**भोजपुरी लोक गीत _ (गोडऊ धुन हुड़का पर) नवका साल के छूटेला ।** अंग्रेजी महीना के आइल जनवरिया ये साजन। नवका साल के छूटेला फुलझरिया ये साजन । आइल नया साल हमके झूलनी गढ़वा दा। नैनीताल शिमला हमके अबकी घुमवा दा । घूमी घूमी मनाईब हमऊ जनवरिया ये साजन । नवका साल के छुटेला ...............। नवका साल में नई साड़ी हमके चाही। गुरही जलेबी गोलगप्पा हमके चाही। सोना के कंगनवा लेइब फरवरिया ये साजन। नवका साल के छूटेला ...........। पच्चीस में बियाह छब्बीस में ललनवा। बनिहा सिपाही इहे हमरो अरमनवा। देशवा बचइहा बनी के पहरिया ये साजन । नवका साल के छुटेला .........। सास ससुर के खूब सेवा हम करब । उपजाइब अनाज किसान हम बनब। खुशहाल होई सगरो नगरिया ये साजन। नवका साल के छुटेला ........। नवका साल में नया काम देशवा में होई। जगवा में बड़ा नाम हमरे देशवा के होई। भारती पिया उतारी तोहार नजरिया ये साजन । नवका साल में छूटेला फुलझरिया ये साजन । गीतकार श्याम कुंवर भारती ( राजभर) बोकारो, झारखंड मॉब.9955509286, #📗प्रेरक पुस्तकें📘 #💔दर्द भरी कहानियां #✍प्रेमचंद की कहानियां #📚कविता-कहानी संग्रह #🇮🇳मेरा भारत, मेरी शान