*ഖബ്റിൽനിന്നും അപ്രത്യക്ഷമായ മയ്യിത്ത്* ബഹ്റൈനിലെ രാജാവ് മുൻദിറുബ്‌നുസാവയുടെ സമീപത്തേക്ക് നബിﷺ ഒരു സംഘത്തെ അയച്ചു. അവരുടെ നേതാവായി നിയോഗിക്കപ്പെട്ടത് ഗലാഅ്ബ്‌നുഹള്റമി(റ)നെയായിരുന്നു. സൈന്യം ശത്രുക്കളുടെ രാജ്യവും ലക്ഷ്യംവെച്ച് പുറപ്പെട്ടു. സഹാബത്തിൽനിന്ന് ചിലർ പറയുന്നു. ഗലാഅ്ബുനുഹള്റമിയോടൊപ്പമുള്ള ആ യാത്രയിൽ മൂന്നു അത്ഭുതങ്ങൾ ദർശിക്കാൻ കഴിഞ്ഞു. യാത്ര തുടർന്ന് കൊണ്ടിരുന്ന ഞങ്ങൾ ശക്തിയായ വെയിലിൽ പെട്ട് തളർന്നു. ദാഹം സഹിക്കാനാവാത്ത ഒരു അവസ്ഥയിലേക്ക് ഞങ്ങളെത്തിയപ്പോൾ ഗലാഅ്ബുനുഹള്റമിയെ സമീപിച്ച് സങ്കടം പറഞ്ഞു. മഹാൻ രണ്ടുറക്‌അത്ത് നിസ്‌കരിച്ചു. പ്രാർത്ഥന ആരംഭിച്ചു. തൽസമയം ആകാശത്തുനിന്ന് ഒരു മേഘകൂടാരം ഞങ്ങളുടെ ഭാഗത്തേക്ക് ഒഴുകിവന്നു. അതുമഴവർഷിച്ചു. ഞങ്ങൾ ധാരാളം വെള്ളം കുടിക്കുകയും ആവശ്യമുള്ളത് ശേഖരിക്കുകയും ചെയ്തു. യാത്ര തുടർന്നുകൊണ്ടിരുന്നു പിന്നീട് ഞങ്ങൾ ഒരു തീരത്ത് വന്നണഞ്ഞു. ആ നദിയും കടന്ന് അപ്പുറത്ത് പ്രവേശിച്ചാൽ മാത്രമേ ഞങ്ങൾക്ക് ശത്രുക്കളെ കണ്ടെത്താൻ സാധിക്കൂ. ഈ യാഥാർത്ഥ്യം മനസ്സിലാക്കിയ ഗലാഅ്ബുനു ഹള്റമി ഞങ്ങളോട് പറഞ്ഞു: നിങ്ങൾ ബിസ്‌മിയും ചൊല്ലി കുതിരകളെ വെള്ളത്തിലിറക്കുക. ഞങ്ങൾ അദ്ദേഹം കൽപിച്ചത്‌പോലെ പ്രവർത്തിച്ചു. അൽഭുതം! അതാ ഞങ്ങളുടെ കുതിരകൾ വെള്ളത്തിൻ്റെ മുകളിലൂടെ നീങ്ങുന്നു. ആ കുതിരകൾക്കുള്ള കാൽ കുളമ്പുകൾ മാത്രമേ വെള്ള സ്‌പർശമേറ്റ് നനയുന്നുള്ളൂ. യാതൊരു പ്രയാസവും കൂടാതെ നിദിയുടെ മറുകരയിൽ പ്രവേശിച്ചു. പിന്നീട് ശത്രുക്കളുമായി ഘോരയുദ്ധം തുടങ്ങി. ആ യുദ്ധത്തിൽ ശത്രുക്കളെ പരാജയപ്പെടുത്തി ഞങ്ങൾ സ്വരാജ്യത്തിലേക്കു തന്നെ യാത്ര തിരിച്ചു. വഴിമദ്ധ്യേ ആ നദി വീണ്ടും ഞങ്ങൾക്ക് തടസ്സം സൃഷ്ടിച്ചു. മുമ്പ് പ്രവർത്തിച്ചത് പോലെ ബിസ്‌മിയും ചൊല്ലി കുതിരകളെ വെള്ളത്തിലിറക്കി. അപ്പോൾ ഞങ്ങളുടെ കുതിരകളുടെ കുളമ്പുകൾ താഴേക്ക് താഴ്ന്നു‌പോവുകയോ മുന്നോട്ട് ഗമിക്കുന്നതിന് തടസ്സം സൃഷ്ടിക്കുകയോ ചെയ്‌തില്ല. നദിയുടെ മുകളിലൂടെ ഞങ്ങൾ മുന്നോട്ട് ഗമിച്ചു. അല്ലാഹുവിന്റെ തീരുമാനമെന്ന് പറയാം. ഗലാഅ്ബ‌ഹള്റമി(റ) ആ വെള്ളത്തിൻ്റെ മുകളിൽവെച്ച് ഈ ലോകത്തോട് എന്നന്നേക്കുമായി വിട പറഞ്ഞു. ആ മഹാനുഭാവൻ്റെ തിരിച്ചുവരാത്ത യാത്ര ഞങ്ങളെ അത്യധികം ദുഃഖത്തിലാഴ്ത്തി. കരയിൽ വന്നണഞ്ഞ ഞങ്ങൾ അദ്ദേഹത്തിൻ്റെ ശരീരം മറവു ചെയ്യാനുള്ള ഒരുക്കങ്ങൾ ചെയ്‌തു. മണലുകൾ നിറഞ്ഞ ഒരു സ്ഥലത്ത് അദ്ദേഹത്തിനു വേണ്ടി ഒരു ഖഖബ്ർ കുഴിച്ചു. ആ പുണ്യശരീരത്തെ ഖബ്റിൽ വെച്ചു. പിന്നീട് അവിടെ നിന്ന് ഞങ്ങൾ നാട് ലക്ഷ്യംവെച്ച് നീങ്ങിക്കൊണ്ടിരിക്കുമ്പോൾ ഒരു യുവാവ് ഞങ്ങളെ സമീപിച്ച് കൊണ്ട് ചോദിച്ചു. #🕌 ഇസ്ലാമിക് ഭക്തി ജനങ്ങളെ.!! ഇത് ആരുടെ ഖബ്റാണ്. ഞങ്ങൾ പറഞ്ഞു: ഇത് ഗലാഅ്ബ് ഹള്റമിയുടെ ഖബ്റാണ്. അയാൾ ഞങ്ങളോട് പറഞ്ഞു: ഈ സ്ഥലത്ത് അദ്ദേഹത്തെ നിങ്ങൾ മറമാടരുത്. വന്യമൃഗങ്ങളുടെ ശല്യം അധികരിച്ച ഒരു പ്രദേശമാണിത്. അവ അദ്ദേഹത്തിന്റെ ശരീരം പുറത്തെടുത്ത് ബുദ്ധിമുട്ടുണ്ടാക്കും. വിഷയത്തിന്റെ ഗൗരവം മനസ്സിലാക്കിയ ഞങ്ങൾ അദ്ദേഹത്തിൻ്റെ ശരീരം പുറത്തെടുക്കാൻ തീരുമാനിച്ചു. അങ്ങനെ അദ്ദേഹത്തിൻ്റെ ഖബ്റിൻ്റെ മുകളിൽനിന്ന് മണ്ണ് നീക്കി അടികല്ലുകൾ പുറത്തെടുത്തു. ഖബ്റിനകത്തെ കാഴ്‌ചകണ്ട് ഞങ്ങൾ അത്ഭുതപ്പെട്ടു. അദ്ദേഹത്തിൻ്റെ ശരീരം ഖബ്‌റിൽ കാണുന്നില്ല. എന്നാൽ ഖബ്റിന്റെ ഉള്ളിലൂടെ കണ്ണെത്താദൂരത്തോളം പ്രകാശപൂരിതമായ ഒരു വഴി ഞങ്ങൾ ദർശിച്ചു. പിന്നെ ആലോചിച്ചുനിൽക്കാതെ ഖബർ മൂടി. നിർമലമനസ്കരായി ഞങ്ങൾ നാടിനെ ലക്ഷ്യമാക്കി നീങ്ങി.!! > ദുആ വസ്വിയ്യത്തോടെ _ദിൽ റുബ_ @thamriyyah🌝🫂