✍️ ४ फेब्रुवारी १६७० तानाजी मालुसरे नी कोंढाणा घेतला आणि त्याच महिन्यात म्हणजे आजच्या दिवशी सोयराबाई यांच्या पोटी राजाराम राजांचा जन्म झाला. छत्रपती शिवाजी महाराजांच्या नंतर ज्येष्ठ पुत्र संभाजी महाराजांनी १६ जानेवारी १६८१ रोजी विधिवत स्वत:चा राज्याभिषेक करून घेतला. संभाजींराजांनी आपल्या हातात सर्व सूत्रे घेतल्यानंतर राजाराम महाराज रायगडावर नजरकैदेत होते. मोगलांकडून ११ मार्च १६८९ रोजी छत्रपती संभाजी महाराजांची निर्घृण हत्या करण्यात आली. त्यानंतर राजाराम महाराजांचा मंचकारोहणविधी रायगडावर पार पडला. संभाजी महाराजांच्या मृत्यूनंतरच्या कठीण परिस्थितीत मराठ्यांचे नेतृत्व करण्याची जबाबदारी छत्रपती राजाराम महाराजांकडे आली. संभाजीराजांच्या मृत्यूनंतर रायगडास मोगल सेनापती जुल्फिकारखान याने वेढा दिला. त्यामुळे गडावरील राजकुटुंबीयांची अवस्था बिकट बनत चालली होती. अशा अवस्थेत सर्वांनी एकत्र राहणे धोक्याचे आहे, हे ओळखून राणी येसूबाईंनी राजाराम महाराजांना गडाबाहेर पडण्याचा व शत्रूशी जसा जमेल तसा मुकाबला करण्याचा सल्ला दिला. तेव्हा राजाराममहाराज सहकुटुंब काही प्रमुख सहकाऱ्यांसह ५ एप्रिल १६८९ रोजी गडाबाहेर पडले. मोगलांचा पाठलाग चुकवीत पुढे ते नोव्हेंबर १६८९ च्या पहिल्या आठवड्यात जिंजीला पोहोचले. मराठ्यांनी जिंजीलाच राजधानी केली. छत्रपती राजारामांनी जिंजी येथे अष्टप्रधानांच्या नेमणुका केल्या. खूप लहान वयात इतक्या साऱ्या जबाबदार्या पेलण्याचे सामर्थ्य आणि बाळकडू हे त्यांच्या पिताश्री आणि थोरले बंधू छत्रपती संभाजीराजे यांच्याकडून आले होते. आणि इतक्या कठीण प्रसंगातून सावरून पुन्हा नव्याने स्वराज्य मूठ बांधून शिवछत्रपतींच्या वरश्याला जोमाने वाढवणे ही गोष्ट काही छोटी नाही जाहली ✍️🚩 . . छत्रपती राजाराम राजे यांना जयंती निमित्ताने पुन्हा एकदा त्रिवार वंदन ✍️🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त