരുന്നു. അനന്യയുടെ പക്കൽ ഒരു പ്രത്യേക ആപ്പ് ഉണ്ടായിരുന്നു. ബസ്സിലെ തിരക്കിനിടയിൽ വിജയ് തന്നെ മോശമായി സ്പർശിക്കുന്നു എന്ന് തോന്നിപ്പിക്കുന്ന വിധത്തിൽ വീഡിയോയിൽ മാറ്റം വരുത്താൻ അവൾ തന്റെ ടീമിന് നിർദ്ദേശം നൽകിയിരുന്നു. പോലീസ് അന്വേഷണത്തിൽ സമർപ്പിക്കാൻ കൃത്രിമമായി നിർമ്മിച്ച ഓഡിയോ ക്ലിപ്പുകളും അവൾ തയ്യാറാക്കി വെച്ചിരുന്നു. ശ്വേതയെയും സുനിതയെയും പ്പോലുള്ള ആക്ടിവിസ്റ്റുകൾക്ക് അനന്യ കൃത്യമായ വിഹിതം നൽകിയിരുന്നു. ചാനൽ ചർച്ചകളിൽ വിജയിനെ ക്രൂശിക്കാനും, സ്ത്രീ സുരക്ഷയെക്കുറിച്ച് വികാരാധീനമായി സംസാരിച്ച് പൊതുജനരോഷം ഇളക്കിവിടാനും അവൾ ഇവരെ ഉപയോഗിച്ചു. വിജയിന്റെ കട തകർക്കാൻ ഗുണ്ടകളെ ഏർപ്പാടാക്കിയ രമ്യയ്ക്ക് വലിയൊരു തുക അവൾ വാഗ്ദാനം ചെയ്തിരുന്നു. ….. വിജയ് തന്റെ കടയുടെ ഷട്ടർ താഴ്ത്തി അകത്തിരുന്നു. പുറത്ത് അയ്യാളുടെ കടക്ക് നേരെ കല്ലേറുകൾ നടക്കുന്നുണ്ടായിരുന്നു. ഇരുട്ടിൽ, ലാപ്ടോപ്പിന്റെ നീല വെളിച്ചം അയാളുടെ മുഖത്ത് പതിച്ചു. അയാൾ നിരീക്ഷിക്കുകയായിരുന്നു. ഈ ആൾക്കൂട്ട ആക്രമണത്തിന് പിന്നിൽ പ്രവർത്തിക്കുന്ന ഓരോ ഡിജിറ്റൽ അടയാളങ്ങളും, അനന്യയുടെ ബാങ്ക് അക്കൗണ്ടിലേക്ക് എത്തിയ വിദേശ ഫണ്ടുകളും അയാളുടെ സ്ക്രീനിൽ തെളിഞ്ഞു വന്നു. അയാൾ ഒരു ഡയറിയിൽ നാല് പേരുകൾ ശാന്തമായി കുറിച്ചു (ശ്വേത, രമ്യ, സുനിത, അനന്യ.) ….. നാലാം ദിവസം കേരളം ഞെട്ടിക്കുന്ന വാർത്തകളിലേക്ക് ഉണർന്നു. വിജയിനെതിരെ ഏറ്റവും കൂടുതൽ സോഷ്യൽ മീഡിയയിൽ ശബ്ദമുയർത്തിയ ആക്ടിവിസ്റ്റുകൾ ഓരോരുത്തരായി ദുരൂഹ സാഹചര്യത്തിൽ ഇല്ലാതായിത്തുടങ്ങി. ആദ്യം ശ്വേതയായിരുന്നു. തന്റെ സുരക്ഷിതമായ ഫ്ലാറ്റിലെ ബാത്ത് ടബ്ബിൽ അവൾ മരിച്ച നിലയിൽ കാണപ്പെട്ടു. ഹൃദയസ്തംഭനം എന്നാണ് പ്രാഥമിക റിപ്പോർട്ട്. എന്നാൽ യാതൊരു രോഗവുമില്ലാത്ത 26 വയസ്സുകാരിയുടെ മരണം നാട്ടുകാരിൽ സംശയം ജനിപ്പിച്ചു. ശ്വേതയുടെ മരണത്തിന് പിന്നാലെ രമ്യയും കൊല്ലപ്പെട്ടു. രാത്രി കാർ ഓടിച്ചു പോകുമ്പോൾ നിയന്ത്രണം വിട്ട് പുഴയിലേക്ക് മറിയുകയായിരുന്നു. ബ്രേക്ക് വയറുകൾ മുറിച്ചതായി ഫോറൻസിക് വിദഗ്ധർക്ക് സംശയം തോന്നിയിരുന്നെങ്കിലും കൃത്യമായ ഒരു തെളിവും ലഭിച്ചില്ല. പിന്നീട് സുനിതയുടെ അന്ത്യമായിരുന്നു. അവളുടെ വീട്ടിലെ ഗ്യാസ് സിലിണ്ടർ അർദ്ധരാത്രിയിൽ സ്ഫോടനത്തോടെ പൊട്ടിത്തെറിച്ചു. ഈ മരണങ്ങൾക്കെല്ലാം ഒരു പ്രത്യേകതയുണ്ടായിരുന്നുആ സമയത്തെല്ലാം ആ പ്രദേശത്തെ സിസിടിവി ക്യാമറകൾ പ്രവർത്തനരഹിതമായിരുന്നു. യാതൊരു വിരലടയാളവും അവശേഷിച്ചില്ല. സോഷ്യൽ മീഡിയയിൽ വിജയിനെ അധിക്ഷേപിച്ചവരും അനന്യയെ കണ്ണുമടച്ചു സപ്പോർട്ട് ചെയ്തവരും ഭയന്ന് അക്കൗണ്ടുകൾ ഡിലീറ്റ് ചെയ്യാൻ തുടങ്ങി. തൃശൂർ നഗരം ഭീതിയുടെ നിഴലിലായി. ഈ വാർത്ത അനന്യ കൃഷ്ണയെ ഭയത്തിന്റെ മുൾമുനയിൽ ആഴ്ത്തി തന്റെ കൂടെയുണ്ടായിരുന്നവർ ഓരോരുത്തരായി നിശബ്ദമായി ഇല്ലാതാകുന്നത് അവൾ ഭീതിയോടെ കണ്ടു. ഒരു രാത്രിയിൽ അവളുടെ ലാപ്ടോപ്പ് തനിയെ ഓൺ ആയി. വെളുത്ത സ്ക്രീനിൽ കറുത്ത അക്ഷരങ്ങൾ തെളിഞ്ഞു വന്നു: "You chose the wrong prey." ഭയന്നോടിയ അവൾ പോലീസിൽ അഭയം പ്രാപിച്ചു. എന്നാൽ പോലീസ് സ്റ്റേഷനിൽ അവൾ കണ്ടത് മറ്റൊരു വിജയ് വർമ്മയെയായിരുന്നു. അവിടെയിരുന്ന പോലീസ് കമ്മീഷണറുടെ മുന്നിൽ അവൾ നടത്തിയ ഗൂഢാലോചനയുടെ കൃത്യമായ ഡിജിറ്റൽ തെളിവുകൾ ഇരിക്കുന്നുണ്ടായിരുന്നു. വിദേശ ഏജൻസികളിൽ നിന്ന് പണം പറ്റി രാജ്യത്തെ അസ്ഥിരപ്പെടുത്താൻ ശ്രമിച്ചതിന്റെയും, വിജയിനെ കേസിൽ കുടുക്കാൻ ശ്രമിച്ചതിന്റെയും രേഖകൾ പോലീസ് ശേഖരിച്ചിരുന്നു. നിയമം അവളെ പിടികൂടി. അഴികൾക്കുള്ളിലേക്ക് അവൾ നീങ്ങുമ്പോൾ വിജയ് വർമ്മ അവിടെയില്ലായിരുന്നു. പോലീസ് കസ്റ്റഡിയിലിരിക്കെ അതീവ സുരക്ഷയുള്ള ജയിൽ സെല്ലിലാണ് അനന്യയുടെ അന്ത്യം സംഭവിച്ചത്. യാതൊരുവിധ ആയുധങ്ങളോ ബാഹ്യ ഇടപെടലുകളോ ഇല്ലാതെ, സിസിടിവി ക്യാമറകൾ നിമിഷനേരം നിശ്ചലമായ ഒരു സമയത്ത് അവൾ ശ്വാസം മുട്ടി മരിച്ചു. പോസ്റ്റ്‌മോർട്ടം റിപ്പോർട്ടിൽ മരണകാരണം അജ്ഞാതമായിരുന്നു; ശ്വാസകോശത്തിൽ വായു നിലച്ച മട്ടിലായിരുന്നു ശരീരം. ഒരു തെളിവുപോലും അവശേഷിപ്പിക്കാത്ത ആ മരണം പോലീസിനെ കുഴപ്പിച്ചു. ആ നിഗൂഢതയ്ക്ക് പിന്നിൽ ആരാണെന്ന് ലോകത്തിന് അപ്പോഴും ഒരു പിടിയുമില്ലായിരുന്നു. ….. മഴ കനത്ത ഒരു രാത്രിയിൽ വിജയ് തന്റെ കടയിലെ ഷെൽഫുകൾ വൃത്തിയാക്കുകയായിരുന്നു. തൃശൂർ നഗരം ഇപ്പോൾ ആക്ടിവിസ്റ്റുകളുടെ ദുരൂഹ മരണങ്ങൾ ചർച്ച ചെയ്യുകയാണ്. എന്നാൽ വിജയ് വർമ എന്ന പാവം പലചരക്കു കടക്കാരനെ ആരും സംശയയിച്ചില്ല …… വിജയ് തന്റെ കടയുടെ പിന്നിലെ പഴയ തടി അലമാരയുടെ അടുത്തേക്ക് നീങ്ങി. അയാൾ ഒരു സ്വിച്ച് അമർത്തി. തറയിലെ ഒരു ഭാഗം നിശബ്ദമായി വശങ്ങളിലേക്ക് മാറി ഒരു ഗോവണി തെളിഞ്ഞു വന്നു. അയാൾ താഴേക്ക് ഇറങ്ങി, കടയുടെ അടിയിലുള്ള രഹസ്യ മുറിയിലേക്ക് പ്രവേശിച്ചു. അടിയിലെ നിലവറ ഇരുമ്പ് ചുവരുകളുള്ള ഒരു ചെറിയ മുറിയായിരുന്നു. അവിടെ ഭിത്തിയിൽ ഉറപ്പിച്ച ഒരു വലിയ ലോഹ ഷെൽഫിലേക്ക് അയാളുടെ നോട്ടമെത്തി. ആ ഷെൽഫിന്റെ മുകളിൽ പലതരം അത്യാധുനിക പിസ്റ്റളുകൾ, സൈലൻസറുകൾ, മൂർച്ചയേറിയ കത്തികൾ, ചെറിയ ബോംബുകൾ, സ്ഫോടക വസ്തുക്കൾ എന്നിവ ഭംഗിയായി അടുക്കി വെച്ചിരിക്കുന്നു. താഴത്തെ തട്ടിൽ മൈക്രോ ക്യാമറകൾ, ഹാക്കിംഗ് ഉപകരണങ്ങൾ, ജി.പി.എസ് ട്രാക്കറുകൾ തുടങ്ങിയ ഇലക്ട്രോണിക് ഗാഡ്ജറ്റുകൾ നിരത്തിയിട്ടുണ്ടായിരുന്നു.! വിജയ് പഴയ തടി അലമാരയുടെ അടുത്തേക്ക് നീങ്ങി. അയാൾ ഒരു ചെറിയ മൺവിളക്ക് കത്തിച്ചു. അവിടെയുള്ള തന്റെ മാതാപിതാക്കളുടെ ഫോട്ടോ ഫ്രെയിമിന് പിന്നിലായി ഒരു കാർഡ് ഒളിപ്പിച്ചിരുന്നു. അയാൾ അത് പുറത്തെടുത്തു. വിളക്കിന്റെ വെളിച്ചം ആ കാർഡിൽ തട്ടിയപ്പോൾ അതിലെ സ്വർണ്ണ ലിപികൾ വെട്ടിത്തിളങ്ങി. അതിൽ അയാളുടെ ചിത്രത്തിന് താഴെ ഇപ്രകാരം രേഖപ്പെടുത്തിയിരുന്നു: GOVERNMENT OF INDIA OFFICE OF COVERT OPERATIONS CODE NAME: AGENT SHADOW DESIGNATION: CLASSIFIED (LEVEL 5) വിജയ് ആ കാർഡ് പതുക്കെ തുടച്ചു ഷെൽഫിലെ ഒരു കോണിൽ വെച്ചു. അനന്യയും കൂട്ടരും വേട്ടയാടാൻ ശ്രമിച്ചത് വിജയ് പി വർമ എന്ന പാവം കടക്കാരനെയല്ല, ഒരു കാലത്ത് സ്വന്തം ലൈഫിലെ ദുരന്തത്തിനു കാരണമായ സ്ത്രീയെ അടക്കം ഇന്ത്യയിൽ പലയിടത്തായി 200 കണക്കിന് ക്രിമിനൽ സ്ത്രീകളെ കൊന്നു തള്ളിയ പിടികിട്ടാപുള്ളി യായിരുന്ന ഗോൾഡൻ ഡ്രഗ് മാഫിയ തലവനെ കൊന്നു തള്ളിയ പിന്നീട് തീവ്ര വാദത്തിനെതിരെ ഉള്ള പോരാട്ടത്തിൽ റോയോടൊപ്പം ചേർന്ന് അൽ സൈഫ് എന്ന തീവ്രവാദി നെറ്റ്‌വർക്ക് ഇല്ലാതാക്കിയ ഇന്ത്യയുടെ ഏറ്റവും മാരകമായ ആയുധമായ ഏജന്റ് ഷാഡോ എന്ന അർജുൻ നായരെ ആയിരുന്നു. അയാൾ ഗോവണി കയറി മുകളിലെത്തി. തറ പഴയപടി അടഞ്ഞു. അയാൾ തന്റെ കടയുടെ ഷട്ടർ താഴ്ത്തി പതുക്കെ മഴയിലേക്ക് ഇറങ്ങി നടന്നു. ……… End