Hare Krishna Prabhu dandvat pranam 🙏 Date 20th Sautarday December 2025 Topic ; తిరుప్పావై పాశురం, శరీర దృష్టి వల్ల నష్టాలు భగవద్గీత ఆధారంగా కేస్ స్టడీస్ speaker ; Chaitanya krishnadasa Prabhu తిరుప్పావై లో ఐదవ పాశురం 1. ఐదవ పాశురంలో అమ్మవారు కలియుగానికి అత్యంత ముఖ్యమైన భక్తి మార్గాన్ని స్పష్టంగా బోధిస్తున్నారు. పవిత్రమైన యమునా నది తీరంలో, ఆయుర్ వంశంలో అవతరించిన ఆభరణ దీపంలాంటి శ్రీకృష్ణుడిని, తల్లి యశోద గర్భదీపంగా వెలిసిన దామోదరుని భక్తితో ఆశ్రయించమని అమ్మవారు చెప్తున్నారు. 2. భగవంతుని శుద్ధమైన పుష్పాలతో పూజిస్తూ, నోటి ద్వారా సంకీర్తన చేస్తూ, మనసుతో ధ్యానం చేస్తూ ఆయనను శరణు కోరితే— ఇప్పటివరకు చేసిన పాపాలు, ఇప్పుడు చేస్తున్న పాపాలు, భవిష్యత్తులో చేయబోయే పాపాలు కూడా అగ్నిలో పత్తి కాలిపోయినట్లుగా పూర్తిగా నశిస్తాయి అని అమ్మవారు భరోసా ఇస్తున్నారు. 3. ఇక్కడ అమ్మవారు ముఖ్యంగా సంకీర్తన వ్రతాన్ని బోధిస్తున్నారు. కలియుగంలో భగవంతుని మహామంత్రాన్ని నోటి ద్వారా జపం చేయాలి, అదే సమయంలో మనసుతో ధ్యానం చేయాలి. మాటతో గానం, మనసుతో ధ్యానం—ఈ రెండు కలిసినప్పుడే భక్తి సంపూర్ణమవుతుంది. దీనితో పాటు ప్రేమతో కొంచెమైనా పుష్పాలు భగవంతునికి సమర్పిస్తే, అది పరిపూర్ణ సేవగా మారుతుంది. 4. శ్రీరామచంద్రుడు స్వయంగా శ్రీరంగనాథ స్వామిని పూజించినప్పటికీ, ఆయనకు కష్టాలు ఎందుకు వచ్చాయి అనే ప్రశ్నకు కూడా ఇక్కడ భావం దాగి ఉంది. రాముడు తన పట్టాభిషేకం కంటే భక్తుల క్షేమానికే ప్రాధాన్యం ఇచ్చాడు. భరతుడు, పాదుకలు, సుగ్రీవుడు, విభీషణుడు వంటి భక్తుల సేవ, లోక కల్యాణం, శాప విమోచనం—ఇవన్నీ జరిగేందుకు భగవంతుడు స్వయంగా కష్టాలను స్వీకరించాడు. 5. దీనితో అమ్మవారు మనకు చెప్పే సందేశం స్పష్టం— భగవంతుని దగ్గరకు కోరికలతో కాదు, ప్రేమతో వెళ్లాలి. “నా కోరిక తీరలేదు” అని కాదు, “నా సేవ స్వీకరించు స్వామీ” అనే భావంతో భక్తి చేయాలి. అందుకే ఐదవ పాశురంలో అమ్మవారు మూడు విషయాలను బలంగా చెప్పారు: 1. సంకీర్తన చేయండి 2. మనసుతో ధ్యానం చేయండి 3. ప్రేమతో పుష్పాలు అర్పించండి 1: ఆత్మ తత్వం – భగవద్గీత (రెండవ అధ్యాయం) భగవద్గీత రెండవ అధ్యాయంలో స్వామి ఆత్మకు జననం లేదు, మరణం లేదు అని స్పష్టంగా చెప్పారు. కాబట్టి "నేను శరీరం కాదు" అనే సత్యం క్లియర్‌గా తెలుస్తుంది. ఆత్మకు మృత్యువు లేదు; మారేది శరీరమే. శరీరం అనేది ఆత్మ ధరించిన ఒక వేషం (డ్రెస్) మాత్రమే. ఈ సత్యాన్ని తెలుసుకోవడమే నిజమైన జ్ఞానం. 2..శరీరం = డ్రెస్ ఉపమానం డ్రెస్ మార్చుకున్నప్పుడు బాధపడము, ఎందుకంటే ఆ డ్రెస్ మనం కాదని తెలుసు. అలాగే శరీరం కూడా ఎముక, రక్తం, మాంసంతో చేసిన ఒక డ్రెస్ మాత్రమే. ఇది శాశ్వతం కాదు; కాలానుసారంగా, కర్మానుసారంగా వచ్చింది. మనతో రోజూ ఉంటుందని దీన్ని "నాది" అనుకోవడం మొదలవుతుంది. కానీ అది తాత్కాలికమే. ఈ అవగాహన వచ్చినప్పుడు శరీర మార్పులపై, నష్టం–లాభాలపై అధిక బాధ ఉండదు. 3. సంబంధాలు, కర్మ మరియు క్లారిటీ ఎవరైనా వ్యక్తి లేదా వస్తువు మనతో ఎక్కువ కాలం ఉంటే మనం సంబంధం కలుపుకుంటాం. అది పోయినప్పుడు బాధ కలుగుతుంది. వస్తువులు, వ్యక్తులు—all కర్మానుసారంగా, కాలానుసారంగా వస్తాయి–పోతాయి. కాబట్టి వాటిపై అతి ఆపేక్ష పెట్టకూడదు. భక్తుడు ఎప్పుడూ ఈ విషయంలో క్లారిటీగా ఉండాలి. వ్యక్తులతో లేదా వస్తువులతో అతి లోతైన ఆసక్తి, స్వామిత్వ భావం కలపకూడదు. ఇది అర్థమైతే జీవితం సమతుల్యంగా, శాంతిగా ఉంటుంది. ఆత్మ–శరీరం వివేకం 4. శరీరం తాత్కాలికం – ఆత్మ శాశ్వతం వస్తువులు, వ్యక్తులు అన్నీ తాత్కాలికం. ఈ శరీరం సుమారు 80 సంవత్సరాల వరకే ఉంటుంది. కానీ ఆత్మ శాశ్వతం. ఆత్మ కంటికి కనిపించదు గానీ, 80 కేజీల శరీరాన్ని మోస్తోంది. చిన్న స్పార్క్‌లాంటి ఆత్మ ఇంత భారీ శరీరాన్ని ధరించి జీవన ప్రయాణం చేస్తోంది. శరీరం అనేది ఆత్మకు వస్త్రం మాత్రమే. 5.శరీరం వస్త్రం లాంటిదే రోజంతా మనం షర్ట్ వేసుకుని పనులు చేస్తాం కదా – షర్ట్ మనం కాదు. అలాగే శరీరం కూడా మనం కాదు. ఒకరోజు ఈ 80 కేజీల వస్త్రాన్ని వదిలేయాల్సిందే. శరీరాన్ని ధరించామనే కారణంతో భక్తిని మానేయాల్సిన అవసరం లేదు. భక్తి అనేది ఆత్మ యొక్క పని. 6. శరీర సంరక్షణ అవసరం – కానీ శరీరమే నేను కాదు శరీరం ఆత్మకు రక్షణగా ఉంది. అందుకే దానికి ఆహారం, దుస్తులు, అవసరమైన సంరక్షణ ఇవ్వాలి. కానీ ఇదే నా అసలు స్వరూపం అనుకుంటే బాధ మొదలవుతుంది. శరీరానికే ప్రాముఖ్యత ఇస్తే దుఃఖం తప్పదు 7.