खापऱ्या महार एका खेडेगावी खापऱ्या राहत असे. गावकीची सर्व कामे तो इमाने इतबारे करी. मेलेली जनावरे ओढण्यात, त्याचे कातडे काढण्यात व मृतमांस खाण्यातच त्याला आपल्या जीवनाची इतिकर्तव्यता वाटत असे. त्याच जीवनाचा त्याला स्वाभिमान वाटत असे. एकदा पाटलाच्या घरापुढील खळ्यात (अंगणात) गावकऱ्यांची सभा भरली. पाटलाचे लहान पोर घरातून बाहेर आले. बापाच्या मांडीवर थोडा वेळ बसले. तिथून उठले. बैठकीच्या मध्यावर थोडोशी मोकळी जागा होती. तिथे गेले आणि हागले ! पाटलाच्या लगेच लक्षात आले. आता काय करावे असा प्रश्न त्याला पडला. कारण या बैठकीत पाटलीन येणे आणि पोराचा' गू काढणे शक्यच नव्हते. त्याने एकवार सभेवर नजर फिरविली. सर्वजण हिरमुसल्या चेहऱ्याने त्यांच्याकडेच पाहत होते. त्याने नंतर दूरवर पाहिले. पलीकडे असलेल्या उकीरड्यावर खापऱ्या महार अंग चोरुन उभा होता. त्याला उद्देशून पाटील ओरडला. - खापऱ्या SS" " जी SS मालक " अरे तुला दिसत नाही काय ? " " कायजी मालक ?" अरे हे-हे ऽ घाणीकडे बोट दाखवित पाटील खेकसला ! खापाऱ्याला अतिशय आनंद झाला ! पाटील आपणाला बोलला ! तो आता त्या घाणीकडे निघाला. भराभर बाजूला होऊन लोकांनी त्याला रस्ता दिला. जवळ गेला. दोन्ही हाताच्या ओंजळीत भरुन घाण काढू लागला. (याचे ओंजळीने घाण कशी काढू लागला याचे साभिनय प्रात्यक्षिक बाबासाहेब करीत असत. ) तो आता हवेत तरंगू लागला ! महारवाड्यात गेला. छाती काढून चालू लागला. कुणाला बोलेना, कुणी बोलले तर दखल घेईना. महार लोक चर्चा करु लागले. अरे खापऱ्याला आज झाले तरी काय ? पारावर असलेल्या एका म्हाताऱ्याने विचारले खापऱ्या !" " काय रं SS" खाप-या गुरगुरला आसं काय करतुच ? कंस करतूय ?" बोलत न्हाईच ।" नाही बोलनार ! " " आर पर कां ? " " तुला म्हाईत न्हाई ! " काय," सबा व्हती पाटलाच्या खळ्यात "मग " तितं कुनाला न्हाई पर मला पाटील बोलला ! " काय बोलला रSS" "मनाला खापऱ्या पोरग सबात हागलं काडून टाकं !! " मग मग काय ? टाकलं काडून मी !! " हासले. हात तिच्या ! म्हातारा उद्‌गारला. भोवती जमलेले लोक एकदम भावार्थ : आपला दलित समाज अज्ञानात गुलामगिरीत कसा सुख मानायचा व गुलामगिरीचाच त्याला कसा अभिमान वाटायचा या संदर्भात बाबासाहेब खापऱ्या महाराची कथा ऐकवीत. ही कथा घनःश्याम तळवटकरांनी खुद्द बाबासाहेबांच्या तोंडून ऐकली... संदर्भ डॉ. बाबासाहेब आंबेडकरांनी सांगितलेल्या गोष्टी #bhimsenik #💙 भीमसैनिक 💙 #🙏 प्रेरणादायक बॅनर #🙂Positive Thought #💪बुद्धांची तत्वे📜