#🙏शिवदिनविशेष📜 #आजचे_ऐतिहासिक_दिनविशेष #३१_मार्च_१६५९ ( ५८-५९ ) राजे शिवरायांनी इ.स.१६५९ मध्ये किल्ले खेळणा जिंकला व याचे नामकरण केले विशाळगड🚩 विशाळगड हा मराठ्यांच्या देदीप्यमान इतिहासातील एका अचाट पराक्रमाचा साक्षीदार आहे आणि तो म्हणजे छत्रपती महाराजांची आदिलशाही सरदार सिद्दी जौहर याने टाकलेल्या पन्हाळगडाच्या वेढ्यातून सुटका ! आणि यासाठी अवघे मूठभर मावळे घेऊन कित्येक तासांहूनी अधिक काळ हजारोंच्या फौजेला गजापूरच्या खिंडीत थोपवून धरणारे वीररत्न बाजीप्रभु आणि बांदल देशमुखांच्या अद्वितीय पराक्रमाचा ! नंतर छत्रपती शिवाजी महाराजांच्या मृत्यूनंतर छत्रपती संभाजीराजांनी विशाळगडावर बराचसा काळ व्यतीत केला. त्यांनी या किल्ल्याची डागडुजी तसेच पुनर्बांधणीकडे विशेष लक्ष दिले म्हणूनच आज आपल्याला विशाळगड हा किल्ला दिसत आहे. (पण आजची विशाळगडाची दुर्दशा पाहवत नाही. किल्ल्यावरील अनधिकृत बांधकामे पाहून मनात अतीव वेदना होतात व संताप सहन होत नाही 🙇) 🚩🏇🚩 #३१_मार्च_१६६५ मिर्झाराजे जयसिंह व दिलेरखान पठाण पुरंदरच्या पायथ्याशी येऊन दाखल. इतिहास प्रसिद्ध पुरंदरचा वेढा सुरु. मिर्झाराजे जयसिंह या आपल्या बलाढ्य सेनापतीला त्याने शिवरायांवर धाडले. त्याच्या सोबतीला दिलेरखान हा आपला विश्वासू सरदार दिला. अलोट खजिना आणि अफाट दारूगोळाही बरोबर दिला. जयसिंह आणि दिलेरखान प्रचंड फौजेसह दक्षिणेत येऊन पोहचले. स्वराज्यावर फार मोठे संकट आले. पुरंदर हा शिवरायांचा प्रचंड व बळकट किल्ला होता. हा किल्ला घेतल्याशिवाय शिवरायांचा बिमोड होऊ शकणार नाही, हे दिलेरखान जाणून होता. त्यामुळे दिलेरखानाने पुरंदरला वेढा दिला. शके १५८७ म्हणजेच १६६५ मध्ये औरंगजेबाने शिवाजी महाराजांच्या बंदोबस्तासाठी आपले वयोवृद्ध पण अनुभवी सरदार मिर्झाराजे जयसिंह ह्यांस ८० हजाराची फौज आणि दिलेरखान पठाणास पाच हजार पठाणांची फौज देऊन महाराष्ट्रात पाठविले आणि मिर्झाराजांनी ३१ मार्च १६६५ रोजी पुरंदर किल्ल्याला वेढा घातला. 🚩🏇🚩 #३१_मार्च_१६८४ १६८४ च्या सुरुवातीस मोगल सरदार मामूरखान याने सुपे, बारामती आणि इंदापूर येथे मुघली ठाणी स्थापन केली. १३ फेब्रुवारी १६८४ रोजी शहाजादा आलम आणि त्याचा मुलगा बेदारबख्त यांना बादशहाने बहादूरगडाकडे रवाना केले. ३१ मार्च रोजी शहाबुद्दीन ऊर्फ गाजिउद्दीन हा पुणे आणि करडे निमोणे या प्रदेशाकडे रवाना झाला. 🚩🏇🚩