దుర్గా.......!! రెండు అక్షరాల నామం. 'దుర్గాయై నమః' అని నమస్కరించాలి. దుర్గా = దుర్గాదేవి 'దుర్గముడు' అనే రాక్షసుని చంపిన అమ్మవారికి 'దుర్గా' అని పేరు వచ్చింది. "అమ్మల గన్న యమ్మ, ముగురమ్మల మూలపుటమ్మ, చాల పె ద్దమ్మ, సురారులమ్మ కడుపారడి పుచ్చిన యమ్మ, తన్ను లో నమ్మిన వేల్పుటమ్మల మనమ్ముల నుండెడి యమ్మ, దుర్గ మా యమ్మ కృపాబ్ధి నిచ్చుత మహత్త్వ కవిత్వ పటుత్వ సంపదల్" నా తల్లి దుర్గమ్మ అవతార విశేషమే ఒక మహా అద్భుతం లోకాలను రక్షించుటకు చిదగ్ని నుండి అవతరించిన అవతారం రాక్షస సంహారం చేసి తల్లిగా పాలించిన అవతారం.. దేవతలు నిత్యం కొలుచుకునే రూపం ఆమె చండి చాముండీ దుర్గ అంబ అంబికా జగత్ జనని లలితా పరబట్టారిక యొక్క విశ్వరుపమ్ దుర్గా అవతారం.. బుద్దిబలము, దేహబలము, ఆయుధబలము, మొదలైన బలాలు ఉండి ఎలాంటి శత్రువులైనా దాటశక్యము గాని వాడైన 'దుర్గ' - అనే రాక్షసుణ్ణి చంపి, దేవతలను కాపాడిన అమ్మవారికి 'దుర్గా' పేరు వచ్చింది. లోకాన్ని దుర్గతి నుండి కాపాడటానికి వెలసిన రూపం, దుష్ట సంహారం చేసి లోకకంఠకులను సంహరించి లోక శాంతిని కలిగించి ఆమె చేత మరణించిన వారుకి కూడా మోక్షాన్ని ప్రసాదించిన తల్లి. మన లోని “దుః” అనగా చెడ్డ స్వభావమును వెడలగొట్టి, దాటశక్యము కాని వానిని దాటించుచు, కష్టమైన కార్యములను సానుకూల పడునట్లు చేయు మనలోని - 'శక్తి స్వరూపిణి'. సృష్టినే కాదు త్రిమూర్తులు సైతం కష్ట కాలంలో స్మరించే నామం దుర్గా అవతారం. దుర్గలు మొత్తం 9 మంది వుంటారు. శైలపుత్రి, బ్రహ్మచారిణి, చంద్రఘంట, కూష్మాండ, స్కందమాత, కాత్యాయని, కాలరాత్రి, మహాగౌరి , సిద్ధిదాత్రి - ఈ తొమ్మిది మందిని 'నవదుర్గలు' అంటారు.(వీరంతా ఒక్కటే ఇన్ని అవతారాలలో దర్శనం ఇస్తారు). 9 సంవత్సరాల వయస్సుగల బాలికగా 'కుమారి దుర్గా' అనే పేరు అమ్మవారికి వుంది. ఈ దుర్గాదేవి బీజాక్షరం "దుం”. ఈ నామానికి ఈ క్రింది అర్ధాలు చెప్పుకోవచ్చును. 1) 'దుర్గము'డనే రాక్షసుణ్ణి సంహరించినది. 2) 'దుర్గ' అనే రాక్షసుని బారి నుండి దేవతలను రక్షించినది. 3) 9 సంవత్సరాల బాలికగా 'కుమారి దుర్గా' అని పిలువబడునది. 4) మనలోని చెడ్డతనమును వెడల గొట్టి, దాటశక్యము గాని వానిని దాటించి, కష్టమైన కార్యములను కూడా సానుకూల పడునట్లు చేయు మనలోని శక్తిస్వరూపిణి. ఫలస్తుతి: జీవితానికి సరిపడా బాధలు అనుభవిస్తుంటారు కొందరు అది కర్మ ఫలితం కావచ్చు , ఒకరి మోసానికి బలికావడం కూడా కర్మ, ఎటువంటి ఆపద, కష్టం , లో అయినా దాటించగల శక్తి వంతమైన తల్లి అవతారం ఒక ధైర్యం దుర్గా దేవి.. గ్రహ స్తితి ని మార్చ గల శక్తి ఈమకే ఉంది, గ్రహపీడా నివరణకు ప్రతి అష్టమి రోజు అమ్మవారిని పూజించాలి అలాగే మీ జన్మ నక్షత్రం రోజున దుర్గ గుడిలో అర్చన అభిషేకం, దీపాలు వెలిగించడం చేస్తే ఆ తల్లి అనుగ్రహము తో త్వరగా సమస్య తిరిపోతుంది. "ఓం దుం దుర్గాయై నమః", అలాగే "ఓం ఐం హ్రీం శ్రీo దుర్గాయై నమః" అనే మంత్రాన్ని లలితా సహస్త్ర నామం తో సంపుటికరణ చేసి శ్లోకము మొత్తం పారాయనఁ చేయడం అబ్భుతమైన ఫలితం ఇస్తుంది. ఇలా కనీసం మండలం రోజులు చేయాలి.. ప్రతి మంగళవారం, శుక్రవారం, ఆదివారం రోజు చేయవచ్చు, దుర్గా దేవికి అష్టమి రోజు పూజ విశేషం ఆదివారం అష్టమి , మంగళవారం అష్టమి రోజు కానీ కలసి వచ్చినప్పుడు ఇలా సంపుటికరణ చేసి కుంకుమ పూజ చేసి నిమ్మపండు, పులిహోర, నివేదన చేస్తే ఎంత దురదృష్టపరిస్థితులు అయినా ప్రమాదం నుండి అయినా రక్షించ బడతారు ,ప్రతి మాసం లో వచ్చే రెండు అష్టమి తిధిలలో కూడా విశేషంగా ఈ విధంగా సంపుటికరణ చేసి కుంకుమ పూజ చేసి ఈ మూల మంత్రం జపం ధ్యానం చేస్తే త్వరగా అమ్మవారి కరుణ లభిస్తుంది. మనసులో నిత్యం ఈ నామ జపం చేస్తూ ఉంటే ఆ తల్లి రక్షణ వలయం లాగా రక్షిస్తూ ఉంటుంది.. #శ్రీ కనక దుర్గ దేవి #కనక దుర్గమ్మ #విజయవాడ కనక దుర్గమ్మ #🔱విజయవాడ కనక దుర్గమ్మ #amma