#📙 നോവൽ - കാശിയുടെ പെണ്ണ് 💐💐 🔻 പാർട്ട് _9 ✍️ രചന - ജിഫ്ന നിസാർ ❤️ നിനക്ക് കോളേജിൽ പോണ്ടേ കാർത്തിക..? കാശിയുടെ ഗൗരവമുള്ള സ്വരം. അവളൊന്നു മുഖമുയർത്തി നോക്കി. അവനപ്പോൾ അവളുടെ ബാഗ് വലിച്ചെടുക്കുന്ന തിരക്കിലാണ്. പിന്നിലൂടെ ചെന്നിട്ടൊന്ന് കെട്ടിപിടിച്ചു നിൽക്കാൻ തോന്നിയ ത്വരയെ അടക്കി നിർത്താൻ വേണ്ടിയാണ് അവളവന്റെ നേരെ നിന്നും നോട്ടം മാറ്റിയത്. ഒന്ന് നോക്കിയാ തന്നെ കണ്ണുരുട്ടി പേടിപ്പിക്കുന്നവൻ ഇനിയിപ്പോ ഒന്ന് കെട്ടിപിടിച്ച തന്നെ അടിക്കുമെന്ന് പോലും അവൾക്ക് തോന്നി. ഇനി എന്തോർത്തു നിൽക്കാ നീ. ഇങ്ങോട്ട് പോന്നപ്പോ നിന്റച്ഛൻ പറഞ്ഞത് നീയും കേട്ടില്ലേ.. ഓട്ടോ പിടിച്ചു നിന്നെ കയറ്റി വിടണം ന്ന്. വാ ഇങ്ങോട്ട്.. മനുഷ്യന് പണി ഉണ്ടാക്കാൻ വേണ്ടി ആഴ്ചക്കാഴ്ചക്.. ബാക്കി പറയാൻ വന്നത് അവൻ വിഴുങ്ങി കളഞ്ഞു. അതേയ്.." തിരികെ ഇറങ്ങാൻ തുടങ്ങിയ അവനെ കാർത്തിക പിന്നിൽ നിന്നും പിടിച്ചു നിർത്തി. കരുത്തുള്ള അവന്റെ കൈകൾ അവളുടെ കയ്യിൽ ചേർന്നു. കാശി വെട്ടി തിരിഞ്ഞു നോക്കുമ്പോൾ അറിയാതെ തന്നെ ആ പിടി അയിഞ്ഞു പോകുകയും ചെയ്തു. "ശെരിക്കും.. ശരിക്കുമെന്നെ ഇഷ്ടമില്ലാഞ്ഞിട്ടോ.. അതൊ അച്ഛനോട്.." "നിന്നോടെനിക്ക് ഇഷ്ടവുമില്ല.. നിന്റെ അച്ഛനെ എനിക്ക് ഭയവുമില്ല. " അവളത് പറഞ്ഞു തീർക്കും മുന്നേ തന്നെ കാശിയുടെ ഉത്തരമെത്തി. "എന്നാൽ പിന്നെ ശിവേട്ടൻ പറഞ്ഞത് പോലെ നിങ്ങൾക്കില്ലാത്ത ആ ഇഷ്ടം തോന്നാനുള്ള വഴി നിങ്ങള് തന്നെ പറഞ്ഞു താ.." വീണ്ടും അവൾക്ക് കുറുമ്പ്. അതോടെ കാശിയുടെ മുഖം കൂടുതൽ വലിഞ്ഞു മുറുകി. "ഞാൻ വല്ലതും പറഞ്ഞാ കൂടിപ്പോകും പെണ്ണേ.. മര്യദക്ക് വന്നിട്ട് ഓട്ടോ പിടിച്ചു പോയിക്കോ.. നിനക്കതാ നല്ലത്.. അവളെ ഒരു ഐഡിയ.." കാശ്ശിയൊരു ചാട്ടം.. കാർത്തിക ഒരടി പിന്നിലേക്ക് മാറി. അവൾക്ക് നല്ലത് പോലെ സങ്കടം തോന്നി. പക്ഷേ സെന്റിമെന്റൽ കൊണ്ടൊന്നും ആ കാട്ട്മാക്കാനേ ഒതുക്കാൻ പറ്റില്ലല്ലോ.. അതൊക്കെ വളരെ മുന്നേ തന്നെ തോറ്റു മടങ്ങിയ കേസാണ്. കട്ടയ്ക്ക് ഒപ്പം പിടിച്ചു നിൽക്കുമ്പോൾ വല്ലതും മിണ്ടുന്നുണ്ടല്ലോ എന്നെങ്കിലും കരുതി ആശ്വാസിക്കാം. അല്ലാതെ പിണങ്ങിയിട്ടോ സെന്റിമെന്റൽ കാണിച്ചു മാറി നിന്നിട്ടോ യാതൊരു കാര്യവുന്നില്ല. അതൊരു ഭാഗ്യം എന്നേ കരുതൂ.. കാർത്തിക അവനൊപ്പം പുറത്തേക്കിറങ്ങി. അപ്പോഴും അവളതിന്റെ അകത്തേക്ക് തന്നെ കൊതിയോടെ നോക്കുന്നുണ്ട്.. അവനും അവന്റെ സാന്നിധ്യവുമുള്ളയിടം ഇതാണ്.. ഇത്‌ വിട്ട് പോകരുതെന്ന് ഹൃദയം പറയുന്നത് പോലൊരു നോട്ടം.. നമ്മുക്ക് കൊറച്ചു നേരമിരുന്നു വർത്താനം പറഞ്ഞിട്ട് പോയാൽ മതിയായിരുന്നു.. ഇനിയിപ്പോ എന്ന് കാണും ന്നാ.. " അവനു പിറകെ.. തൊട്ടു തൊട്ടില്ല എന്നാ മട്ടിൽ ചേർന്നു നടക്കുമ്പോൾ കാശി കേൾക്കാൻ വേണ്ടി അവൾ പറയുന്നുണ്ട്. പക്ഷേ മൗനവൃതം പോലെ അവനൊന്നും മിണ്ടുന്നില്ല. കുറച്ചു മാറി പാർക്ക് ചെയ്തിരുന്ന ഓട്ടോ ആയിരുന്നു അവന്റെ ലക്ഷ്യം. "എനിക്കൊരു പോപ്പ് കോൺ വാങ്ങിച്ചു തരുവോ.. പറയുന്നതിനൊപ്പം അവളവന്റെ കയ്യിൽ കോർത്തു പിടിക്കാൻ ശ്രമിച്ചെങ്കിലും കാശി അത് കുടഞ്ഞു മാറ്റി. ആരെങ്കിലും കാണും.." അവൻ ശബ്ദമടക്കി പറഞ്ഞു.. "അഹ്.. അപ്പൊ അതാണോ കാശിയേട്ടന്റെ പ്രശ്നം.. അതങ്ങ് പറഞ്ഞൂടെ.. " അവനിലേക്ക് ഒന്ന് കൂടി ചേർന്നിട്ട് അവളാ തോളിൽ ചാരി. "നിന്റച്ഛന്റെ ഗുണ്ടയാണെടി പുല്ലേ ഞാൻ.. ആ എന്നേ കേറി പ്രേമിക്കാൻ നിനക്ക് നാണമില്ലേ.. ഏഹ്.." ആളുകൾക്കിടയിൽ നിന്നും മാറിയതും കാശി അവളെ പിടിച്ചു ചുവരിലേക്ക് ചേർത്ത് നിർത്തി കൊണ്ട് പല്ല് കടിച്ചു. അത്രയും അടുത്ത് നിൽക്കെ അവളവന്റെ മുഖത്തേക്ക് നോക്കി.. കണ്ണ്.. മൂക്.. പിരിച്ചു വെച്ച മീശ.. ഡ്രിം ചെയ്തു മനോഹരമാക്കിയ താടി.. യാതൊരു അനുസരണയുമില്ലാതെ.. അവന്റെ അതേ സ്വഭാവമുള്ള നീണ്ട മുടിയിഴകൾ... തന്നോട് സംസാരിക്കുമ്പോൾ ദേഷ്യത്തോടെ വിറക്കുന്ന ആ ചുണ്ടുകൾ..