ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6zOEnG9?d=n&ui=v64j8rk&e1=c UNDER WORLD = CHAPTER - 15 ============================ ഒരു ഞെട്ടലോടെ നവോമിയും, അലനും, അലക്‌സും അവളെയും സ്ക്രീനിലെ ആളെയും സൂക്ഷിച് നോക്കി...! "അലൻ ഡോക്ടറെ... ഒരു ആക്സിഡന്റ് കേസ് വന്നാൽ അവരെ ഇവിടെ എത്തിക്കുന്നവരുടെ പേരും ഡീറ്റൈൽസും രേഖപെടുത്തില്ലേ...?" "തീർച്ചയായും... അതെന്താണെന്ന് നമുക്ക് നോക്കാം." "രണ്ടാമത് അയാൾ വന്നപ്പോൾ 'മുന്ന' എന്നാണ് പേര് പറഞ്ഞത്." കമ്പ്യൂട്ടർ മോണിറ്ററിൽ കണ്ണുകൾ പായിക്കുന്നതിനിടയിൽ കിരൺ പറഞ്ഞത് കേട്ട് അലക്സ് അവളെ ഒന്ന് നോക്കിയ ശേഷം ചെയറിൽ നിന്നും ചാടി എഴുന്നേറ്റു...! "എന്താ ഡോക്ടർ...?" ആകാംഷയോടെയുള്ള നവോമിയുടെ ചോദ്യം കേട്ട് അലക്സ് സിസ്റ്റത്തിലേക്ക് ഒന്നുകൂടി നോക്കി...! "ഇവിടെ നൽകിയിരിക്കുന്ന പേരും 'മുന്ന' എന്ന് തന്നെയാണ്." "ങേ... അതെങ്ങനെ ഒരേ കാറിൽ വന്നിറങ്ങിയ രണ്ട് വ്യക്തികൾക്ക് ഒരേ പേരോ...?" അലൻ ചോദിച്ച ചോദ്യം കേട്ട് വിശ്വസിക്കാൻ കഴിയാതെ ഓരോരുത്തരും മുഖത്തോട് മുഖം നോക്കി...! 'One Man In Two Face.' മറ്റുള്ളവർ പറയുന്നത് ശ്രദ്ധിക്കാതെ കിരണിന്റെ മനസ്സിൽ അപ്പോഴും മുന്ന മാത്രമായിരുന്നു...!!! MYSTERY CONTINUE =================== "മൂസ ഇക്കാ... അയാൾ വിളിച്ച ആ നമ്പർ എനിക്കൊന്ന് വാട്സ്ആപ്പ് ചെയ്യണം." "ശെരി മോളെ." "ആ പിന്നെ... അയാൾ വന്നിറങ്ങിയ ആ കാറിന്റെ നമ്പർ ആരുടെ പേരിൽ ഉള്ളതാണെന്നും അറിയണം." "ഇത് രണ്ടും എത്രയും വേഗം കണ്ടെത്തി ഞാൻ മോളെ വിളിക്കാം... എന്നാൽ ഞാൻ അങ്ങോട്ട്...?" "മം... ശെരി." കൂടുതലൊന്നും ആരോടും സംസാരിക്കാൻ നിൽക്കാതെ കിരൺ സെക്യൂരിറ്റിയെയും കൂട്ടി തിരികെ റൂമിലേക്ക് തിരിച്ചെത്തി...! "എന്തായി ചേച്ചീ...?" തന്നെ കണ്ടതും ആകാംഷയോടെയുള്ള ജുവലിന്റെ ചോദ്യം കേട്ട് യാതൊരു ഭാവമാറ്റവും ഇല്ലാതെ സെക്യൂരിറ്റിയുടെ സഹായത്തോടെ കിരൺ വീണ്ടും കട്ടിലിലേക്ക് കയറി...! "മൂസാക്ക പറഞ്ഞത് സത്യമാണ്... നമ്മളെ ഇവിടെ എത്തിച്ച ആളും, ഫയൽ തിരികെ നൽകാനായി രണ്ടാമത് വന്ന ആളും തികച്ചും വ്യത്യസ്‍തരാണ്, പക്ഷെ അവർ വന്ന വാഹനവും... ഉപയോഗിച്ചിരുന്ന മൊബൈലും... പറഞ്ഞിരിക്കുന്ന പേരും ഒന്ന് തന്നെ...?" കിരൺ പറഞ്ഞത് കേട്ട് ജുവലിന്റെ കണ്ണുകൾ അറിയാതെ മിഴിച്ചു...! "നമ്മളെ ആരായിരിക്കും ജുവൽ അപായപ്പെടുത്താൻ ശ്രമിച്ചത്...? നമ്മൾ ഹൈ റേഞ്ച് റോഡിൽ ഉണ്ടെന്ന് അവർ എങ്ങനെ കൃത്യമായി മനസിലാക്കി...? അത്രയും വലിയ കൊക്കയിലേക്ക് പതിച്ച നമ്മളെ എങ്ങനെ ആയിരിക്കും അയാൾ രക്ഷിച്ചത്...? അയാൾ ശെരിക്കും ആ കഥ എഴുതിയ മുന്ന തന്നെയാകുമോ...? അതോ മറ്റാരെങ്കിലും...?" ഒരല്പം ആലോചനയോടെ കിരൺ ഒന്ന് നിർത്തി...! "അല്ല ജുവൽ... നമ്മൾ എന്തിനാണ് ഇപ്പോ മുന്നയെ പറ്റി അന്വേഷിക്കുന്നത് അല്ലെ...? അയാൾ ആരായാലും നമ്മുടെ ജീവൻ രക്ഷിക്കുകയല്ലേ ചെയ്തത്, നമ്മുടെ ജീവനെടുക്കാൻ നോക്കിയവരെപ്പറ്റി ഇപ്പോ അന്വേഷിച്ചാൽ പോരെ...?" "ഞാനും ഇത് ചോദിക്കാൻ തുടങ്ങുകയായിരുന്നു, നമ്മൾ ഹൈറേഞ്ചിൽ ഉണ്ടായിരുന്നു എന്നറിയാവുന്ന രണ്ടേ രണ്ട് പേർ ഒന്ന് മൂസാക്കയും മറ്റൊന്ന് ചേച്ചിയുടെ ടീച്ചറും ആണ്. അലക്സ് എന്ന പേരുള്ള ഡോക്ടറെ ഇവിടെ കണ്ടതോടെ ടീച്ചറിന്റെ മേലും ആ ഡോക്ടറുടെ മേലും എനിക്ക് ചെറിയ സംശയം തോന്നുന്നുണ്ട് ചേച്ചീ." ജുവലിന്റെ സംശയങ്ങൾ കിരൺ നല്ലപോലെ ഒന്ന് ആലോചിച്ചു...! "നീ പറഞ്ഞത് ശെരിയാണ്... പക്ഷെ എനിക്കൊരു സംശയം, നമ്മൾ തറവാട്ടിൽ പോയത് ആരെങ്കിലും ശ്രദ്ധിച്ചിട്ട് അവിടുന്നും ഫയലുകളുമായി വെളിയിൽ വരുന്നതോ, അല്ലെങ്കിൽ നമ്മൾ അവിടുന്നും തിരിച്ച ശേഷം അകത്തു കയറിയ ആരെങ്കിലും അലമാരയുടെ അടിയിലെ അറ കണ്ടെത്തുകയും അവിടെ ഫയൽ ഉണ്ടായിരുന്നതും മനസിലാക്കിയെങ്കിൽ അയാളിലൂടെ ഹൈറേഞ്ചിൽ നമ്മൾ ഉള്ള കാര്യം അറിഞ്ഞുകൂടേ...?" ഓപിയം ഫാർമിംഗിന്റെ ഫയൽ തുറന്നുകൊണ്ട് കിരൺ പറഞ്ഞ കാര്യം ശെരിയാണെന്ന് ജുവലിനും തോന്നി...! "ചേച്ചീ പറഞ്ഞതിലും കാര്യമുണ്ട്... പക്ഷെ എനിക്കെന്തോ ടീച്ചറിനെയും ആ അലക്സ് ഡോക്ടറെയും സംശയം തോന്നുന്നുണ്ട്." "ഒരു