സർക്കാർ അവർക്കൊപ്പവും എന്ന് ഉറക്കെ പ്രഖ്യാപിച്ച 10 വർഷങ്ങളാണ് കടന്നുപോയത്. സ്ത്രീകൾക്കൊപ്പം നിന്നാണ് സർക്കാർ മുന്നേറിയത്. സ്ത്രീശാക്തീകരണത്തിൽ രാജ്യത്തിന് തന്നെ മാതൃകയായ നിരവധി തീരുമാനങ്ങളാണ് ഈ കാലയളവിൽ കൈക്കൊണ്ടത്. സുരക്ഷിതവും സ്വാശ്രയവുമായ ഒരു സ്ത്രീസൗഹൃദ കേരളം കെട്ടിപ്പടുക്കുന്നതിനായി സർക്കാർ വിഭാവനം ചെയ്ത പദ്ധതികൾ വലിയ മാറ്റങ്ങൾക്കാണ് തുടക്കമിട്ടിരിക്കുന്നത്. മറ്റ് സാമൂഹികക്ഷേമ പദ്ധതികളുടെയോ പെൻഷനുകളുടെയോ ഗുണഭോക്താക്കൾ അല്ലാത്ത അർഹരായ 35 വയസ്സിനും 60 വയസ്സിനും ഇടയിൽ പ്രായമുള്ള സ്ത്രീകൾക്കും ട്രാൻസ് വുമൺ വിഭാഗത്തിൽപ്പെട്ടവർക്കും പ്രതിമാസം 1000 രൂപ ധനസഹായം ലഭ്യമാക്കുന്ന സ്ത്രീ സുരക്ഷാ പദ്ധതി നടപ്പാക്കുന്നു. തൊഴിലിടങ്ങളിലെ സ്ത്രീ സാന്നിധ്യം ഉറപ്പാക്കുന്ന 'തൊഴിലരങ്ങത്തേക്ക്' പദ്ധതിയും ഡിജിറ്റൽ സാക്ഷരത നൽകുന്ന 'ഡിജിറ്റൽ പാഠശാല'യും സ്ത്രീകളെ സാമ്പത്തികമായും സാങ്കേതികമായും മുന്നിലെത്തിക്കാൻ സഹായിക്കുന്നു. സുരക്ഷയ്ക്കായി വൺ സ്റ്റോപ്പ് സെന്ററുകളും സ്നേഹിത ഹെൽപ്പ് ഡെസ്കുകളും സജീവമാകുമ്പോൾ, യാത്രകളിലും ജോലിസ്ഥലങ്ങളിലും കുറഞ്ഞ ചിലവിൽ സുരക്ഷിതമായ താമസം ഉറപ്പാക്കാൻ 'സേഫ് സ്റ്റേ', 'വനിതാമിത്ര' കേന്ദ്രങ്ങൾ എന്നിവയും നിലവിലുണ്ട്. ആയോധനകലകളിൽ പരിശീലനം നൽകുന്ന 'ധീര' പദ്ധതിയിലൂടെയും ആരോഗ്യ അവബോധം നൽകുന്ന 'ഷി പാഡ്' പോലുള്ള പദ്ധതികളിലൂടെയും ഓരോ പെൺകുട്ടിയെയും ആത്മവിശ്വാസമുള്ളവരായി വളർത്തുന്ന കേരളം ഇന്ന് സ്ത്രീ സുരക്ഷിതത്വത്തിന്റെ ഉത്തമ മാതൃകയാണ്. തൊഴിലിടങ്ങളിൽ വനിതകൾക്ക് ഇരുന്ന് ജോലി ചെയ്യാനുള്ള അവകാശം ഉറപ്പാക്കി. ലിംഗഭേദമന്യേ മാന്യമായ വസ്ത്രം ധരിക്കാനുള്ള സ്വാതന്ത്ര്യവും ഉറപ്പാക്കി. പഠനകാലത്ത് പെൺകുട്ടികൾക്ക് ആർത്തവാവധിയും പ്രസവാവധിയും അനുവദിച്ച മാനുഷിക സമീപനം സർക്കാർ സ്വീകരിച്ചു. അഗ്നിരക്ഷാ സേനയിൽ വനിതാ ഓഫീസർമാരെ നിയമിച്ച് ചരിത്രം തിരുത്തി. എല്ലാ ജില്ലകളിലും സ്ത്രീധന നിരോധന ഓഫീസർമാരെ നിയമിച്ച് നിയമ സംരക്ഷണം ശക്തമാക്കി. സ്ത്രീകളുടെ അവകാശങ്ങൾ വാക്കുകളിലല്ല, പ്രവൃത്തിയിൽ നടപ്പാക്കിയ 10 വർഷങ്ങളാണ് സർക്കാരിന്റേത്. #keralagovernment #womenfriendly #🆕 ലേറ്റസ്റ്റ് അപ്ഡേറ്റ്