#😱મેળામાં ઝૂલો પડ્યો અનેકો ઘાયલ, હરિયાણાના ફરીદાબાદમાં ચાલી રહેલા સૂરજકુંડ મેળામાં શનિવારે એક ઝૂલો તૂટી પડ્યો. આ દુર્ઘટનામાં એક પોલીસ ઇન્સ્પેક્ટરનું મૃત્યુ થયું, જ્યારે 13 લોકો ઘાયલ થયા. ઘાયલોની ખાનગી અને બાદશાહ ખાન સિવિલ હોસ્પિટલમાં સારવાર ચાલી રહી છે.ઘટના બાદ ડેપ્યુટી કમિશનર (DC) આયુષ સિન્હા ઘટનાસ્થળે પહોંચ્યા અને મેળાના મેદાનને ખાલી કરાવી દેવામાં આવ્યું. ઝૂલા પર 18 લોકો બેઠા હતા. ઘટનાનો એક વીડિયો પણ સામે આવ્યો છે, જેમાં ઝૂલો ઉપરથી નીચે આવતા તૂટી પડતો દેખાઈ રહ્યો છે. આ પછી મેળામાં લોકો આમતેમ ભાગવા લાગ્યા. પર્યટન મંત્રી ડો. અરવિંદ શર્માએ કહ્યું- “આ સમગ્ર મામલાની તપાસના આદેશ આપી દેવામાં આવ્યા છે.” જ્યારે CM નાયબ સિંહ સૈનીએ પણ કહ્યું કે “તમામ ઘાયલોને શ્રેષ્ઠ સારવાર પૂરી પાડવામાં આવી રહી છે.” 39મો ઇન્ટરનેશનલ સૂરજકુંડ ક્રાફ્ટ મેળો 31 જાન્યુઆરીએ શરૂ થયો હતો, તેનું ઉદ્ઘાટન ઉપરાષ્ટ્રપતિ સીપી રાધાકૃષ્ણન દ્વારા કરવામાં આવ્યું હતું. આ મેળો 15 ફેબ્રુઆરી સુધી ચાલશે. આમાં ભારતના 30 રાજ્યોના લગભગ 1150 કલાકારો ભાગ લઈ રહ્યા છે. સાથે જ 46 દેશોના કલાકારો પણ પહોંચ્યા છે. #આજના સમાચાર #તાજા સમાચાર #🔥 બિગ અપડેટ્સ #📽 લેટેસ્ટ અપડેટ વીડિયો