ఈ ప్రపంచం దుఃఖాలయం – అడవి ఉపమానం ఈ ప్రపంచం ఒక అడవి లాంటిది. అడవిలో నడిచేటప్పుడు ముల్లు గుచ్చుకోవచ్చు, రాయి తగలచ్చు. అలాగే శరీరాన్ని ధరించినంతకాలం అవమానాలు, ప్రశంసలు, కష్టాలు సహజం. వాటిని అంగీకరించాలి. ఇది దుఃఖాలయం – ఇక్కడ పూర్తిస్థాయి సుఖం ఆశించడం తప్పు. 8. గురువు యొక్క ప్రాముఖ్యత అడవిలో దారి చూపించే వ్యక్తి వచ్చినట్టు, సంసార అడవిలో గురువు రావడం అత్యంత ముఖ్యమైన విషయం. గురువు వచ్చిన తరువాత సుఖ–దుఃఖాలను మేనేజ్ చేయగల శక్తి వస్తుంది. అప్పటివరకు మనం “నేను శరీరం, ఇవే నా బంధాలు” అనుకుంటూ తిరుగుతాం. 8. “నేను శరీరం కాదు” అనే జ్ఞానం వల్ల లాభం ఎప్పుడైతే “నేను శరీరం కాదు” అని గ్రహిస్తామో, ఏ పరిస్థితినైనా ధైర్యంగా అంగీకరించగలుగుతాం. చిన్న కష్టం వచ్చినా కూలిపోము. మృత్యువు ఎప్పుడు వచ్చినా భయం ఉండదు. ఎందుకంటే ఆత్మ కృష్ణనామ జపంతో శక్తిని పొందుతుంది. 9. భక్తి పిల్లలకు ఎందుకు అవసరం పిల్లలకు శరీర రక్షణతో పాటు భక్తి ఇవ్వడం చాలా ముఖ్యం. చిన్న గాయం అయితే తల్లిదండ్రులు బాధపడతారు. కానీ భక్తి లేకపోతే జీవితంలో ఎన్నో గాయాలు పడతాయి. నా కొడుకు భక్తుడవ్వాలని సంకల్పం చేసుకోవడమే నిజమైన దయ. 10. కామం మరియు భగవంతుడు కామం అంటే భగవంతునికి దూరం అవటం. “నేను శరీరం” అనుకునే భావన నుంచే కామం వస్తుంది. భగవంతునిని మధ్యాహ్నం సూర్యుడిలాగా మనపై ఉంటే నీడ కనిపించనట్టే, ఆయనను హృదయంలో ముందుంచితే కామం నిలబడదు. 11. 84 లక్షల జన్మలు – శరీర భ్రమ ఆత్మ 84 లక్షల జన్మల్లో ఎన్నో శరీరాలు మార్చింది. మగ–ఆడ భావాలు, అంచనాలు అన్నీ శరీరానికి సంబంధించినవే. శరీరం ఆనందం ఇస్తుంది అనే భావన తప్పుడు అంచనా. అవి ఫేక్ ప్లెజర్ సర్క్యూట్లు మాత్రమే. 12.భక్తి అంటే అంచనాల లేమి భక్తి అంటే భగవంతుని నుండి కూడా అంచనాలు పెట్టకపోవడం. శరీర సుఖాల మీద, ప్రపంచ ఆనందాల మీద ఆశలు వదిలి, కృష్ణనామంలో నిలబడటం. అప్పుడు మాత్రమే నిజమైన శాంతి లభిస్తుంది. శరీరం వస్త్రం మాత్రమే. ఆత్మే నేను. ఈ జ్ఞానం స్థిరపడితే భయం తగ్గుతుంది, దుఃఖం