అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Sunday, February 1 🌷🌷🌷 *''ప్రభువా, నేనేమి చేయవలెను?'' (అపొ.కా. 22:10).* కీర్తనలు 127:1,2లలో దేవుని మందిరమును మనము ఎట్లు కట్టగలమను రహస్యము గలదు. ''యెహోవా ఇల్లు కట్టించని యెడల దాని కట్టువారి ప్రయాసము వ్యర్థమే... మీరు వేకువనే లేచి చాలా రాత్రియైన తరువాత పండుకొనుట... వ్యర్థమే''. దేవుని నివాస స్థలము విషయమై మనకు రెండంతల బాధ్యత గలదు. మొదటి బాధ్యత, దానిని కట్టుటలో మనము దేవుని జతపనివారమైయున్నాము; రెండవది, ఆయన కట్టడములో సామాగ్రి అనగా, ''సజీవమైన రాళ్ల''గా ఉండి ఆయనచే కట్టబడుచున్నాము. మనము ఆయన తోటి జతపనివారముగా ఆయన ఇంటిని ఎట్లు కట్టుచున్నామని జాగ్రత్త వహించవలసి యున్నది. దానిని మానవ ఆసక్తి లేక జ్ఞానముతో కట్టలేము మరియు ఆ రీతిగా కట్టు పద్ధతికి వ్యతిరేకముగా హెచ్చరించబడుచున్నాము. ''మీరు వేకువనే లేచి చాలా రాత్రియైన తరువాత పండుకొనుట వ్యర్థమే''. మనము కేవలము దేవుని ఇంటిని ఆయన నమూనా ప్రకారము నిజమైన పునాదిపై, ప్రభువైన యేసుక్రీస్తు యొక్క శిరస్సత్వము క్రింద ఉండిద కట్టవలెను. ఈ పనిలో మన భాగమును కనుగొని, తీసికొనుటకు మనము నేర్చుకొనవలెను. మనము ఎన్ని బలహీనతలు, అనానుకూలతలు కలిగియున్నాము లేక ఎన్ని తలాంతులు కలిగియున్నామనునది దేవునికి అవసరము లేదు. మన భాగమును తీసికొనుటకు ఇష్టపడుచున్నామా? చిన్న విషయములలో సహితము ప్రభువైన యేసుక్రీస్తు యొక్క శిరస్సత్వము క్రింద ఉన్నామా? అనునదే అవసరము. మనము ఒక కార్యాలయము లేదా కర్మాగారములో పనిచేయునప్పుడు కొన్ని నిమిషములు బయటకు వెళ్ళగోరిన యెడల అధికారి నుండి అనుమతి తీసికొనవలెను. మనకందరికి అదే నియమము వర్తించును. నీవు ఎవరితో పనిచేయుచున్నావో వారితో సంప్రదించి, వారియొద్ద నుండి అనుమతి కోరుటకు నేర్చుకొనవలెను. అలాగే ప్రతి చిన్న విషయము కొరకు ప్రభువు యొద్దకు వెళ్లుటకుకూడా నేర్చుకొనవలెను. మనము దేవుని ఇంటిని మానవ నమూనా మీద లేదా మానవ కల్పిత పునాది మీద కట్టలేము. యేసుక్రీస్తు ప్రభువే మన పునాది. ఆయన మన శిల్పి, మన ఇంజనీరు, పని అంతటికి పర్యవేక్షకుడుగా కూడా ఉన్నాడు. కావున పని యొక్క ప్రతి స్థాయిలో ఆయన సలహాను అడుగవలెను. నీ ప్రణాళిక ఆయన పరలోక నమూనా ప్రకారము ఉన్నదా? నీవు కట్టుచున్నది సరియైన పునాది మీద ఉన్నదా? లేదా? అని ఆయనను సంప్రదించి, తెలిసికొనుము. నీవు తప్పుచేసిన యెడల ఆయన నీకు చెప్పును మరియు చూపించును. అది ఎంత చిన్న విషయమైనను లేదా అది నీకు అంత ప్రాముఖ్యమైనదిగా కనబడకపోయినను నీవు ఆయన సలహా తీసికొని, ఆయనకు లోబడినప్పుడు అది నీకును, ఆయనకును గొప్ప సంతోషముగా ఉండును. నీవు వెంటనే జవాబు పొందని యెడల, ఓపికతో వేచియుండుము. మరయిఉ రహస్యముగా లేదా కలిసి చేసిన ప్రార్థనకు జవాబుగా ఆయన తన నమూనాను నీకు బయలుపరచును. నీ స్వంత జ్ఞానము మీదనే ఆధారపడకుము. మనము ఆయన శిరస్సత్వము, ప్రభుత్వము క్రిందికి వచ్చి, ఆయన నమూనా ప్రకారము ఆయన పునాదిపై కట్టినప్పుడు ఇతరులకు ఆశీర్వాదకరముగా ఉండెదము. లేనియెడల మన ప్రయాస అంతయు వ్యర్థమగును. Download Daily Devotions by Brother Bakht Singh Mobile App, using link: https://rb.gy/iv32b1 #😇My Status #📀యేసయ్య కీర్తనలు🎙 Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com