#PSSM World ರೀತಿಯ ಜನರು ಎಂದಿಗೂ ಯಶಸ್ವಿಯಾಗುವುದಿಲ್ಲ? ಯಶಸ್ವಿಯಾಗಲೂ ಏನೆಲ್ಲಾ ಮಾಡಬೇಕೋ, ಯಾವುದೆಲ್ಲ ರೀತಿಯಲ್ಲಿ ನಮ್ಮನ್ನು ನಾವು ದಂಡಿಸಿಕೊಳ್ಳಬೇಕೋ ಆ ರೀತಿ ಮಾಡದಿದ್ದಲ್ಲಿ ಯಶಸ್ವಿಯಾಗಲು ಅಸಾಧ್ಯ. ಸದಾ ಸೊಂಬೇರಿಯಾಗಿರುವುದು. ಕಾಲಹರಣ ಮಾಡುವುದು. ಯೋಜಿತ ರೀತಿಯಲ್ಲಿ ಕೆಲಸ ಮಾಡದೇ ಇದ್ದರೆ ಕೊನೆಗೆ ಕೆಲ್ಸದ ಹೊರೆ ಬಿದ್ದು, ಕೆಲಸದ ಉದ್ದೇಶವೂ ವ್ಯರ್ಥವಾಗುವುದರ ಜೊತೆಗೆ ಹೊರೆಯೊಂದಿಗೆ ಮಾಡುವುದರಿಂದ ತಕ್ಕುದಾದ ಫಲಿತಾಂಶ ಸಹ ಸರಿಯಾಗಿ ಸಿಗದೇ ಇರಬಹುದು. ಹಾಗೆಯೇ ಇನ್ನಿತರ ವಿಷಯಗಳೆಂದರೆ.. ಒಂದು ಗುರಿಯನ್ನು ಇಟ್ಟುಕೊಂಡು, ಅದಕ್ಕೆ ಬೇಕಾದ ರೀತಿಯಲ್ಲಿ ಕೆಲಸ ಮಾಡಬೇಕು, ಅದಕ್ಕೆ ಬೇಕಾದ ಕೌಶಲ್ಯಗಳನ್ನು ಬೆಳೆಸಿಕೊಂಡು, ಅದರ ವಿಭಾಗದಲ್ಲಿ ಸರಿಯಾದ ಜ್ಞಾನ ಬೆಳೆಸಿಕೊಳ್ಳಬೇಕು. ಇದಕ್ಕಾಗಿ ಸದಾ ತೆರೆದ ಪುಸ್ತಕವಾಗಿದ್ದು, ಸದಾ ಕಲಿಯುವ ಮನಸ್ಸನ್ನು ಹೊಂದಿರಬೇಕು . ಹಿರಿಯರ ಮಾತನ್ನು ಸದಾ ಪಾಲಿಸಬೇಕು. ಅವರ ಅನುಭವಗಳು ಬಹಳ ಮುಖ್ಯವಾಗಿದ್ದು, ಅವೇ ನಮಗೆ ದಾರಿ ದೀಪವಾಗುತ್ತದೆ. ಕೆಲವೊಂದು ಮುಂದಾಲೋಚನೆ ಸಹಾ ಕೆಲ್ಸಕ್ಕೆ ಬರುತ್ತದೆ. ಹಾಗೆಯೇ multi tasking ಗೊತ್ತಿದ್ದರೆ ಅದೂ ಸಹ ಒಳ್ಳೆಯದೂ. ಮೇಲಿನ ಎಲ್ಲಾ ವಿಷಯಗಳಿಗೆ ತದ್ವಿರುಧ್ದವಾಗಿರುವವರು ಎಂದಿಗೂ ಯಶಸ್ಸನ್ನು ಪಡೆಯಲು ಸಾಧ್ಯವಿಲ್ಲ.. ಆರೋಗ್ಯಕರ ಆಹಾರ ತಿನ್ನದೆ , ಹೊರಗಿನ ಆಹಾರ ತಿಂದುಕೊಂಡು ಕೊಬ್ಬು, ದೇಹ ಬೆಳಸಿಕೊಂಡು, ದುಂದು ವೆಚ್ಚ ಮಾಡುವುದೂ ಸಹ ಒಂದು ರೀತಿಯಲ್ಲಿ ಯಶಸ್ಸಿಗೆ ದೂರವಾಗಿರಿಸುತ್ತದೆ. ಶಿಸ್ತನ್ನು ಬೆಳೆಸಿಕೊಳ್ಳದೇ, ಸದಾ ಇನ್ನೊಬ್ಬರ ಮೇಲೆ ಅವಲಂಬಿತವಾಗಿರುವುದು, ಸದಾ ಮನೋರಂಜನೆಯಲ್ಲಿ ಮುಳುಗಿರುವುದು, ಇನ್ನೊಬ್ಬರ ಬಗ್ಗೆ ಯೋಚಿಸದೆ ತಮ್ಮ ಬಗ್ಗೆ ಮಾತ್ರ ಯೋಚಿಸುವುದು, ತಂದೆ ತಾಯಿಯ ಬಗ್ಗೆ ಗುರು ಹಿರಿಯರ ಬಗ್ಗೆ ಕಾಳಜಿ ವಹಿಸದೇ ಇರುವುದು ಇವೆಲ್ಲವೂ ಸೋಲಿಗೆ ಮೆಟ್ಟಿಲುಗಳಾಗಿವೆ.