#ओम श्री नवनाथाय नमः #ओम शिवगोरक्ष #!! ओम चैतन्य मच्छिन्द्रनाथाय नमः !! #ओम चैतन्य कानिफनाथाय नमः #गोरक्षनाथ वाणी भगवान आदिनाथ- #गुरु_गोरक्षनाथांच्या_वाणीतून महायोगी गुरु गोरक्षनाथांच्या ‘#सिद्धसिद्धान्तपद्धती’ या अतुल्य ग्रंथानुसार ब्रम्हांड व्यवस्थेच्या अनुरूप परमात्मा शिवाला आठ दिव्य रूपांनी प्रगट झालेले सांगितले आहे. भगवान आदिनाथांना इथे महासाकार पिण्ड शिव रूपांत आठ मूर्तिमध्ये प्रस्तुत केले आहे. 1- शिव, 2- भैरव, 3-श्रीकंठ, 4- सदाशिव, 5- ईश्वर, 6-रुद्र, 7-विष्णु तथा 8-ब्रम्ह. याचप्रकारे भगवान शिव हे समस्त ब्रम्हांडाच्या कार्य पूजन, पालन आणि विनाशाचे संपादन करताना प्रतीत होतात. नाथकुळाचे अर्थात नाथ-संप्रदायाचे गुरु आदिनाथ शिव आहे; हे जरी अनंत सत्य असले तरी समस्त जगताच्या अनंत प्राणिमात्रांचे देखील ते आदिगुरू आहेत. आदिनाथ भगवान शिवाद्वारे प्रकाशित #योगज्ञान हेच आदि म्हणजे प्रथम योगशास्त्र आहे. इथे हे पण लक्षांत घेणे प्रस्तुत होईल की भगवान गुरु गोरक्षनाथजी हे स्वत: भगवान आदिनाथांचे अवतार आहेत. या भुमंडलावर ९९ कोटी राजा आणि असंख्य जीव हे याच शिवगोरक्षांचे शिष्य आहेत. #हठयोगाचे मूल प्रणेता भगवान शिव आहेत. #योगबीज या ग्रंथामध्ये भगवती माता शक्ति-पार्वती ने प्रश्न केल्यावर ज्या योगमार्गाचे वर्णन श्रीदेव आदिनाथांनी केले तोच मार्ग म्हणजे नाथ-मार्ग अथवा ‘सिद्धामृत’ म्हणून प्रचलित आहे. #गोरक्षपद्धती नामे ग्रंथांत गुरु गोरक्षनाथांच्या मते ‘योगशास्त्र’ हे भगवान आदिनाथांच्याच मुख-कमलातून नि:सृत झाले आहे. #गोरक्षसिद्धान्तपद्धती या ग्रंथाच्या मते अद्वैताच्या वर वर्तमान तथा साकार-निराकाराच्या देखील पलीकडे निराकार असे “ज्योति-स्वरूप नाथतत्व” असून त्यातून साकार नाथ आणि पार्वतीपति भगवान शंकर प्रगट आहेत. #नाथनिरंजन #आदेश