*_02/04/2026 - చైత్ర పూర్ణిమ - శ్రీ హనుమత్ విజయోత్సవ దినం_*
*చాలా మంది భక్తులకు ఒక సందిగ్ధం - హనుమాన్ జయంతి ఎప్పుడు ?? - హనుమాన్ విజయోత్సవ దినం ఎప్పుడూ అనేది ?*
*హనుమంతుని జన్మ తిథి చైత్రమాసం లోనా, వైశాఖంలోనా ఎప్పుడు చేసుకోవాలనే అనుమానం చాలామందిలో కలుగుతుంది...!!*
*పరాశర సంహిత అనే గ్రంథం ప్రకారం ఆంజనేయుడు వైశాఖ బహుళ దశమి, శనివారం జన్మించారని తెలిపారు*.
*అదే రోజున హనుమంతుని జన్మ తిథి చేసుకోవాలని చెబుతారు*.
*_అయితే కొన్ని ఐతిహాసాల ప్రకారం_*
*“చైత్ర పౌర్ణమి” నాడు నికుంభుడు తదిరత రాక్షసులను సంహరించి హనుమంతుడు విజయం సాధించినట్లు కనిపిస్తుంది*.
*ఈ కారణంగా ఆ రోజు* *హనుమద్ విజయోత్సవం* *చేసుకునే సంప్రదాయం కొన్ని చోట్ల ఉంది*.
*దీన్ని ఉత్తరాదిలో హనుమంతుని జన్మ తిథిగా చేసుకుంటారని పండితులు సూచిస్తున్నారు*.
*అలాగే చైత్ర పూర్ణిమ నాడు హనుమంతుని విజయోత్సవం దక్షిణాదిలో ముఖ్యంగా తెలంగాణా ప్రాంతంలో చాలా ఘనంగా జరుపుకుంటారు*.
*ఆంజనేయస్వామి వారి నిలువెత్తు విగ్రహం శోభా యాత్రగా ఊరేగిస్తారు*.
*చైత్ర పూర్ణిమ హనుమత్ విజయోత్సవం నుండి నుంచి 41 రోజుల మండలం పాటు ఆంజనేయునికి దీక్ష చేస్తారు.*
*ఈ దీక్ష చివరి రోజున హనుమంతుని జన్మ తిథి చేసుకుంటారు. ఈ 41 రోజులు తెలుగు ప్రజలు ఆంజనేయునికి ఉత్సవాలను జరుపుతారు*.
*వైశాఖ బహుళ దశమి నాడు దీక్షా విరమణ చేసి వైభవంగా పూజలు నిర్వహిస్తారు*.
*హనుమంతుని జన్మ తిథి వైశాఖ బహుళ దశమినాడు జరుపుకునేందుకు ఓ బలమైన కారణం వుంది*.
*"కలౌ పరాశర స్మృతి:"* *అని శాస్త్రాలు చెప్తున్నాయి*.
*శ్లో: వైశాఖే మాసి కృష్ణాయాం దశమ్యాం మందవాసరే*
*పూర్వాభాద్ర ప్రభూతాయ మంగళం శ్రీ హనూమతే ||*
*_అని చెప్పబడింది._*
*దీని ప్రకారం వైశాఖ మాస బహుళ దశమి నాడు హనుమంతుని జన్మ తిథి జరుపుకుంటారు*.
*ఈ రోజున హనుమాన్ చాలీసా, ఆంజనేయ స్తోత్రాలను స్వామిని స్తుతిస్తే అనుకున్న కార్యాలు దిగ్విజయంగా పూర్తవుతాయని ఆధ్యాత్మిక పండితులు సూచిస్తున్నారు* #మన సంప్రదాయాలు సమాచారం