മിനിറ്റ് ജുവൽ... ഞാൻ ഈ ഫയൽ ഒന്ന് നോക്കട്ടെ." "ശെരി ചേച്ചീ." ========================================= OPIUM FARMING IN MALWA ========================== ഉഷ്ണമാഭിനിയിൽ ചൂടുയരുന്ന മയക്കത്തിന്റെ രാജാവ് വരവറിയിക്കുന്ന കാലം, മയക്കുമരുന്നുകളുടെ തല തൊട്ടപ്പൻ എന്നറിയപ്പെടുന്നത് കാബേജ് ഇനത്തിൽ പെടുന്ന കറുപ്പ് ചെടിയാണ്, ബ്രിട്ടിഷുകാർ ഇതിനെ 'അടിമക്കൃഷി' എന്നാണ് വിളിച്ചിരുന്നത്. ഏഷ്യയിൽ ബ്രിട്ടീഷുകാരാണ് കറുപ്പ് കൃഷി ആരംഭിച്ചത്, 18 ആം നൂറ്റാണ്ടിൽ ചൈനയിലെ ഇറക്കുമതി നിരോധനം രക്തച്ചൊരിച്ചിലായ കാലം മയക്കുമരുന്നിന് അടിമപ്പെട്ട ഒരു കൂട്ടം ജനതയെ തടയാൻ ആദ്യമായി ചൈന കറുപ്പ് നിരോധിച്ചു. അവിടെ നിന്നും നാല് വർഷം ചൈനയും ബ്രിട്ടനും തമ്മിലുള്ള കറുപ്പ് യുദ്ധത്തിൽ ചൈന ബ്രിട്ടനോട് അടിയറവ് പറഞ്ഞത് ചൈനയിൽ മാത്രമല്ല ഏഷ്യയിലും കറുപ്പ് കൃഷി വ്യാപകമാക്കി. 19 ആം നൂറ്റാണ്ടിന്റെ ആദ്യ ദശകങ്ങളിൽ മധ്യ ഇന്ത്യയിൽ ആദ്യമായി കറുപ്പിന്റെ വിത്ത് എറിഞ്ഞു, അന്ന് മുതൽ തുടർന്ന് വന്ന ആചാരം പിന്നീട് പാരമ്പര്യ കൃഷിയായി മാറി... ശേഷം സർക്കാർ അംഗീകാരത്തോട് കൂടെ തന്നെ പുതു തലമുറയും കറുപ്പ് കൃഷിയുടെ കങ്കാണികളായി മാറി. "നവംബർ മാസത്തിൽ കറുപ്പ് ചെടി നട്ടാൽ വെറും മൂന്നു മാസം കൊണ്ട് ഫെബ്രുവരിയോടെ കറുപ്പ് പൂക്കും, പിന്നീട് ദിവസങ്ങൾക്കുള്ളിൽ വെള്ളപ്പൂക്കൾക്ക് ഇതൾ കൊഴിയും, അതിന് ശേഷം താമര മൊട്ട് പോലെ 'പോപി' എന്നറിയപ്പെടുന്ന കറുപ്പിന്റെ കായുടെ പിറവി, അവിടെ നിന്നും വെറും മൂന്ന് ആഴ്ചകൊണ്ട് മൂപ്പെത്തുന്ന കായുടെ പുറം തൊലിയിൽ ബ്ലേഡ് കൊണ്ട് നേർമയോടെ വരഞ്ഞ ശേഷം പുറത്തേക്ക് ഊറി ഒലിക്കുന്ന, പിങ്ക് നിറത്തോട് കൂടിയ, മത്ത് പിടിപ്പിക്കുന്ന ഗന്ധമുള്ള കറ. ആ കറ ചുരണ്ടി എടുത്ത് വെയിലത്തിട്ട് ഉണക്കുന്നതാണ്... മസ്തിഷ്കത്തെയും നാഡികളെയും തളർത്തുന്ന മയക്കുമരുന്നുകളുടെ രാജാവായ കറുപ്പ്." പോപിക്കകത്തെ കറുത്ത തരികൾ സുഗന്ധ വ്യഞ്ജനമായ "കസ്കസ്", കൂടാതെ പോപി അരച്ച് കലക്കി നീരെടുത്താലും ലഹരി