महादरवाजा जरी शिवनेरीचा असला तरी प्रसंग सिंहगडावर घडला होता. "जयजय रघुवीर समर्थ !" अरुणोदयाच्या पूर्वी थोडा वेळ सिंहगडाच्या कल्याण दरवाजावर वरील गंभीर शब्द ऐकू येताच पहारेकरी झटपट दरवाजा उघडण्याकरिता उठला. आवाजावरून रामदासस्वामीच आले आहेत, असे पहाऱ्यावर असणाऱ्या पहारेक-यांनी ओळखले. झटपट त्यांनी दरवाजा उघडला. दरवाजाबाहेर स्वामी उभे होते. पहारेकरीने स्वामिचरणांचे वंदन केले. परंतु नेहमीप्रमाणे स्वामीच्या मुखांतून आशीर्वाद उच्चार झाला नाही. तेव्हा तो वर मान करून स्वामींच्या मुखाकडे पाहू लागला. त्यावेळी स्वामी पूर्व दिशेकडे पाहात होते. क्षणभराने ते म्हणाले, "कायरे, दरवाजा उघडण्याची वेळ झाली काय ?" "थोडा अवकाश आहे स्वामी!" वंदन करीत पहारेकरी नम्रतेने म्हणाला, "सूर्योदयाला दरवाजा उघडण्याचा हुकूम आहे. पण स्वामींचा शब्द ऐकला म्हणूनच दरवाजा उघडला." "माझ्याकरिता तुझ्या धन्याने दरवाजा उघडण्यात अशी सवलत दिली आहे? "तसं नाही स्वामी !" "तसं नाही तर हा अन्याय नाही का झाला?" "पण स्वामी-" "पण आणि परंतु कशाला ?" किंचित् कठोर स्वरात समर्थ म्हणाले. "सूर्यास्ताला एकदा गडाचा दरवाजा बंद केल्यावर तो दुसऱ्या दिवशी सूर्योदयाला उघडवयचा असा हुकूम असता माझ्याकरिता का होईना पण दरवाजा उघडून तू अन्याय केलास. हा अन्याय लहानसहान नाही. हा गडाचा दरवाजा म्हणजे गडाचं तोंड तुझ्या विश्वासावर ठेवून तुझा धनी आत स्वस्थ आहे. अशा वेळी आपल्या बहिर्जीसारखा एखादा शत्रूचा चतुर हेर माझ्या आवाजासारखा शब्द-नाद करता तर तू आता उघडलास, तसाच दरवाजा उघडला असतास, खरं ना? आणि मग त्याचा काय परिणाम झाला असता बरं ? म्हणूनच म्हणतो की, तुझ्याकडून हा झालेला अन्याय फार मोठा आहे. तुझ्या धन्याला तुझा हा गाफीलपणा कळला तर तो तुला काय शिक्षा करील, असं तुला वाटतं? ह्या अपराधाला कडेलोटाशिवाय दुसरी शिक्षाच नाही!" "अन्याय झाला, कबूल करतो." स्वामींच्या चरणांवर पडून पहारेकरी दीन वदन करून म्हणाला, "स्वामींना शरण आलो आहे!"तर ?" "ऊठ! आणि सांगतो हे एकच वचन लक्षात ठेव, धन्याने एकदा दिलेला हुकूम पाळण्यात स्वामिनिष्ठ सेवकाला स्वतःच्या प्राणांचीही किंमत वाटत नाही. हे विसरू नकोस!" इतकेच बोलून स्वामी पुढे निघाले. शिवरायांचे कैसे चालणे। शिवरायांचे कैसे बोलणे॥ याची प्रचिती वरच्या प्रसंगातून लक्षात येत, महाराजांनी प्रत्येक गडाची व्यवस्था इतकं कडक ठेवली होती की गणीमाला चुकून दरवाजा पर्यंत येता आलं तरी तो आत कधीच प्रवेश करू शकणार न्हवता....! श्रीशिवजन्मभूमी शिवनेरी, पुणे #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त #🙏शिवदिनविशेष📜