"तो एक सुपर स्टार....", वाचा प्रतिलिपि वर अंशिकाचा आवेश इतका जबरदस्त होता की तिच्या त्या जोरदार धक्क्याने देव मागे फेकला गेला आणि बेडच्या कोपऱ्याला जाऊन टेकला... त्याच्या ओठांवर अजूनही त्या डार्क चॉकलेटचा अंश आणि अंशिकाच्या स्पर्शाची ऊब होती, पण समोरचं दृश्य भयानक होतं.... ​अंशिकाचा चेहरा रागाने लाल बुंद झाला होता, तिचे श्वास वेगाने चालले होते.... सेटवरचे सगळे लोक, डिरेक्टर, क्रू मेम्बर्स... सगळे जणू पुतळ्यासारखे स्तब्ध झाले होते... कोणालाच कळेना की हे काय घडलं... ​इतक्यात... ​"सटटटाटक......!!!!" पूर्ण सेट वर जोरदार आवाज घुमला आणि तिकडे असणाऱ्या सर्वांच्या तोंडाचा आ वासला... ​तो आवाज इतका मोठा आणि तीक्ष्ण होता की सेटवरच्या शांततेचे अक्षरशः तुकडे झाले.... तिथे उपस्थित असलेल्या प्रत्येकाच्या कानाचे पडदे जणू त्या आवाजाने फाटले असावेत... अंशिकाने आपली पूर्ण ताकद एकवटून देवच्या डाव्या गालावर एक सणसणीत चपराक लगावली होती.... ​देवचा चेहरा एका बाजूला झुकलेला..... त्याच्या कानात एक भयानक सूं-सूं आवाज घुमू लागला.... त्या चपराकीने फक्त त्याचा गाल नाही, तर त्याचा सुपरस्टार म्हणून असलेला अहंकार आणि त्याचं प्रेम दोन्ही एका क्षणात पायदळी तुडवलं गेलं होतं..... ​"तुझी हिंमत कशी झाली देव सुर्यवंशी?" अंशिकाचा आवाज रागाने थरथरत होता... पण तिच्या आवाजाला प्रचंड धार होती... "तुला काय वाटलं तू एक सक्सेसफुल ऍक्टर आहेस तर तू माझ्या खाजगी आयुष्याचा हा असा लिलाव मांडशील? च्युइंगम आणि चॉकलेटच्या जाहिरातीत तुला वासना दिसत असेल, तर तू अभिनेता नाहीस, तर एक विकृत माणूस आहेस...!!" तिची आग ओकणारी नजर त्याच्यावर स्थिर होती... ​आणि इकडे तो डोळे विस्फारुन आपल्या गालावर हात ठेऊन तिच्याकडे बघत होता... त्याच्या डोळ्यांत आता अश्रू होते की राग, हे कळायला मार्ग नव्हता... पण अंशिकाने त्याला पूर्णपणे उद्ध्वस्त केलं होतं.... ​"अंशिका.......आय एम.....!!" तो पुढे काही बोलणार त्या आधीच अंशिका कडाडून म्हणाली.. ​"काहीच बोलायची गरज नाही! हा ब्रँड, ही ॲड आणि तुझा हा चेहरा... घेऊन निघुन जा माझ्या नजरे समोरून...!! आणि पुन्हा माझ्या आसपास फिरकण्याची हिंमत ही करू नकोस!" ​अंशिकाने खाली पडलेलं चॉकलेटचं पाकीट पायदळी तुडवलं आणि ती तडक सेटबाहेर निघून गेली.... तिकडे डिरेक्टरच्या हातातून हेडफोन खाली गळून पडला. 'डार्क डिझायर'च्या त्या सेटवर आता फक्त एकच गोष्ट शिल्लक होती... ती म्हणजे देव सुर्यवंशीचा भंग पावलेला स्वाभिमान आणि एका अधुऱ्या राहिलेल्या चुंबनाचा कडवट पणा..... खरतर ​बाहेरच्या जगात असलेली क्रेझ या आणि गेल्या दोन वर्षा पासून एकत्र करत असलेल्या कामाचा आज हा असा परिणाम झालेला... देव मनातून अंशिकावर प्रेम करत होता अनेक वेळा त्याने बोलण्याचा प्रयत्न ही केला होता.. पण अंशिकासाठी तीच करिअर प्रायोरिटी होत... तिला सक्सेसची उंच शिखर सर करायची होती... त्यामुळे तिने देव बद्दल त्या दृष्टीने कधीच विचार केला नव्हता... पण त्यांच्या फॅन फॉलोवर्स मध्ये असलेल्या देव-अंशिकाच्या चर्चा या केवळ दोन अभिनेते म्हणुन नव्हत्या... तर फॅनसाठी तो एक इमोशन होता... सोशल मीडियावर नजर टाकली तरी समजायचं की या जोडीने उभ्या महाराष्ट्राला आणि देशाला कसं वेड लावलं आहे... ​इंस्टाग्रामवर #DevShika हा हॅशटॅग दर सेकंदाला ट्रेंड होत असे... त्यांच्या प्रत्येक रोमँटिक सीनचे फॅन पेजेसवर हजारो व्हिडिओ एडिटिंग व्हायरल व्हायचे... कधी पावसात भिजतानाचा त्यांचा तो जुना सीन, तर कधी एखाद्या अवॉर्ड फंक्शनमध्ये देवने अंशिकासाठी ओढलेली खुर्ची... प्रत्येक हालचालीवर चाहत्यांच्या नजरा खिळलेल्या असायच्या.... ​ ​ट्विटर (X) वर रोज एक चर्चा रंगायची. एखाद्या प्रसिद्ध ब्लॉगरने त्यांच्या केमिस्ट्रीवर लेख लिहिला की खाली कमेंट्सचा पूर यायचा.. ​"यांच्या डोळ्यांत जे दिसतं, ती केवळ ॲक्टिंग असूच शकत नाही! देव ज्या पद्धतीने अंशिकाकडे बघतो, त्यात शुद्ध प्रेम आहे..." एका फॅनने तर चक्क त्यांच्या नावाचा टॅटू गोंदवून घेतला होता... https://pratilipi.app.link/MiQteEPGZ0b भारतीय भाषेतील अमर्याद साहित्य वाचा, लिहा आणि ऐका अगदी विनाशुल्क! #🌹प्रेमरंग #☺️प्रेरक विचार #📚मराठी रोमांचक कथा🧐 #✍🏽 माझ्या लेखणीतून #✍मराठी साहित्य