తక్కువవుతుంది, భక్తి గాఢమవుతుంది. ఇదే ఆత్మ–శరీరం వివేకం. ఆత్మ తత్వం – శరీర వ్యామోహం నుంచి విముక్తి మన జీవితం లో అసలు సమస్య ఏమిటంటే నేను శరీరాన్ని అనే భావన. భగవద్గీత స్పష్టంగా చెబుతుంది – నేను శరీరం కాదు, ఆత్మను. ఈ ఒక సత్యాన్ని మనం నిజంగా ఆచరించగలిగితే, జీవితం చాలా సరళంగా, శాంతిగా మారుతుంది. 13. శరీరం ప్రకృతి ఇచ్చిన ఒక తాత్కాలిక వస్త్రం. ఇది సుమారు 70–80 సంవత్సరాలు మాత్రమే ఉంటుంది. కానీ ఆత్మ శాశ్వతం. ఆ శాశ్వతమైన ఆత్మ, ఈ 80 కేజీల శరీరాన్ని మోస్తోంది. శరీరం ఏమి అడుగుతుంది? కొంచెం అన్నం, పప్పు, కూర, ఒక ఇల్లు – అంతే. కానీ మనం శరీరాన్ని మనమే అనుకోవడం వల్ల కామం, కోపం, లోభం, అహంకారం వంటి సమస్యలు పుడుతున్నాయి. గృహస్థాశ్రమం మరియు ఆత్మ దృష్టి 14. గృహస్థ జీవితం నరకం కాదు; శరీర బుద్ధితో జీవిస్తేనే అది నరకం అవుతుంది. గృహస్థుడైనా, బ్రహ్మచారియైనా – నేను కృష్ణుని భాగం అనే భావన ఉంటే స్ట్రెస్ తగ్గుతుంది. కర్తవ్యం చేస్తాం, కానీ ఫలితాల మీద మమకారం ఉండదు. గృహస్థుడికి లైసెన్స్ ఎందుకు వచ్చింది? సంతానోత్పత్తి కోసం. కానీ ఆ లైసెన్స్ శరీర భోగానికి కాదు – బాధ్యతతో, ధర్మంతో జీవించడానికి. ఆత్మ దృష్టి ఉంటే ఆశలు తగ్గుతాయి, అశాంతి తగ్గుతుంది. 15. శరీర అవసరాలు – నిజం ఎంత? ఒక వ్యక్తి రాత్రి పగలు కష్టపడి ఎంతో డబ్బు సంపాదిస్తాడు. కానీ శరీరానికి ఎంత కావాలి? మూడు చపాతీలు, కొంచెం కూర – అంతే. కరెంట్ బిల్, ఇంటి అవసరాలు కూడా పరిమితమే. అవసరానికి మించి సంపాదించి, మిగిలిన సమయాన్ని మాయకు అర్పిస్తే లాభం ఏముంది? మిగిలిన సమయాన్ని కృష్ణస్మరణకు ఉపయోగించాలి. 16. జపం మరియు ఆత్మ తత్వం జపం బాగా జరగాలంటే ఆత్మ తత్వం మీద ఫోకస్ అవసరం. ఉదయం క్లాస్, జపం అయ్యాక మళ్లీ మాయలోకి వెళ్లిపోతాం అంటే – ఆత్మ దృష్టి ఇంకా బలపడలేదు అని అర్థం. నేను ఆత్మని అని గట్టిగా స్థిరపడితే, జపం సహజంగా లోతుగా జరుగుతుంది. అప్పుడు బాధలు తగ్గిపోతాయి. 