నిత్యం మనము చేసే దేవపూజలో మంగళద్రవ్యాలలో పుష్పాలు ముఖ్యమైనవి.
మంత్రశాస్త్రం ప్రకారము పుష్పాలు ఐదు రకాలు. పరా, అపరా, ఉత్తమ, మధ్యమ, అధమ అని పువ్వులను విభజించారు.
బంగారు పువ్వులను పరా పువ్వులుగా,
చిత్రవస్త్రపువ్వులను అపరా పువ్వులుగా చెప్పారు.
వృక్ష పువ్వులను ఉత్తమ పువ్వులన్నారు.
ఫలమున్నవి(పండ్లతో కూడినవి) మధ్యమగా, జలాధుల పువ్వులు అధమము.
ఇయ్యబడినవి, విడిపడినవి పనికిరావు.
పరా-అపరా పువ్వులు సర్వదా యోగ్యమే.
ఒకసారి వాడినవి మరోమారు వాడకూడదు.
తెలుపు, నల్ల తులసీ, ఎరుపు కమలము, ఎర్ర గన్నేరు, పసుపు పూలు పూజకు శ్రేష్ఠము.
నాగచంప( లిల్లీ తరహా పూలు), బిల్వపుష్పము, గులాబీ, చంపా, పారిజాత, గోరింట మొదలైనవి సుగంధితము, మరియు సుందరమైనవి వాడవచ్చు.
నీళ్ళ లో పడినని, చిరిగినవి, భూమి మీద పడినవి, పురుగులు తిన్నవి, వాసన చూసినవీ దేవుడికి సమర్పించరాదు.
ఒకసారి సమర్పించినవి మరొకసారి వాడరాడు.
(చలిప్రాంతాలలో మన తెలుగునాట కూడా బిల్వం కడిగి తిరిగి సమర్పిస్తారు. అలా 15 రోజులు వాడవచ్చని పెద్దల ఉవాచ)
మరువము, కల్హారము, విష్ణుకాంత, అపామార్గ(ఉత్తరేణి) గాంధారీ, సురభీ, నాగవల్లీ, దుర్వారము, ధాత్రీపత్రం పనికివస్తాయి.
విష్ణువు మీద అక్షింతలు చల్లరాదు. వినాయకుడికి తులసి సమర్పించరాదు. (వినాయకచవితి నాడు కొందరు సమర్పిస్తారు). దుర్గామాతకు దుర్వారము పనికిరాదు. సూర్యానికి బిల్వము, నందివర్ధనము కూడదు.
గణపతికి, సూర్యునికీ ఎర్రని పువ్వులు ప్రీతి.
కాళీమాత పూజకు ఎరుపు పువ్వ వాడాలి.
అధోముఖంగా పువ్వులు సమర్పించకూడదు.
లక్షపువ్వులు, లక్షబిల్వము సమర్పించేటప్పుడు ఒక్కో పువ్వూ సమర్పించాలి. కుప్పలా పొయ్యరాదు.
దేవతకు అంగాంగ పూజ చేసేటప్పుడు ఆ దేవత అంగములను ఊహిస్తూ ఆ పువ్వులు అక్కడ పెడుతున్నట్లుగా భావన చేస్తూ పూజిస్తే అంగ పూజ చివరన దేవత మంత్రశరీకముతో మీ ముందే కూర్చొని ఆ పూజను స్వీకరిస్తుంది.
మూల మంత్రముతో చేసిన ఫలము అధికమన్నారు.
శారద తంత్రం, ప్రపంచసార తంత్రము, నారదపంచరాత్రములో ఈ వివరాలు పొందపరిచారు.
నేటికీ తెలుగులో ఈ గ్రంథం అలభ్యము.
పుష్పం పత్రం ఫలం తోయమన్నారు పెద్దలు.
పుష్పం భగవంతుని సేవించటానికి ఉత్తమమైనది.
మరి ఆ పుష్కం దొరకనప్పుడు హృదమనే అనాహతమును పుష్పంగా ఆ దేవదేవునికి సమర్పించాలి.
అసలు చెయ్యవలసినది ముందు ఇదే.
ఈ హృదయపుష్పం నీ పాదాలకు అర్పిస్తున్నాను ఈశ్వరీ! మొదలెట్టాలి.
ఎందుచేతనంటే, ఈ పువ్వులనిచ్చిన ఈశ్వరికి మనం తిరిగి అవే సమర్పిస్తున్నాము కదా. కాని దానికి మన ప్రేమ,భక్తి అన్న ద్రవ్యంను అద్ది సమర్పించటమే ఉత్తమమైన పుష్ప సమర్పణ.
మరొకమారు మరో సేవ గురించి చర్చించుకుందాము.
అంత వరకూ అనాహత మహాపద్మ మందిరములో నిలచిన ఈ జగదంబ కు సర్వం సమర్పయామి.
#తెలుసుకుందాం