കടിച്ചു പിടിച്ചിരിക്കുന്ന പല്ലുകൾ.. മനസ്സൊരു കാറ്റാടി പോലെ ചുറ്റി തിരിയാൻ തുടങ്ങിയത് കൊണ്ടാണ് കാർത്തിക വേഗം നോട്ടം മാറ്റിയത്. ബസ് സ്റ്റാൻഡിൽ നിൽപ്പാണെന്ന് പോലും ഓർക്കാതെ താനവനെ കയറി ഉമ്മിച്ചു പോകുമോ എന്നൊരു ഭയമായിരുന്നു അവൾക്കുള്ളിൽ. ഇത്രയും അരികെ.. ഇങ്ങനെ കിട്ടുന്നതൊക്കെ വളരെ അപൂർവമാണ്. തന്റെ സ്വഭാവം ശെരിക്കും അറിയാവുന്നത് കൊണ്ട് എപ്പോഴും അവനായിട്ട് കൊണ്ട് നടക്കുന്നൊരു അകലമുണ്ട്. അവന്റെ പേരിട്ട തന്റെ തലയിണയിൽ ഒതുങ്ങി പോയിരുന്ന ആ സ്നേഹപ്രകടനം ഇന്നൊരു പക്ഷേ ഇനിയും അവനെ നോക്കി കൊണ്ട് നിന്നാൽ അവനിലേക്ക് നേരിട്ട് പതിക്കും എന്നുള്ള ഭയം. "പറയുന്നത് മനസിലാക്ക് കാർത്തിക നീ.. അല്ലെങ്കിൽ നീ വേദനിക്കും. നിന്റച്ഛനെ അറിയില്ല നിനക്ക്.. നിനക്കറിയാവുന്ന അച്ഛന്റെ നേരെ ഓപ്പോസിറ്റ് സ്വഭാവമുള്ള ഒരു അശോകേട്ടനുണ്ട്.. ഇതിൽ കൂടുതൽ എനിക്ക് നിന്നോട് പറയാൻ വയ്യാഞ്ഞിട്ടാ.." അത് വരെയുമുള്ള കലിപ്പ് മാറി അവൻ ശാന്തനാവാൻ ശ്രമിക്കുന്നുണ്ട്.. കലിപ്പ് കൊണ്ടൊന്നും അവളെ തടയാൻ കഴിയില്ലെന്ന് എത്രയോ പ്രാവശ്യം അവനു മനസ്സിലായതാണ്.. അച്ഛനെ വിട്ടേക്ക്. എന്നിട്ട് ഇനി മുതൽ എന്റെ കൂടെ കൂടിക്കോ.. അവർക്കാർക്കും അറിയാത്ത നമ്മളുടെ ഒരു ലോകം ഉണ്ടാക്കാം നമ്മുക്ക്. എന്നിട്ടെവിടെ എന്റെ രാജാവിനെപ്പോലെ നോക്കി കൊള്ളാം ഞാൻ.. എന്റെ കൂടെ വാ.. " അതേ ശാന്തതയോടെ തന്നെ അവളും പറയുമ്പോൾ കാശിയൊന്നു ശ്വാസമെടുത്തു.. "എനിക്ക് എന്ത് കണ്ടിട്ടാടി നിന്റെ ഈ തുള്ളൽ.. അതിനു മാത്രം എന്ത് തേങ്ങയാ.. വീണ്ടുമവന്റെ സ്വരമുയർന്നു.. സ്വന്തം കുടുംബം പോലും വേണ്ടന്ന് വെച്ചു പോയവന് നിന്റെ ഉള്ളിലുള്ളത് പോലൊരു മഹിമയുമില്ല..കാശി നാഥൻ മഹാ പെഴയാ കാർത്തിക.. രക്ഷപ്പെട്ടു പോ.. നിനക്കതാ നല്ലത്.. എനിക്ക് പോലും പിടിക്കാത്ത കുറെ പരട്ട സ്വഭാവങ്ങള് മാത്രമാണ് എനിക്ക് സ്വന്തമായുള്ളത്.. നിനക്ക് കഴിയില്ല. വെറുതെ ജീവിതം കളയല്ലേ.. നിന്നെ കൊണ്ട് പറ്റില്ല.. വാ വിട്ടു പറയുന്നതെന്തും വാങ്ങിച്ചു തരുന്ന നിന്റച്ഛനുള്ള അഹങ്കാരം കൊണ്ടാണ് നിന്റെയീ തിളപ്പ്.. പക്ഷേ അത്രയൊന്നും കാശി ഇല്ല.. ആർക്കും.. ആർക്കും വേണ്ടാത്തവനാ.. എങ്ങും എത്താതെ പോയവനാ..വിട്ടേക്ക്.. വിട്ടേക്ക്.. പ്ലീസ്.." അവനവളുടെ നേരെ കൈ കൂപ്പി.. ആ മുഖം ഉല പോലെ ചുവന്നു. അത് കാണെ.. ആ ഹൃദയമപ്പോൾ അനുഭവിക്കുന്ന വേദന ഓർക്കേ.. കാർത്തികയുടെ കണ്ണ് നിറഞ്ഞു.. "ആരും.. ആരും വേണ്ട.. ഞാൻ മതി.. ഞാൻ മാത്രം മതി.. ന്റെ ജീവനെ പോലെ നോക്കി കൊള്ളാം ഞാൻ.. എനിക്കത്രേം.. അത്രേം ഇഷ്ടമായിട്ടാ.. എനിക്ക്.. എനിക്ക് വിട്ടു കളയാൻ വയ്യാഞ്ഞിട്ട കാശിയേട്ടാ.. ഇത്രേം അകറ്റി നിർത്തിയിട്ടും.. വെറുപ്പോടെ ആട്ടി വിട്ടിട്ടും വിട്ടിട്ട് പോകാത്തത് എനിക്കിഷ്ടമുള്ളത് കൊണ്ട് തന്നെയാ..! കാശ്ശിയോട്ടും പ്രതീക്ഷിക്കാതെ അവളവനെ കെട്ടിപിടിച്ചു. ഒരു നിമിഷത്തെ ഞെട്ടലിന് ശേഷം.. അവളെ അകറ്റി മാറ്റാൻ ശ്രമിച്ചെങ്കിലുമവന്റെ നെഞ്ചിൽ അട്ടയെ പോലെ അവൾ പറ്റി പിടിച്ചു.. കാർത്തിക.. വിട്.. ആളുകൾ നോക്കുന്നു.. വിടെടി.. ആ ദേഹം തന്നിലേക്ക് ചേർന്നു നിൽക്കുന്നതിന്റെ വിറയലൊതുക്കി കൊണ്ടവൻ പതിയെ പറഞ്ഞു. "വിടാം.. എന്നെ ഇഷ്ടമാണെന്ന് പറഞ്ഞാ വിടാം.. കരച്ചിലൊക്കെ വിട്ടു ഇപ്പോൾ കള്ളത്തരമണാ മുഖം നിറയെ.. കാണാതെ തന്നെ കാശിക്കതറിയാം. "ഇങ്ങനെ തന്നെ നിൽക് നീ.. നിനക്ക് അറിയില്ലെങ്കിക്കും നിന്റെ അച്ഛനെ അറിയുന്ന ആരെങ്കിലും എല്ലായിടത്തും കാണും. അവര് കാണട്ടെ. കണ്ടിട്ട് ചെന്നു പറയട്ടെ.. അപ്പോൾ നിനക്ക് സമാധാനമാകുമെങ്കിൽ.. അത് നടക്കട്ടെ.." അവനും വാശി പോലെ പറയുമ്പോൾ മുഖം വീർപ്പിച്ചു കൊണ്ടവൾ അകന്നു മാറി.. അവളെ നോക്കിയൊന്ന് കണ്ണുരുട്ടി കാണിച്ചിട്ട് കാശി വീണ്ടും മുന്നോട്ട് നടന്നു. "എന്ത് കണ്ടിട്ടാ ഇഷ്ടമെന്ന് ചോദിച്ചില്ലേ..