🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని నివాసము యొక్క మర్మములు Tuesday, February 17 *''అభిషేక తైలమునకును, పరిమళ ద్రవ్యముల ధూపమునకును సుగంధ సంభారములు'' (నిర్గమ 25:6).* అభిషేక తైలమునకు ప్రత్యేకమైన సుగంధ ద్రవ్యములు వాడబడినవి. నిర్గమ. 30:22-33 చదువుము. ఈ తైలము పరిశుద్ధాలయములోను, పరిశుద్ధాలయములో సేవ చేయువారి నిమిత్తము మాత్రమే వాడవలెను మరియే ఇతర ఉద్దేశ్యమునకును దానిని వాడకూడదు. గోపరసము, లవంగపట్ట, నిమ్మగడ్డి నూనె, ఒలీవనూనె మున్నగు పరిమళ ద్రవ్యములు ఈ తైలమును సిద్ధపరచుటకై వాడిరి. పరమగీతము నాల్గవ అధ్యాయము పన్నెండు నుండి పదహారు వచనములలో సంఘము పరిమళ వృక్షములు గల జటామాంసి, నిమ్మగడ్డి మొదలగు పరిమళ తైలవృక్షము లన్నియు ఒకే ఉద్యానవనము నందు మొలచుచున్నవని ఊహించుము. జాగ్రత్తగా పెంచిన తరువాత పువ్వులు పూయసాగును. ఉత్తర, దక్షిన వాయువులు వీచుట కారంభించగా ఈ సుగంధ పుష్పముల పరిమళము వనమంతటను వ్యాపించును. ఈ సువాసన వనమందు తిరుగుచున్నవారికి మహానందము కలిగించును. ''నా ప్రియుడు ఉద్యానవనమునకు వేంచేయునుగాక తన కిష్టమైన ఫలముల నతడు భుజించును గాక'' (పరమగీతము 4:16) అని పెండ్లికుమార్తె పాడినట్లు నీవు ప్రభువైన యేసుక్రీస్తుకు పాడగలవా? ''నా హృదయమనెడి పరిమళ తైలవృక్షముల ఉద్యానవనమునకు రమ్ము ప్రభువా'' అని నీవు పాడగలవా? దేవుని మహిమపరచునట్టి జీవితము జీవించని యెడల నీలోనుండి ఏ పరిమళతైల ద్రవ్యముల సువాసనయు ఆయనకు వీచదు. అయితే ఆయనను సంతోష పరచునట్టి జీవితము నీవు జీవించిన యెడల నీ హృదయము ఆయనకు ఆనందము కలిగించును. 1కొరింథీ 3:9లో మనము దేవుని వ్యవసాయము (దేవుని తోట) అని వ్రాయబడినది. 2కొరింథీ 2:14-16లలో మనము దేవునికి క్రీస్తు సువాసనయై యున్నామని వ్రాయబడియున్నది. మన ప్రభువైన యేసుక్రీస్తు మన హృదయములనెడి తన ఉద్యానవనముల యందు విహరించునప్పుడు మన జీవితములలోని పరిమళ ద్రవ్య సువాసనలు ఆయనను తృప్తి పరచవలెను. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com