തന്നെയാണ്... പക്ഷെ പോപിയുടെ കറയോളം നാഡി വ്യൂഹത്തെ അത് ബാധിക്കില്ല. മാത്രമല്ല മരുന്ന് കമ്പനികൾക്ക് ഒഴിച്ച് കൂടാൻ സാധിക്കാത്ത "മോർഫിൻ" കറുപ്പ് ചെടിയിൽ നിന്നും ഉല്പാദിപ്പിക്കുന്നതാണ്... അതുകൊണ്ട് മാത്രമാണ് ഗവണ്മെന്റ് അംഗീകൃതത്തോടെ കറുപ്പ് കൃഷി ഇന്ത്യയിൽ നടപ്പിലാക്കുന്നത്. കറുപ്പ് ചെടിയിൽ നിന്ന് ഗവൺമെന്റിന് ആവശ്യമായ വസ്തുക്കൾ വേർതിരിച്ചെടുത്ത ശേഷം, മാൾവയിൽ നിന്നും കറുപ്പിന്റെ കായിലെ ലഹരിയുടെ തമ്പുരാനെ കൊണ്ടുപോകുന്നത് ഡ്രഗ്ഗുകളുടെ ആസ്ഥാനമായ കരിഞ്ചന്ത (BLACK MARKET) ആയ "വാ" എന്ന സ്ഥലത്തേക്കാണ്... ഗൂഗിളിൽ പോലും സെർച്ച്‌ ചെയ്താൽ വിവരങ്ങൾ ലഭ്യമാകാത്ത നിഗൂഢവും, ഇല്ലീഗൽ ആക്ടിവിറ്റികളും, മാത്രം അരങ്ങേറുന്ന "വാ" എന്താണ് "വാ" ============ ഒറ്റ വക്കിൽ പറഞ്ഞാൽ ലോകത്തിലെ ഏറ്റവും ദുരൂഹമായ സ്ഥലം എന്ന് "വാ"യെ വിശേഷിപ്പിക്കാം, മ്യാന്മറിനും ചൈനക്കും ഇടയിലുള്ള വന്യമായ പ്രദേശം ആണ് ഇത്, മ്യാന്മറിന്റെ അതിർത്തിക്കുള്ളിലാണ് വാ സ്ഥിതി ചെയ്യുന്നത് എങ്കിലും സ്വയം ഭരണം ആണ് ഇവിടെ നിലവിലുള്ളത്... ആയതിനാൽ തന്നെ മ്യാന്മർ സർക്കാരിനോ... അവിടുത്തെ പട്ടാളത്തിനോ ഈ പ്രദേശത്തേക്ക് പ്രവേശനം ഇല്ല. നിയമ വിരുദ്ധ പ്രവർത്തനങ്ങൾ ഇത്ര പരസ്യമായി അരങ്ങേറുന്ന മറ്റൊരു മേഘല ലോകത്ത് വേറെ എവിടെയും കണ്ടെത്താൻ കഴിയില്ല. മയക്കു മരുന്നുകളുടെയും, ആയുധങ്ങളുടെയും ഏറ്റവും വലിയ ഉത്പാദനം "വാ"യിൽ നിന്നും ആയതിനാൽ പുറത്ത് നിന്നുള്ള ഒരു മനുഷ്യ ജീവിക്കും ഇവിടേക്ക് പ്രവേശനം ഇല്ല, മറ്റുള്ള എല്ലാ മനുഷ്യരും ഇവരുടെ കണ്ണുകളിൽ ചാരന്മാർ ആണ്. മ്യാന്മറിനകത്താണ് "വാ" എന്ന സ്ഥലം സ്ഥിതി ചെയ്യുന്നത് എങ്കിലും അവിടുത്തെ ജനതക്ക് ചൈനയോടാണ് കൂറ് കൂടുതൽ... അതിനാൽ തന്നെ ലോകം ഭയക്കുന്ന മയക്കു ഗുളികയായ "മെത്തഫെറ്റമിനും" മനുഷ്യനെ മൃഗമാക്കി മാറ്റുന്ന "ഫ്ലാക്ക" എന്ന ഡ്രഗ്ഗും ചൈന വഴിയാണ് മറ്റുള്ള രാജ്യങ്ങളിലേക്ക് എത്തി ചേരുന്നത്. അതിൽ തന്നെ പ്രധാനപെട്ട രാജ്യങ്ങളിൽ ഒന്നാണ് ഇന്ത്യയും, ഇന്ത്യയിലെ തന്നെ നമ്മുടെ ഈ കൊച്ചു കേരളവും. ഫ്ലാക്കയും, കറുപ്പും, സ്പൈസും, മാമ്പയും കൂട്ടിച്ചേർത്ത് രൂപപ്പെടുത്തുന്ന മനുഷ്യ മസ്തിഷ്കത്തെ കാർന്നു തിന്നുന്ന ഭീകര ഡ്രഗ്ഗ് ആണ് "സോംബി ഡ്രഗ്ഗ്." വെറും 10 ml അകത്തു ചെന്നാൽ ഏത് മനുഷ്യൻ ആയാലും അവൻ മൃഗമായി മാറിയിരിക്കും... ഡ്രഗിന്റെ അളവ് കൂടുന്നതിനനുസരിച് ചുറ്റുപാടുള്ളതെല്ലാം ഭീകര രൂപികളും, വിരൂപികളും ആയി തോന്നും എന്നത് ജീവൻ പോലും നഷ്ടപ്പെടാനുള്ള സാധ്യതയിൽ കൊണ്ടെത്തിക്കുന്നു. ZOMBY DRUG FORMULA ====================== OPIUM + ATROPINE SULFATE + BENZOIC ACID + CAMPHOR + PECTIN + C21-H25-N-05 + C34-H28-N2-O10-S + C6-H5-C-O-O-H + C10-H16-0 + C12-H16-O13-2 = """ZOMBY DRUG""" ========================================= "വെറുതെ അല്ല ഈ ഫയലിന് വേണ്ടി ഇത്രയും വർഷങ്ങളായിട്ടും അവർ തിരച്ചിൽ തുടരുന്നത്." ഓപിയം ഫാർമിംഗിന്റെ ഫയൽ അടച്ചു വെച്ച് ഒരു ദീർഘ നിശ്വാസം എടുത്ത ശേഷം കിരൺ പറഞ്ഞത് കേട്ട് ജുവലിന് ഒന്നും മനസിലായില്ല...! "എന്താ ചേച്ചീ... അത്രക്കും ഭീകരമാണോ അതിലുള്ള കാര്യങ്ങൾ...?" "എന്തോ... മനുഷ്യ ജീവനെ അപഹരിക്കുന്ന സോംബി ഡ്രഗ് ഉണ്ടാക്കുന്ന ഫോർമുലയും... അതിന് ആവശ്യമായ കറുപ്പ് ചെടിയുടെ കായിൽ നിന്നും എടുക്കുന്ന ലഹരി മരുന്നിനെ പറ്റിയൊക്കെ പറയുന്നു, പിന്നെ ജീവിതത്തിൽ ഇതുവരെ കേൾക്കാത്ത ഭീകര നഗരമായ 'വാ'യെ പറ്റിയൊക്കെ വിശദമായി പറഞ്ഞിട്ടുണ്ട്." "സോംബി ഡ്രഗോ...? ഈ ഡ്രഗ് അല്ലെ സ്വപ്നത്തിൽ എനിക്ക് തന്നതായും അളവിൽ കൂടുതൽ ആയതിനാൽ ചുറ്റുമുള്ളതെല്ലാം ഭീകരമായി തോന്നി ഭയം കൊണ്ട് ഞാൻ കെവിനെ കൊലപ്പെടു." ജുവൽ ആകാംഷയോടെ പറഞ്ഞു തീരുന്നതിനു മുൻപേ കിരണിന്റെ ഫോൺ റിങ് ചെയ്തു...! "ഒരു മിനിറ്റ് ജുവൽ... മൂസാക്കയാണ്." "മം." ആ ഫയൽ ഒന്നെടുത്തു തരാൻ കൈകൊണ്ട് ആംഗ്യം കാണിച്ച ശേഷം ജുവൽ ഒന്ന് മൂളിയതും... കോൾ അറ്റൻഡ് ചെയ്ത് കിരൺ ചെവിയോട് ചേർത്തു...! "ഹലോ ഇക്കാ... വണ്ടി നമ്പറിന്റെ അഡ്രസ് കിട്ടിയോ...?" "ആം കിട്ടി