#🌻आध्यात्म 🙏 #💐संत महंत🙏 #✍️भक्ती संदेश . . ll ज्ञानेश्वरीतील ज्ञानामृत चिंतन ll . ************** . ब्रह्मवस्तूचे ज्ञान होण्याला असे अनेक उपाय आहेत आता तुला या सर्वांचे सार जे सिद्धांत तत्त्व नवनीत सांगतो त्यायोगे तुला अर्जुना सहज अनुभव येऊन स्वतःच ब्रह्मस्वरूप होण्यास प्रयास पडणार नाहीत. म्हणूर तुझ्या बुद्धीचा निश्चय करून देऊन मतवादाचे खंडण करून शुद्ध सिद्धांततत्त्वाचे तुला निवेदन करू. ************************************************* . म्हणौनि ते बुद्धी रचु l मतवाद हे खांचू l . सोलीव विवंचू l फलितार्थूचीं ll **************[ ज्ञानेश्वरी-१३/१०५०]**************** . ------- llअर्थ ll ------ . म्हणून तुझ्या बुद्धीचा निश्चय करून देऊन, मतवादांचे खंडण करून, शुद्ध सिद्धांत तत्त्वाचे निवेदन करू. . ----ll चिंतन ll--- . पुरुषाचे स्वरूप कसे आहे हे सांगताना भगवंत म्हणतात, 'या देहाच्या ठिकाणी असलेल्या परपुरुषाला उपद्रष्टा, अनुयंता, मर्ता, भोक्ता व महेश्वर असे म्हणत असून त्यालाच परमात्मा असेही म्हणतात. याप्रमाणे पुरुष व गुणांसहवर्तमान प्रकृती जो जाणतो, तो कसा का असेना त्याला पुन्हा जन्म येत नाही. काही लोक ध्यानाच्या योगे बुद्धीच्या ठिकाणी परमात्म्याची स्वस्वरूपाने भावना करतात तर दुसरे सांख्ययोगाने अवलोकन करतात व काही कर्मयोगाने त्याला पाहतात आणि 'जे मंदबुद्धी पुरुष परमात्मा जाणण्यास असमर्थ आहेत ते सज्जन पुरुषाच्या वाक्याबा विश्वास ठेऊन माझी उपासना करतात. तेही जन्म मृत्यू तरून जातात म्हणजे त्यांना मोक्ष प्राप्त होतो.' . ज्ञानेश्वर महाराज म्हणतात, 'ब्रह्मवस्तूचे ज्ञान होण्याला असे अनेक उपाय आहेत आता तुला या सर्वांचे सार जे सिद्धांत तत्त्व नवनीत सांगतो त्यायोगे तुला अर्जुना सहज अनुभव येऊन स्वतःच ब्रह्मस्वरूप होण्यास प्रयास पडणार नाहीत. म्हणूर तुझ्या बुद्धीचा निश्चय करून देऊन मतवादाचे खंडण करून शुद्ध सिद्धांततत्त्वाचे तुला निवेदन करू. पाण्यावर जशा लाटा उत्पन्न होतात तसे क्षेत्र व क्षेत्रज्ञ याच्च संबंधाने सर्व सृष्टीची उत्पत्ती होते असे समज.' . ll राम कृष्ण हरी, माऊली ll