⛳ आजचे ऐतिहासिक शिव'कालीन दिनविशेष ⛳ 📜 १३ मार्च इ.स.१६६५ (चैत्र शुद्ध सप्तमी, शके १५८७, संवत्सर विश्वावसू, वार सोमवार) स्वराज्य संकटात, मोगली फौजांचा स्वराज्यात धुमाकूळ! संकटाची मालिका सुरू झाली होती. कोटीचंडी यज्ञ करून आलेल्या मिर्झाराजे जयसिंग यांच्या परवानगीनंतर मिर्झाराजे जयसिंगच्या फौजांनी दिलेरखानाच्या नेतृत्वाखाली किल्ले पुरंदरला वेढा टाकला. आणि सुरू झाला मराठ्यांचा एल्गार 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🙏शिवदिनविशेष📜 #🚩छत्रपती संभाजी महाराज स्टेटस🙏 #🚩शिवराय #📜इतिहास शिवरायांचा https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/V0XKzkthSaQ 📜 १३ मार्च इ.स.१६७५ मोरो त्रिमल व नारो नीळकंठ यांच्या निवाड्यांची पत्रे! "गोपाळ सेट्या तुझ्या सेटेपणाचा निवाडा होऊन सेटेपण तुझे असे. याबद्दल भेट युवराज संभाजीराजे यांस होन ५ व सरकार शेरणी १५० तुज खंड केला". वरीलप्रमाणे निवाड्याचे कामी युवराज संभाजीराजांचा सहभाग होत असे. 🏇🚩🏇🚩🏇🚩🏇🚩🏇 📜 १३ मार्च इ.स.१६८२ (चैत्र शुद्ध पौर्णिमा, शके १६०४, संवत्सर दुदुंभी, वार सोमवार) छत्रपती संभाजी महाराजांचे दिवाकर गोसावी यांना पत्र! "स्वामी सज्जनगडी पुर्णावतार केला ते स्थळी हणुमंताचे देवालय बांधले आहे. स्वामी असता समुदाय होता. तो सेवेसी असो देणे आणि सुबासुबाहून धर्मादाये इनात देवीला तो आणावून देवांस व समुदायांस पाठवीत जाणे यथाविधी उत्सव समारंभ करीत जाणे तसेच श्री. रघुनाथ देवालय चापळी आहे. तेथील नित्यपुजा, रथोत्सव सनेदप्रमाणे मोईन व इनाम आणवून यथासांग करीत जाणे". 🏇🚩🏇🚩🏇🚩🏇🚩🏇 📜 १३ मार्च इ.स.१७०७ छत्रपती शाहू महाराजांची जुल्फीकारखानाने आज्जमशहाशी (बादशहा) भेट घडविली. "आदमी नहीं भुतखाना है", अशी मराठ्यांना बहुमानाची पदवी देऊन औरंगजेबाने या जगाचा निरोप घेतला. त्यानंतर औरंगजेबाचा दुसरा मुलगा शहजादा आज्जमने स्वतःस बादशहा म्हणून घोषित केले. बादशहा आज्जमशहाने छत्रपती शाहू महाराजांना पोषाख दिला. छत्रपती शाहू महाराजांच्या सुटकेचा हा पहिला प्रयत्न होय. 🏇🚩🏇🚩🏇🚩🏇🚩🏇 📜 १३ मार्च इ.स.१७१९ छत्रपती शाहू महाराज आणि हुसेन आली तहास मान्यता १७ फेब्रुवारी १७१२ ला दिल्लीचा बादशहा बहादुरशाह मरण पावला. या सुमारास दिल्ली दरबारात सय्यद अब्दुल्ला व सय्यद हुसेन अली या दोघा भावांनी वर्चस्व स्थापन केले होते. त्यांनी बहादुरशाह च्या बादशहा झालेल्या मोठ्या मुलास-जहानदरशहला व त्यासाठी त्याला मदत करणाऱ्या झुल्फिकार खानास ठार मारून जहंदरशहा चा पुतण्या फर्रुखसियरला दिल्लीच्या तख्तावर बसविले. खरी सत्ता सय्यद बंधुंच्याच हाती होती. सय्यद हुसेनला दक्षिणेकडे पाठवून त्याचा काटा काढण्याचा फर्रुख्सियरचा डाव होता. पण या कटाची माहिती सय्यद हुसेनला आधीच मिळाल्याने त्याला मारण्याचा कट तडीस गेला नाही. इकडे फर्रुखसियारणे दिल्ली दरबारात सय्यद अब्दुल्लाविरोधी फळी तयार केल्याने हुसेन अलीने दिल्लीत क्रांती घडवून आणण्यासाठी शंकराजी मल्हार नरगुंदकर यांच्या मध्यस्थीने मित्रवर्य निमिष थळे ह्यांच्या पोस्ट मध्ये नमूद केलेला करार केला. हुसेन अलीने मराठ्यां बरोबर केलेला तह बादशाह फर्रुखस्यारला आवडला नाही. ह्या कराराचा हेतू आपल्याविरुद्ध कट करण्याचा असल्याचे बादशाहाला वाटले, म्हणून त्याने ह्या कराराला मान्यता दिली नाही व सय्यद बंधूंविरुद्ध युद्धाची तयारी केली. याचा सुगावा लागताच सय्यद हुसेन अलीने १७१८ मध्ये मराठ्यांची मदत घेऊन दिल्लीकडे कूच केले. त्याच्या बरोबर स्वतः बाळाजी विश्वनाथ, त्याचा मुलगा बाजीराव, खंडो बल्लाळ, राणोजी आणि संताजी भोसले, शेख मीरा, नारो शंकर आदी मराठे सरदार दिल्लीस रवाना झाले. २८ फेब्रुवारी १७१९ ला सय्यद बंधूनी मराठ्यांच्या मदतीने सर्व प्रतिकार मोडून दिल्लीवर ताबा मिळवला व फर्रुखसियरला पदच्युत करून प्रथम रफी उद्धराज्त, नंतर रफी उद्धौला व शेवटी औरंगजेबचा पणतू रोशन अख्तर यास मुह्मद्शाह किताब देऊन दिल्लीच्या गादीवर बसवले. फर्रुखसियारणे मराठ्यां बरोबर केलेला तह नाकबूल केला होता, पण सय्यद बंधूनी १३ मार्च १७१९ ला छत्रपती शाहू आणि हुसेन आली यांत झालेल्या तहास मान्यता घेतली. 🏇🚩🏇🚩🏇🚩🏇🚩🏇 📜 १३ मार्च इ.स.१७६० अब्दालीशी तह सुभेदार मल्हारराव होळकर कर्तबगारीने शुन्यातून झंजावात उभे करणारा पुरुष. ज्या काळात स्त्रीयांना गोशाशिवाय शिवाय घराबाहेर पडणे मुश्किल त्या काळात अहिल्यादेवींना शिक्षण-राजनीति-युद्धनीतिचे संस्कार करत त्यांना घडवणारा द्रष्टा पुरुष. संपुर्ण आयुष्य लढाया करण्यात गेले. राजकीय मुत्सद्देगिरी कोणालाही चकीत करणारी. वयाच्या पासष्ठाव्या वर्षीही इंग्रजांशीही विजयी झुंज दिली असा हा योद्धा. पानिपत ही एक शोकांतिका. पण १३ मार्च १७६० साली अब्दालीशी तह करुन त्याला परत वाटेला लावण्याचे मुत्सद्दी कार्य त्यांनी केले होते. युद्ध टळत होते. https://youtu.be/V0XKzkthSaQ 🏇🚩🏇🚩🏇🚩🏇🚩🏇 📜 १३ मार्च इ.स.१८०० नाना फडणवीस यांचा मृत्यू (जन्म १२ फेब्रुवारी १७४२) पेशव्यांच्या दरबारी असणारे मराठा साम्राज्यातील मुत्सद्दी होते. पेशवाईतील साडेतीन शहाण्यांपैकी हे अर्धे शहाणे समजले जात.नाना फडणवीस यांचे मूळ घराणे कोकणातल्या रायगड जिल्ह्यातील श्रीवर्धन येथील होते. त्यांचा जन्म १२ फेब्रुवारी १७४२ रोजी सातारा येथे झाला. बालवयातच नानासाहेब पेशव्यांच्या सान्निध्यात आल्यामुळे राज्यकारभाराचे शिक्षण त्यांना मिळाले. वयाच्या २० व्या वर्षी थोरल्या माधवरावांकडून त्यांना फडणिशीची वस्त्रे मिळाली. एवढे मोठे पद नानांनी आपल्या कर्तृत्वाने आणि मुत्सद्दीपणाने सांभाळले.आपल्या चातुर्याच्या बळावर नानांनी राजकीय घडी बसवलीच होती पण त्यांची कामाची तडफ, त्यांच्या वागण्यातला समतोलपणा या बरोबरच पेशवाई आणि राजसत्तेचा दबदबा आणि दरारासुद्धा त्यांनी वाढवला. इंग्रजांचा पाडाव करण्यातही ते यशस्वी झाले. 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀ #🗿शिवकालीन पुराणवस्तू