#ఏపీ అప్ డేట్స్..📖 *పర్యవేక్షణ అధ్వానం.. ఏపీలో సర్వర్ డౌన్❗* APRIL 1, 2026💻⌨️ పన్నులు చెల్లించాలని మున్సిపాల్టీలకు వెళితే సర్వర్ డౌన్ కనిపిస్తోంది. భూముల్ని రిజిస్ట్రేషన్ చేయించుకున్న రైతులు మ్యుటేషన్ కోసం సచివాలయాలకు వెళితే.. సర్వర్ డౌన్ అనే మాటే వినిపిస్తోంది. మరోవైపు ఇంటర్నెట్కు ఏపీనే పుట్టినిల్లు అన్న బిల్డప్. మరోవైపు క్షేత్రస్థాయిలో వ్యహారం మాత్రం అందుకు విరుద్ధంగా వుంది. రాష్ట్ర వ్యాప్తంగా ప్రభుత్వ కార్యాలయాల్లో ప్రజలకు సంబంధించి ఏదైనా చేద్దామని అనుకుంటే సర్వర్ పని చేయడం లేదనే మాట వినిపిస్తోంది. దీంతో ఎన్నో వ్యయ ప్రయాసలకు ఓర్చి వెళ్లిన ప్రజలు ఉస్సూరుమంటూ తిరుగు ముఖం పట్టాల్సి వస్తోంది. అర్ధ గంట లేదా గంట సమయం వేచి చూస్తే సర్వర్ పని చేస్తుందనే ఆశతో ప్రజలు రోజంతా కాపలా కాసే పరిస్థితి. అయినా ప్రయోజనం లేకుండా పోతోంది. ప్రభుత్వ కార్యాలయాల్లో సర్వర్ పని చేయకపోవడం సంబంధిత అధికారులు ప్రత్యేక దృష్టి సారించాలి. ఎందుకంటే, పనులన్నీ మానుకుని ఎక్కడెక్కడి నుంచో రెవెన్యూ, రిజిస్ట్రేషన్, మున్సిపల్ కార్యాలయాలకు ప్రజలు వెళుతుంటారు. త్వరగా పనులు పూర్తి చేసుకుని వెళ్లాలని భావిస్తుంటారు. అయితే సర్వర్ పని చేయకపోవడంతో ఇతర పనులు కూడా ఆగిపోయే పరిస్థితి. దీంతో ప్రభుత్వాన్ని ప్రజలు తిట్టుకుంటున్నారు. ఎప్పుడో ఒకసారి సర్వర్ పని చేయలేదంటే అర్థం చేసుకోవచ్చు. ఎక్కువ సార్లు అదే సమస్య పునరావృతం అవుతున్నదంటే, పర్యవేక్షణ అధ్వానంగా వుందని అర్థం. ఈ తీరులో మార్పు రావాలి. తరచూ సర్వర్ పని చేయకుండా, మొరాయించడంపై దృష్టి సారించాలి. సంబంధిత నిపుణులతో సమస్యను పరిష్కరించేలా చర్యలు చేపట్టాలి. లేదంటే ప్రభుత్వానికే చెడ్డపేరు.