ഞാനത് പറഞ്ഞു തരട്ടെ.." വീണ്ടും അവനൊപ്പം തന്നെ ഓടി കൂടി കാർത്തു ചോദിച്ചു. വേണ്ട.. യാതൊരു അയവുമില്ലാത്ത സ്വരം. നല്ല വേഗത്തിൽ നടക്കുന്ന അവനൊപ്പമെത്താൻ അവൾ വല്ലാതെ കഷ്ടപ്പെടുന്നുണ്ട്. "എനിക്ക് പറയണം.." അവൾ വീണ്ടും അവനെ പിടിച്ചു നിർത്തി.. കണ്ണടച്ച് പിടിച്ചു പല്ല് കടിച്ചു കൊണ്ടവൻ ദേഷ്യമൊതുക്കി. "പറഞ്ഞു തൊലക്കങ്ങോട്ട്" "ധൈര്യം.. ദേഷ്യം.. വാശി ചങ്കുറപ്പുള്ള ഈ സ്വഭാവം.. നോട്ടം.. ചിരി.. മുടി താടി.. എല്ലാം.. എല്ലാം എനിക്കിഷ്ടമാണ്.." അവളുടെ സ്വരം ആർദ്രമായിരുന്നു "പക്ഷേ.. പക്ഷേ ന്റെ കാശിനാഥന് അറിയാത്ത ഒരു ക്വാലിറ്റി കൂടിയുണ്ട് ഇയാൾക്ക്.. ഇഷ്ടം പറഞ്ഞു വന്ന എന്നോട് ഇത് വരെയും.. ഒരു പരിധി വിട്ട് നിങ്ങൾ പെരുമാറിയിട്ടില്ല..എത്രയൊക്കെ ദേഷ്യം പിടിപ്പിച്ചാലും എനിക്ക് നേരെ കൈ ഉയർത്തിയിട്ടില്ല.. എനിക്കറിയാം കാശിയേട്ടാ.. അതെന്റെ അച്ഛനോടുള്ള പേടിയോ ബഹുമാനമോ ഒന്നുമല്ല.. ഒരു പെണ്ണിന് നിങ്ങൾ കൊടുക്കുന്ന റെസ്‌പെക്ട് തന്നെയാണ്.. മിക്കവാറും ആണുങ്ങൾക്ക് ഇല്ലാത്ത ക്വാലിറ്റി.." തീർന്നോ.." ചിരിയോടെ പറയുന്നവളോട് കാശി ഭാവമാറ്റമൊന്നും ഇല്ലാതെ തീർന്നെങ്കിൽ നടക്ക് എന്നൊരു ചിന്തയോടെ ചോദിച്ചു. ഇല്ല.. തീർന്നില്ല.. ഒന്നൂടെയുണ്ട്.. അതും പറഞ്ഞു തരാം.. അതും പറഞ്ഞു കൊണ്ടവൾ കൊറച്ചു കൂടി അവന്റെ അടുത്തേക്ക് നീങ്ങി നിൽക്കാൻ ശ്രമിച്ചു.. പക്ഷേ കാശിയുടെ നോട്ടം കണ്ടതും ആ ശ്രമം പെട്ടന്ന് തന്നെ വേണ്ടന്ന് വെച്ചു. "എന്റച്ചന്റെ ഒറ്റ മോളാണ് ഞാൻ.. അച്ഛന്റെ സകല സ്വത്തിനും അവകാശി. നിങ്ങളോ...എന്റച്ഛന്റെ ഏറ്റവും പ്രിയപെട്ട ആളും. എന്നേ കെട്ടിയാൽ അതൊക്കെ നിങ്ങൾക്ക് സ്വന്തമാവും. പക്ഷേ.. പക്ഷേ നിങ്ങൾക്കതിനോട് മോഹമില്ല കാശ്യേട്ട.. എന്നോട് ഇഷ്ടം പറഞ്ഞിട്ട് വരുന്നവരുടെ കണ്ണിലൊക്കെ ഞാൻ കാണുന്നോരു ആർത്തിയുണ്ട്.. നിങ്ങൾക്ക് അതില്ല.. എന്റെ പേരിലുള്ള സ്വത്തുക്കൾ നിങ്ങളെ മോഹിപ്പിക്കുന്നില്ല." നിന്നെയും ഞാൻ മോഹിക്കുന്നില്ല.. " "അത് ഞാൻ മാറ്റി പറയിപ്പിക്കും.." ഇനിയുണ്ടോ.." ഇനിം ഉണ്ട്. ഇന്നാ ഈ ബാഗും പിടിച്ചു കൊണ്ട് അതും പറഞ്ഞു ഇവിരുന്നോ.. ഞാൻ പോണ്.. എനിക്കാകെ ഇവിടെ കിട്ടുന്നത് അര മണിക്കൂറാണ് . ഇപ്പൊ തന്നെ പത്തു മിനിറ്റ് കഴിഞ്ഞു.. ഞാൻ പോണ്.. " അവന്റെ തോളിലുള്ള അവളുടെ ബാഗ് ഊരി കാശി കാർത്തികയുടെ തോളിലേക്ക് ഇട്ട് കൊടുത്തു കൊണ്ട് തിരിച്ചു നടന്നു. "യ്യോ. ഇനി ഉള്ളത് ന്നാ പിന്നെ പറയാം.. നമ്മുക്കൊപ്പോ പോയേക്കാം.. വാ.." കാർത്തിക അവനൊപ്പം തിരിഞ്ഞോടി എത്തി.. ഞാനില്ല. ഒറ്റയ്ക്ക് പോയിക്കോ.." കാശി വാശിയിലാണ്. "അങ്ങനെ പറയല്ലേ.. ഞാൻ അച്ഛനോട് പറഞ്ഞു കൊടുക്കും കേട്ടോ.. കാശ്യേട്ടൻ എന്നേ ഒറ്റയ്ക്ക് വിട്ടു ന്ന്. മ്മ്.. പറഞ്ഞോ.." അവളത് പറയില്ലെന്ന് അവനു നന്നായി അറിയാമല്ലോ.. "ആ ഓട്ടോ സ്റ്റാൻഡിൽ കുറെ വായി നോക്കികൾ ഉണ്ട് കാശ്യേട്ടാ.. എന്നേ കാണുമ്പോൾ അവർ ഓരോന്നു പറയും.. പിന്നെ വഴക്കാവും.. കാശ്യേട്ടൻ തന്നെ വരേണ്ടി വരും അത് തീർക്കാൻ.അത് കൊണ്ടല്ലേ.." അവസാന അടവ്.. അത് ഏറ്റു. കാശി അവിടെ നിന്നു. വാ അടച്ചു പൂട്ടി എനിക്കൊപ്പം വരാൻ പറ്റുവോ.." അവൻ ഗൗരവത്തോടെ ചോദിക്കുമ്പോൾ മുഖം വീർപ്പിച്ചു കൊണ്ടവൾ അതെ എന്ന് തലയാട്ടി അവനൊപ്പം നടന്നു.. പോകും വഴി തന്നെ അവനാ ബാഗ് കൂടി എടുത്തു. ഓട്ടോ സ്റ്റാന്റ് എത്തും വരെയും അവനെ നോക്കി.. ആ കാൽപാദങ്ങളെ പിൻപറ്റി കാർത്തികയവന്റെ കൂടെ നടന്നു.. കൊതിയോടെ. "കയറിക്കോ... ബാഗ് ആദ്യം വെച്ചു കൊടുത്തു കൊണ്ടവൻ പറയുമ്പോൾ വിട്ട് പോകാനുള്ള മടിയോടെ അവളാ കമ്പിയിൽ പിടിച്ചു കൊണ്ടവനെ നോക്കി.. "ഫോൺ വിളിച്ചാൽ എടുക്കണം.." പിന്നെയൊന്നും പറയാതെ.. ഒരു നോട്ടം പോലും പകരം നൽകാതെ തിരിഞ്ഞു പോകുന്നവന്റെ കയ്യിൽ പിടിച്ചു കൊണ്ടവൾ പതിയെ പറഞ്ഞു. 'എനിക്ക് വേറെ പണിയുണ്ട്. എനിക്കും വേറെ പണി ഇല്ലാത്തത് കൊണ്ടല്ല വിളിക്കുന്നത്. വല്ലാണ്ട് കാണാൻ തോന്നുമ്പോ ഈ സ്വരമെങ്കിലും കേട്ടു കൊണ്ടെന്റെ മനസ്സിനെ അടക്കി നിർത്താനാണ്.. അവൾക്കും ദേഷ്യം വന്നു. "എന്നേ വിളിക്കണ്ട.. ഞാൻ എടുക്കില്ല.. കാശി ഉറപ്പിച്ചു പറഞ്ഞു. "ഞാൻ വിളിക്കും.. എന്റെ ഫോണിൽ നിന്നും വിളിച്ചിട്ട് എടുത്തില്ലേ.. ആ ഹോസ്റ്റലിലെയും കോളേജിലെയും കുട്ടികളുടെ മൊത്തമുള്ള ഫോണിൽ നിന്നും ഞാൻ മാറി മാറി വിളിക്കും.. അവളും ഉറപ്പിച്ചു പറഞ്ഞു. "നിനക്ക് ഭ്രാന്താണ്.. അവനവളുടെ കൈ കുടഞ്ഞു മാറ്റി കൊണ്ട് പറഞ്ഞു. "അതേ.. നിങ്ങളോടുള്ള ഭ്രാന്ത്.. നിന്നെ സ്വന്തമായി കിട്ടും വരെയും മാറാത്ത ഭ്രാന്ത്." അവനെത്ര ദേഷ്യം കാണിച്ചിട്ടും അവളുടെ വാക്കിലെ ആർദ്രത.. തോറ്റത് പോലെ കാശി പിന്തിരിഞ്ഞു നടന്നു.. ആ പോക്ക് നോക്കി ഒന്ന് രണ്ടു നിമിഷം നിന്നിട്ട് കാർത്തികയും ഓട്ടോയിലേക്ക് കയറി.. അത് സ്റ്റാർട്ട് ചെയ്യുമ്പോൾ വെറുതെയോന്ന് പുറത്തേക്ക് തലയിട്ട് അവൾ നോക്കിയ നിമിഷം തന്നെയാണ് കാശിയും തിരിഞ്ഞു നോക്കിയത്.. തുടരും.. ഇനിയിപ്പോ ഈ നോട്ടത്തിൽ കയറി പിടിക്കേണ്ട.. എന്റെ ചെക്കന് ഓളെ ഇഷ്ടമല്ല ന്ന് പറഞ്ഞ.. ഇഷ്ടല്ല.. അത്ര തന്നെ 😎 പിന്നെ.. ഇത്രേം വിദ്യാഭ്യാസമുള്ള ഇവളെന്താ ഇങ്ങനെ എന്ന് തോന്നുന്നുണ്ടോ.. ഉണ്ടാവും.. എനിക്കറിയാം.നിങ്ങളെ എനിക്കറിയാലോ.. വിദ്യാഭ്യാസവും പെരുമാറ്റവും തമ്മിൽ പലപ്പോഴും ചന്തയിൽ നിന്നും കണ്ട പരിചയം പോലുമില്ല പിള്ളേരെ. അല്ലെങ്കിൽ പിന്നെ.. റാങ്ക് മേടിച്ച ഗ്രീഷ്മ ജൂസ് കൊടുക്കില്ലല്ലോ.. ഏത്.. ആ.. അത് തന്നെ.. വോകെ.. റിവ്യൂ ഇട്ടിട്ടു പോണേ. ഞാനിന്ന് പോസ്റ്റ്‌ ചെയ്യുന്നില്ല എന്നൊക്കെ കരുതി ഇരുന്നതാ.. അതിനും പറ്റുന്നില്ല.. നിങ്ങളൊക്കെ ആരൊക്കെയോ ആയി പോയില്ലേ.. ആ കാത്തിരിപ്പ് കാണാതെ പോകുന്നതെങ്ങനെ.. 😬 ലൈക്കും റിവ്യുവും ഇല്ലെങ്കിൽ പിന്നെ ഇതിവിടെ കൊണ്ട് വന്നിടണോ ന്നാ 🥴 സ്നേഹത്തോടെ.. നിങ്ങളുടെ സ്വന്തം jif❤️ #💞 പ്രണയകഥകൾ #📔 കഥ