17. కేస్ స్టడీస్ – శరీర బుద్ధి vs ఆత్మ బుద్ధి ఒక తండ్రి: పిల్లలకు మార్కులు ఎక్కువ వస్తే సంతోషం, తక్కువ వస్తే బాధ. వృద్ధాప్యంలో మరణ భయం. నేను ఆత్మని అని తెలుసుకుంటే, వృద్ధాప్యం కూడా ఆనందంగా మారుతుంది. ఒక యువకుడు/యువతి: ప్రేమలో విఫలం అయ్యానని జీవితం ఫెయిల్ అనుకుంటారు. కానీ నేను ఆత్మని, ఈ శరీర అనుభవం తాత్కాలికం అని తెలిసినప్పుడు నిరాశ ఉండదు. ఆరోగ్యం చెడితే భవిష్యత్తుపై నమ్మకం పోతుంది. శరీరమే నేను అనుకుంటేనే ఆ భయం. సేవ చేసినా గుర్తింపు రాలేదని బాధపడటం – ఇది కూడా శరీర అహంకారమే. విద్యార్థులు మరియు మార్కులు శరీర బుద్ధి ఉన్న విద్యార్థి: "మార్కులు రాలేదు, నా జీవితం పాడైంది" అని ఏడుస్తాడు. ఆత్మ దృష్టి ఉన్న విద్యార్థి: "నేను ఆత్మని. ఈ శరీరంతో చదువు సరిగా జరగలేదు. శరీర పోషణకు సరిపడా చదివితే చాలు. మిగిలిన సమయం కృష్ణునికి" అని శాంతిగా ఉంటాడు. అందుకే తల్లిదండ్రులు పిల్లలపై మార్కుల భారాన్ని మోపకూడదు. నువ్వు శరీరం కాదు, ఆత్మవి అనే బేసిక్ బోధ ఇవ్వాలి. అప్పుడు చిన్న ఉద్యోగం చేసినా పిల్లలు ఆనందంగా జీవిస్తారు. 18. సోషల్ మీడియా మరియు శరీర వ్యామోహం సోషల్ మీడియాలో లైక్స్ రాకపోతే బాధపడటం – ఇది శరీర బుద్ధికి పరాకాష్ఠ. ఈ శరీరం లైక్స్ కోసం రాలేదు. ఈ శరీరం నామజపం కోసం వచ్చింది. ఎవరు లైక్ చేస్తారు, ఎవరు చేయరు – ఆత్మకు సంబంధం లేదు. స్త్రీలు, పురుషులు – ఇద్దరికీ శాస్త్రం చెప్పేది ఒక్కటే: శరీరాన్ని ఎగ్జిబిట్ చేయడం ఆత్మాభిమానం కాదు. స్త్రీలు ఆత్మ తత్వంతో జీవిస్తేనే మంచి తల్లులు అవుతారు. గర్భాదాన సంస్కారం ద్వారా ప్రహ్లాదులాంటి భక్తులు పుడతారు. 19. భగవద్గీత చెప్పిన ఒక్క సత్యం: "నీవు శరీరం కాదు – ఆత్మవు." ఈ ఒక్క శ్లోకాన్ని జీవితం లో అమలు చేస్తే, జీవితం సెటిల్ అయిపోతుంది. కామం, కోపం, భయం, నిరాశ – ఇవన్నీ శరీర బుద్ధి వల్లే. ఆత్మ తత్వం వచ్చాక, జపం లోతుగా జరుగుతుంది, జీవితం ప్రశాంతంగా మారుతుంది. 20. మనసు ప్రశాంతంగా ఉండి ఆనందంగా ఉండాలి అంటే ఆత్మ తత్వంతో బ్రతకాలి ఆత్మ తత్వంతో బ్రతకడం అంత ఈజీ కాదు అలా బ్రతకాలి అంటే ప్రతిరోజు ఉదయం బ్రహ్మ ముహూర్తంలో మంగళహారతి జపం చేయాలి #📙ఆధ్యాత్మిక మాటలు #భగవద్గీత #🙏🏻కృష్ణుడి భజనలు ఉదయం తరగతిలు వింటూ ఉంటే మెల్లగా మనకు ఆత్మ తత్వం అర్థం అవుతుంది. ఆత్మ తత్వంతో బ్రతికితే మనకి ఎలాంటి ప్రాబ్లమ్స్ రావు.