ജനകീയ ഭരണനിർവ്വഹണത്തിൽ രാജ്യത്തിന് തന്നെ മാതൃകയായ കേരളത്തിന്റെ മുന്നേറ്റത്തിന് കരുത്തേകുന്ന ഒരു നാഴികക്കല്ല് കൂടി പിന്നിടുകയാണ്. സംസ്ഥാന സർക്കാരിന്റെ സേവനങ്ങൾ സുതാര്യമായും വേഗത്തിലും ഓരോ പൗരന്റെയും വിരൽത്തുമ്പിൽ എത്തിക്കുന്നതിനായി വിഭാവനം ചെയ്ത 'നമ്മുടെ കേരളം' മൊബൈൽ ആപ്പും വെബ് പോർട്ടലും മുഖ്യമന്ത്രി സ. പിണറായി വിജയൻ നാടിന് സമർപ്പിച്ചു. ജനന സർട്ടിഫിക്കറ്റുകൾ മുതൽ ക്ഷേമ പെൻഷനുകൾ വരെ നൂറ്റിമ്പതിലധികം സേവനങ്ങൾ ഇനി ഒരൊറ്റ പ്ലാറ്റ്‌ഫോമിലൂടെ ജനങ്ങൾക്ക് പ്രാപ്യമാകും. അപേക്ഷകൾ സമർപ്പിക്കാനും ബില്ലുകൾ അടയ്ക്കാനും പരാതികൾ നൽകാനും പദ്ധതികളുടെ നിർവ്വഹണത്തിൽ പങ്കാളികളാകാനും സാധിക്കുന്ന ഈ സംവിധാനം, സർക്കാർ ഓഫീസുകൾ കയറിയിറങ്ങാതെ തന്നെ സേവനങ്ങൾ നേടാൻ പൊതുജനങ്ങളെ പ്രാപ്തരാക്കും. #🆕 ലേറ്റസ്റ്റ് അപ്ഡേറ്റ്