മോളെ... അത് പറയാനാ ഞാൻ വിളിച്ചത്, അയാൾ വന്ന കാറിന്റെ അഡ്രെസ്സ് ബോബി എന്ന ആളുടെ പേരിലും... അയാളുടെ ഫോൺ നമ്പർ അലക്സ് എന്ന പേരിലും ആണ്." "ബോബിയോ...?" ഫയൽ എടുത്ത് ജുവലിന്റെ നേരെ അവൾ എറിഞ്ഞതും ഡോർ തുറന്ന് നവോമി അവിടേക്ക് വന്നു...! "അതെ മോളെ... ബോബി. മോളറിയുമോ അയാളെ...?" "അങ്ങനെ ഒരാളെപ്പറ്റി ഞാൻ കേട്ടിട്ട് പോലും ഇല്ല ഇക്കാ... ഹലോ... ഇക്കാ... കേൾകുന്നില്ലല്ലോ." "ഹലോ മോളെ... എനിക്ക് കേൾക്കാം. മോൾക് കേൾക്കു." "ഇക്കാ... കേൾക്കുന്നില്ല ഞാൻ വിളിക്കാം." കിരൺ നവോമിയെ കണ്ടതും മൂസ കേൾക്കാം എന്ന് പറയുന്നതിനിടയിൽ തന്നെ കേൾക്കുന്നില്ല എന്ന് പറഞ്ഞുകൊണ്ട് അവൾ കോൾ കട്ട് ആക്കിയ ശേഷം വാട്സ്ആപ്പ് ഓപ്പൺ ചെയ്ത് മൂസക്ക് മെസേജ് ടൈപ്പ് ചെയ്തു...! "ഇക്ക പറയുന്നത് എനിക്ക് കേൾക്കാം... പക്ഷെ ഇവിടെ ഇപ്പോ ഈ കാര്യം പറയാൻ പറ്റിയ സാഹചര്യം അല്ല." "എന്നാ ഓക്കേ മോളെ... മോള് ഫ്രീ ആകുമ്പോൾ വിളിച്ചാൽ മതി." മൂസയുടെ മറുപടി വായിച്ച ശേഷം കിരൺ നവോമിയെ നോക്കി...! "മൂസക്ക ആ കാറിന്റെ അഡ്രെസ്സ് കണ്ട് പിടിച്ചു... ഏതോ ഒരു ബോബിയുടെ പേരിൽ ഉള്ള വണ്ടിയാണെന്നാണ് അറിയാൻ കഴിഞ്ഞത്." അവൾ പറഞ്ഞത് കേട്ടുള്ള നവോമിയുടെ ആലോചന കണ്ടതും കിരൺ വീണ്ടും ഫോണിലേക്ക് നോക്കി...! "ഇക്കാ... ഈ അലക്സ് എന്ന അഡ്രെസ്സിലുള്ള ആൾ അൽപനേരം മുൻപ് നമ്മുടെ കൂടെ ഉണ്ടായിരുന്ന ആളാണോ...?" മെസ്സേജ് ടൈപ്പ് ചെയ്ത് അയച്ച ശേഷം അവൾ വീണ്ടും നവോമിയെ നോക്കി...! "എന്താ ടീച്ചർ ആലോചിക്കുന്നത്...?" "അല്ല കിരൺ... ഈ ബോബി എന്ന് പേരുള്ള ആളെപ്പറ്റി ആലോചിക്കുവായിരുന്നു." "അങ്ങനെ ആരെയെങ്കിലും ടീച്ചറിന് അറിയാമോ...?" "ഒരു പിടിയും കിട്ടുന്നില്ല കിരൺ... ഒരു മിനിറ്റ് ഞാൻ ഇപ്പോ വരാം." വന്നത് പോലെ തന്നെ നവോമി വെളിയിലേക്ക് ഇറങ്ങിയതും കിരൺ വീണ്ടും തന്റെ ഫോണിൽ മൂസയുടെ മറുപടി നോക്കി...! "അതെ മോളെ... ആശുപത്രിയിൽ ഉണ്ടായിരുന്ന ഡോക്ടർ അലക്സിന്റെ അഡ്രസ് തന്നെ ആണ് അത്." മെസ്സേജ് കണ്ട് എന്തോ ആലോചിച്ചു കണക്ക് കൂട്ടിയ ശേഷം കിരൺ മൂസയുടെ നമ്പറിലേക്ക് കോൾ ചെയ്തു...! "ഇക്കാ... ഞങ്ങൾ ഇപ്പോ ഡിസ്ചാർജ് വാങ്ങി ഇറങ്ങും, സഹായത്തിന് രണ്ട് പൊലീസുകാരെ വീട്ടിലേക്ക് അയക്കണം. ഞങ്ങളെ കൊല്ലാൻ നോക്കിയവരുടെ വിവരങ്ങൾ ആശുപത്രിയിലുള്ളവർക്ക് മനസിലാകാത്ത വിധം നമ്മളെ അറിയിക്കാൻ വേണ്ടി ആകാം ഇത്രെയും ദൂരെ ഉള്ള ആശുപത്രിയിൽ മുന്ന എത്തിച്ചതും, രണ്ട് വ്യക്തികളെ ഒരേ കാറിൽ ഒരേ നമ്പർ ഉപയോഗിച്ച് ഇക്കയുടെ അടുത്തേക്ക് അയച്ചതും. സത്യം മനസിലായ സ്ഥിതിക്ക് ഇനിയും ഇവിടെ നിന്നാൽ ശെരിയാകില്ല." ഇതേ സമയം ഫയൽ വായിച്ചു കഴിഞ്ഞ ജുവൽ അതിശയത്തോടെ കിരണിനെ നോക്കികൊണ്ടിരുന്നു...! "ഓക്കേ... മോള് ആശുപത്രിയിൽ നിന്നും ഇറങ്ങുമ്പോൾ എന്നെ വിളിച്ചാൽ മതി... പൊലീസുകാരെ ഞാൻ വീട്ടിലേക്ക് അയച്ചേക്കാം." "ഓക്കേ ഇക്കാ." കോൾ കട്ട്‌ ആക്കിയതും കിരൺ ജുവലിനെ നോക്കി...! "എന്താ ഇങ്ങനെ കണ്ണ് മിഴിച്ചിരിക്കുന്നത്...?" "ഫോർമുല എഴുതിയിരിക്കുന്നതിന്റെ താഴെ ആയിട്ടുള്ള അഡ്രെസ്സ് ചേച്ചി കണ്ടില്ലായിരുന്നോ...?" "അഡ്രസോ...? ഇല്ല ശ്രദ്ധിച്ചില്ല." "SHALOM PHARMA, ERNAKULAM DIST, SHIVAPURAM STREET, OFFICE - 04842833453, GABRIEL - 9746799919" അഡ്രെസ്സ് വായിച്ചു കഴിഞ്ഞതും നവോമി വീണ്ടും അവരുടെ അടുത്തേക്ക് എത്തി...! "വേറെ കുഴപ്പം ഒന്നും നിങ്ങൾക്കില്ല അതുകൊണ്ട് ഇന്ന് ഡിസ്ചാർജ് ചെയ്യാം എന്നാണ് അലക്സ് പറഞ്ഞത്." 'ഞാൻ ചോദിക്കാൻ ഇരുന്ന കാര്യം മുൻകൂട്ടി അറിയിച്ചിരിക്കുന്നു.' "കിരൺ എന്താ ആലോചിക്കുന്നത്...?" നവോമിയുടെ ചോദ്യം കേട്ട് അവൾ ഒന്ന് ചിരിച്ചു...! "അല്ല ടീച്ചർ... ഇവിടെ കിടക്കാൻ എനിക്കും ഒരു താല്പര്യം ഇല്ല, അലക്സ് ഡോക്ടറോട് ഡിസ്ചാർജ് തരാമോ എന്ന് ചോദിക്കാൻ ഇരുന്നതാ ഞാൻ." "അതേതായാലും നന്നായി... എന്നാൽ കുറച്ചു നേരം കൂടി വെയിറ്റ് ചെയ്യ്, പോകാനുള്ള കാര്യങ്ങൾ തയ്യാറാക്കിയിട്ട് ഞാൻ വരാം." "ഓക്കേ ടീച്ചർ." ചിരിച്ചുകൊണ്ട് തിരിഞ്ഞ ശേഷം... സാവധാനം നവോമി ഡോറിനരികിലേക്ക് നടന്നു, എന്തൊക്കെയോ ചിന്തകൾ അവളുടെ മനസിനെ കീഴ്പെടുത്തിയിട്ടുണ്ട് എന്ന് ആ കണ്ണുകളിൽ നിന്നെ വായിച്ചെടുക്കാൻ കഴിയും... ഡോർ തുറന്ന് വെളിയിലേക്ക് ഇറങ്ങിയ നവോമിയുടെ മുഖം കോപം കൊണ്ട് ചുവന്ന് തുടുത്തു, നടത്തത്തിന്റെ വേഗത കൂടുന്നതിനനുസരിച് അവളുടെ ശ്വാസ ഗതിയും വർധിച്ചുകൊണ്ടേ ഇരുന്നു. ആ ഇടനാഴിക്ക് അങ്ങകലെയായി അലക്സ് എന്ന് എഴുതിയിരിക്കുന്ന റൂമിന്റെ ഡോർ തുറന്ന് നവോമി അകത്തേക്ക് കയറിയതും കിരണിന്റെയും ജുവലിൻെറയും മുറിയിലെ സംസാരം അതിനകത്തു അലയടിച്ചു കേൾക്കാമായിരുന്നു, ഡോറിന്റെ വലത് വശത്തായി മെഡിക്കൽ ബുക്കുകൾ അടുക്കി വെച്ചിരുന്ന ഷെൽഫിൽ നിന്നും ചെറിയൊരു പൊതി എടുത്ത് അലക്സ് ഇരുന്നതിന്റെ എതിർ വശത്തെ കസേരയിൽ നവോമി ഇരുന്നു...! "ആ നായിന്റെ മക്കൾ എല്ലാം മനസിലാക്കി എന്ന് തോനുന്നു." കിരണിന്റെ റൂമിൽ വെച്ചിരുന്ന മൈക്കിൽ നിന്നും അവരുടെ ശബ്ദം അലക്സിന് മുന്നിലെ ലാപ്ടോപ്പിൽ കൂടി വെളിയിലേക്ക് വന്നു...! "ഗബ്രിയേൽ എന്ന പേര് കൂടി കണ്ടതോടെ നമ്മൾ സ്വപ്നത്തിൽ കണ്ട എല്ലാവരും യഥാർത്ഥ ജീവിതത്തിൽ നമ്മുടെ മുന്നിൽ തന്നെ ഉണ്ട്." ജുവൽ പറഞ്ഞതിന് മറുപടിയായി കിരണിന്റെ ശബ്ദം കേൾക്കാതെ വന്നതും കയ്യിലിരുന്ന കവർ പൊട്ടിച്ച് അകത്തുനിന്നും വെളുത്ത നിറത്തിലുള്ള പൊടി അല്പം എടുത്ത് നവോമി ടേബിളിന് മുകളിൽ വിതറി, ശേഷം വലതു ചൂണ്ടുവിരലിൽ അല്പം പൊടി ഒപ്പിയെടുത്ത് നാവ് നീട്ടി കണ്ണുകളടച്ചു നക്കി. നവോമിയുടെ നാവിൽ അലിഞ്ഞു ചേർന്ന സോംബി ഡ്രഗ് അവളുടെ രക്തത്തിൽ കലർന്നതും ചുവന്ന് തുടുത്ത കണ്ണുകൾ മെല്ലെ തുറന്ന് ടേബിളിന് മുകളിലെ ഡ്രഗിലേക്ക് മുഖം ചേർത്ത് ആഞ്ഞു വലിച്ച് അകത്തേക്ക് കയറ്റി...! "ബോബിയെ വിളിക്ക്... ഇന്ന് തന്നെ രണ്ടിനെയും പരലോകത്തേക്ക് പലായനം ചെയ്യിക്കണം, ഒരു തവണ മിസ്സ്‌ ആയതുപോലെ ഇനി സംഭവിച്ചാൽ സ്വയം ജീവനൊടുക്കിക്കോളാൻ പറഞ്ഞേക്ക് രണ്ടിനോടും അല്ലെങ്കിൽ ഓവർ ഡോസിൽ രണ്ടിനും ഡ്രഗ് നൽകി പരസ്പരം കൊല്ലിക്കുമെന്നും പറയണം." ===== WAIT FOR THE NEXT കണ്ണൂർകാരൻ 🌹🌹🌹🌹🌹🌹 #🧟 പ്രേതകഥകൾ! #📔 കഥ #🕵️‍♀️ കുറ്റാന്വേഷണ കഥകൾ #📙 നോവൽ #✍ തുടർക്കഥ