#👩‍🍳 പാചകലോകം +-----+-----+-----+------+----+ *🌶️ ഇന്നത്തെ പാചകം 🍳* *മസാല ബ്രെഡ് റെസിപ്പി* +-----+----+-----+-----+-----+ ```ബ്രെഡ് ബാക്കി വന്നാൽ ഇനി മസാലകൾ ചേർത്ത് മറ്റൊരു വിഭവമാക്കാം ബ്രേക്ക്ഫാസ്റ്റോ ഡിന്നറോ ആകട്ടെ, ബ്രെഡ് ഉപയോഗിച്ച് വ്യത്യസ്ത രുചിയിൽ ഒരു വിഭവം തയ്യാറാക്കാം. ഇനി ഭക്ഷണം ആസ്വദിച്ചു കഴിക്കും. ``` ```ബ്രെഡ് ടോസ്റ്റ് ചെയ്യാം സാൻഡ്‌വിച്ച് തയ്യാറാക്കാൻ ഉപയോഗിക്കാം അതുമല്ലെങ്കിൽ ജാം പുരട്ടി കഴിക്കാം ഇവ മാത്രമാണോ നിങ്ങളുടെ മുമ്പിലുള്ള ഓപ്ഷൻ. ഈ രീതികളിൽ നിന്ന് വ്യത്യസ്തമായി ബ്രെഡ് ഉപയോഗിച്ച് ഒരു മസാല റെസിപ്പി ട്രൈ ചെയ്തോളൂ. ബ്രേക്ക്ഫാസ്റ്റാകട്ടെ സ്നാക്ക് ആയിക്കോട്ടെ കുട്ടികളെ പിടിച്ചിരുത്താൻ ഇതൊന്നു മതി. ``` ________________________ *ചേരുവകൾ* ________________________ _ബ്രെഡ്- 8 എണ്ണം_ _സവാള- 1 എണ്ണം_ _തക്കാളി- 1 എണ്ണം_ _ഇഞ്ചി വെളുത്തുള്ളി അരച്ചത്- 1/2 ടീസ്പൂൺ_ _പച്ചമുളക്- 2 എണ്ണം_ _മഞ്ഞൾപ്പൊടി- 1/4 ടീസ്പൂൺ_ _മുളകുപൊടി- 1/2 ടീസ്പൂൺ_ _തക്കാളി സോസ്- 3 ടേബിൾസ്പൂൺ_ _എണ്ണ- 3 ടേബിൾസ്പൂൺ_ _ഉപ്പ്- ആവശ്യത്തിന്_ _______________________ *തയ്യാറാക്കുന്ന വിധം* _______________________ ```ഏഴോ എട്ടോ ബ്രെഡ് ചെറിയ കഷ്ണങ്ങളായി മുറിക്കാം. ഒരു പാൻ അടുപ്പിൽ വച്ച് മൂന്ന് ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കുക. അതിലേക്ക് അൽപ്പം ജീരകം ചേർക്കാം. ഒരു സവാള ചെറിയ കഷ്ണങ്ങളായി അരിഞ്ഞതും, രണ്ട് പച്ചമുളക് അരിഞ്ഞതും ചേർത്തു വഴറ്റാം. സവാളയുടെ നിറം മാറി വരുമ്പോൾ ഒരു തക്കാളി കഷ്ണങ്ങളാക്കിയതു ചേർത്ത് വേവിക്കാം. പച്ചക്കറികൾ വെന്തു കഴിഞ്ഞ് കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ മുളകുപൊടി, മൂന്ന് ടേബിൾസ്പൂൺ തക്കാളി സോസും ചേർക്കാം. അൽപ്പം വെള്ളം ഒഴിച്ച് തിളപ്പിക്കാം. വെള്ളം തിളച്ച് കുറുകി വരുമ്പോൾ കുറച്ച് ഗരം മസാലയും ആവശ്യത്തിന് ഉപ്പും ചേർത്തിളക്കി യോജിപ്പിക്കാം. ഇതിലേക്ക് ബ്രെഡ് കഷ്ണങ്ങൾ കൂടി ചേർത്തിളക്കി അടുപ്പിൽ നിന്നും മാറ്റാം. ചൂടോടെ കഴിച്ചു നോക്കൂ.``` +----+-----+-----+-----+-----+