#📜 સ્પેશ્યલ સ્ટોરી #✍️ જીવન કોટ્સ #👌 જીવનની શીખ #😇 પ્રેરણાત્મક વિચાર #મોટિવેશન 💪 એક વાયરલ વીડિયોમાં પથારી પર પડેલા હરીશના કપાળ પર એક મહિલા ચંદનનું તિલક કરતી જોવા મળી રહી છે. તેમના ચહેરા પર હળવી સ્મિત છે, પરંતુ આંખોમાં ઊંડો દર્દ સાફ દેખાઈ રહ્યો છે. મહિલા પ્રેમથી તેમના માથા પર હાથ ફેરવતા કહે છે, "બધાને માફ કરીને... બધાની માફી માંગીને હવે જાઓ." આ છેલ્લી વિદાયની ક્ષણ પરિવાર અને પડોશીઓ માટે ખૂબ જ ભાવુક રહી. અનેક લોકોની આંખો ભીની થઈ ગઈ. ગાઝિયાબાદના રાજનગર એક્સટેન્શનમાં રહેતા 32 વર્ષીય હરીશ રાણાને સુપ્રીમ કોર્ટના ઐતિહાસિક ચુકાદા બાદ દિલ્હીની AIIMS હોસ્પિટલમાં ખસેડવામાં આવ્યા છે. છેલ્લા 13 વર્ષથી પથારીવશ હરીશ માટે કોર્ટે 'પેસિવ યુથેનેશિયા' (નિષ્ક્રિય ઈચ્છામૃત્યુ) ની મંજૂરી આપી છે. એમ્સ શિફ્ટ થતા પહેલા હરીશનો તેના ઘરેથી અંતિમ વિદાયનો એક 22 સેકન્ડનો વીડિયો સામે આવ્યો છે, જે પથ્થર દિલના માણસને પણ રડાવી દે તેવો છે. વીડિયોમાં હરીશની માતા તેના કપાળ પર ચંદનનો ટીકો લગાવી રહી છે અને માથા પર હાથ ફેરવતા ધ્રુસકે ને ધ્રુસકે રડતા કહે છે, "બધાને માફ કરતા અને બધાની માફી માંગતા હવે તું જા..." હરીશ રાણા 2013માં ચંદીગઢમાં બીટેકનો અભ્યાસ કરતી વખતે ચોથા માળેથી પડી ગયા હતા, જેના કારણે તેમને 100% ક્વોડ્રિપ્લેજિયા (ચારેય અંગોનો લકવો) થયો હતો. ત્યારથી તેઓ શ્વાસ માટે ટ્રેકિયોસ્ટોમી અને ખોરાક માટે નળી પર નિર્ભર હતા. માતા-પિતાએ 13 વર્ષ સુધી દીકરો સાજો થશે તેવી આશામાં પોતાની તમામ મિલકત વેચી દીધી, પરંતુ સ્થિતિમાં કોઈ સુધારો ન થયો. હરીશ માત્ર પોતાની આંખો પટપટાવી શકતો હતો, બાકી આખું શરીર નિષ્પ્રાણ હતું. પુત્રને પળ-પળ તડપતો જોઈ લાચાર માતા-પિતાએ ભારે હૈયે કોર્ટ પાસે તેના મોતની માંગણી કરી હતી. AIIMSમાં હવે ડોક્ટરોની ટીમ ધીમે-ધીમે હરીશના જીવન રક્ષક ઉપકરણો હટાવશે, જેથી તેને કુદરતી રીતે આ અસહ્ય પીડામાંથી મુક્તિ મળી શકે. આ કેસ ભારતમાં કાયદાકીય રીતે મંજૂર થયેલો પ્રથમ કિસ્સો છે, જેણે માનવીય સંવેદના અને કાયદા વચ્ચેની એક મોટી ચર્ચા જગાવી છે.