🍃🍃🌼🍃🍃 બાળ ચરીત્ર...ધ્યાન કરવાની રીત-૦૨          જે ભક્તજન પદ્મ ચિહ્નનું ધ્યાન કરે છે તો તે કમળના જેવા ગુણને પામે છે. તે કમળ જળમાં રહે છે તો પણ જળમાં પરાભવ નથી પામતું. તેમ તે ભક્તજન પણ સંસારરૂપી જળમાં ડૂબે નહીં. અને તેના નીચે અંકુશનું ચિહ્ન છે. અને જે ભક્તજન ધીરજથી અંકુશરૂપી ચિહ્નનું ધ્યાન કરે છે.તો તે ભક્તજન મનરૂપી હાથીને જીતીને વશ કરે છે અને તે ચરણની પાનીમાં અષ્ટકોણનું એક ચિહ્ન છે અને તે અષ્ટકોણરૂપી ચિહ્નનું ધ્યાન કરે તો તે અષ્ટાંગયોગનું ફળ પામે છે અને તે અષ્ટ આવરણને ભેદીને સુખરૂપ એવું જે શ્રીહરિનું અક્ષરધામ તેને પામે છે. અને તેની નીચે સ્વસ્તિકનું એક ચિહ્ન છે તે અતિ શોભાયમાન છે અને મંગલનું મૂળ છે. તેનું ધ્યાન કરનાર ભક્તનું સર્વે પાપ નાશ પામી જાય છે અને આત્યંતિક મોક્ષને પામે છે અને તે બે ચરણારવિંદની આંગળીઓના નખ રક્ત અને અતિ તેજસ્વી અને ઉપડતા છે અને તે બે ચરણની આંગળીઓના ઉપર ઝીણાં ઝીણાં રોમનાં ચિહ્ન છે અને જમણા અંગુઠાના નખ મધ્યે રક્ત રેખાનું એક ચિહ્ન છે અને અંગુઠાની બહારની પડખે નખની પાસે એક તલ છે અને અંગુઠાની પાસેની જે આંગળી તેનું જે અંગુઠાની કોરનું પડખું તેમાં એક તલ છે અને તે અંગુઠાને આંગળીને મધ્યે ચાખડીના ઘસારાનું એક શ્યામ ચિહ્ન છે. અને છેલી આંગળીમાં બહારની પડખે નખની પાસે એક તલ છે. અને તે ચરણની બહારની ઘૂંટીથી ઉપર આસનના ઘસારાનું એક શ્યામ ચિહ્ન છે અને તે ઘૂંટીથી ઉંચો પાંચ તસુ જંઘાને વિષે નાનો એક તલ છે અને બેચરણની બે પીંડીઓ અને જંઘાઓ તે ગોળ અને અતિ સુંદર અને ઉપર જતાં સ્થૂલ અને ધ્યેય છે અને બે જાનું અતિ ગોળ અને શોભાયમાન છે અને તે જાનુંને આગળને પડખે ઘસારાનું એક શ્યામ ચિહ્ન છે અને તે બે ઉરું તે કેળના સ્થંભ તથા હસ્તિની સૂંઢ સરખી અતિ શોભાયમાન છે અને તે તેજસ્વી અને ધ્યેય છે અને તેમાં જમણા ચરણની ઉરુની બહારની બાજુએ મોટું એક આંબલીના ખાંપાનું ચિહ્ન છે. અને ડાબા ચરણારવિંદનું તળુ તેમાં અંગુઠાની નીચે ફણામાં કળશનું એક ચિહ્ન છે અને જે ભક્તજન કળશરૂપી ચિહ્નનું ધ્યાન કરે છે તો તે ભક્ત જેમ કળશ શિખર ઉપર ચઢે છે તેમ સર્વોપરી જે શ્રીજી મહારાજનું અક્ષરધામ તેને પામે છે અને અંગુઠા પાસેની જે આંગળી તેની બન્ને બાજુથી નીકળી એવી જે ઉર્ધ્વરેખા તે પાનીની બે બાજુ નીકળી છે અને તે આંગળીઓની નીચે ફણામાં ઉર્ધ્વરેખામાં મળતું વ્યોમનું એક ચિહ્ન છે જે ભક્તજન તે વ્યોમના ચિહ્નનું ધ્યાન કરે છે તો તે ભક્ત અલૌકિક ભગવાનની પ્રસન્નતાનું કારણ જે નિષ્કામાદિક ગુણ તેને પામીને આકાશની પેઠે નિર્લેપ થઇને ભગવાનના અક્ષરધામને પામે છે. અને તે ચરણના ફણામાં તે ચિહ્નને મળતું અર્ધ ચંદ્રાકારે એક ચિહ્ન છે અને તે અર્ધચંદ્રરૂપ ચિહ્નનું જે ધ્યાન કરે છે તે ભક્તના અંતરમાં અતિશય પ્રકાશ થાય છે અને ચંદ્રને દેખીને જેમ કુમુદ પ્રફુલ્લિત થાય છે તેમ તે ભક્તનું મન અતિશે આનંદને પામે છે અને તે બે ચિહ્નની નીચે અને ઉર્ધ્વરેખાને મળતાં જોડ્યા જોડ્ય બે શ્યામ બિન્દુનાં ચિહ્ન છે. તેની નીચે ગોપદનું એક ચિહ્ન છે અને જે ભક્તજન તે ગોપદરૂપ ચિહ્નનું ધ્યાન કરે છે તો તે ભક્તજન ગોપદ તુલ્ય પરિશ્રમ વિના સંસારરૂપી સમુદ્રને તરી જાય છે.                          🍃🍃🌼🍃🍃 #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #🙏 સ્વામિનારાયણ મંદિર #અનાદિમુક્તરાજ શ્રી અબજીબાપા ##જય સ્વામિનારાયણ #✋ જય સ્વામીનારાયણ