#PSSM World ಕಷ್ಟಕರ ವಿಷಯ ಯಾವುದು? ಜೀವನದಲ್ಲಿ ಹೊಂದಾಣಿಕೆ ಎಂಬುದು ಬಹಳ ಕಷ್ಟ. ಹೇಗೆ ಐದು ಬೆರಳುಗಳು ಸಮನಾಗಿರುವುದಿಲ್ಲವೋ ಹಾಗೆ ಮನುಷ್ಯರ ಸ್ವಭಾವಗಳು ವಿಭಿನ್ನ ವಾಗಿರುತ್ತದೆ. ಜೀವನ ಎಂದರೆ ಹೊಂದಾಣಿಕೆ. ಒಂದು ಕುಟುಂಬದಲ್ಲಿ ಶಾಂತಿ, ನೆಮ್ಮದಿ ನೆಲೆಸಿರ ಬೇಕೆಂದರೆ ಅತ್ತೆಮಾವ ಸೊಸೆಗೆ, ಸೊಸೆ ತನ್ನ ಅತ್ತೆ ಮಾವಂದಿರಿಗೆ , ಗಂಡ ಹೆಂಡತಿಗೆ , ಹೆಂಡತಿ ಗಂಡನಿಗೆ ಹೊಂದಿಕೊಂಡು ಹೋಗ್ಬೇಕು. ಒಬ್ಬರಿಗೊಬ್ಬರು ಸಹಕರಿಸಬೇಕು. ಅನಿವಾರ್ಯ ಹೊಂದಾಣಿಕೆಗಿಂತ ಅಲ್ಲಿ ಪರಸ್ಪರ ಪ್ರೀತಿ ವಿಶ್ವಾಸವಿರಬೇಕು. ಹೊಂದಾಣಿಕೆ ಎಂಬುದು ಬರೀ ಕುಟುಂಬಕಷ್ಟೆ ಮೀಸಲಲ್ಲ, ಹೊರ ಪ್ರಪಂಚ, ಸಮಾಜದಲ್ಲಿಯೂ ಹೊಂದಾಣಿಕೆ ಬೇಕು. ಅಕ್ಕ ಪಕ್ಕದವರು 'ನೆರೆ ಹೊರೆ' ಎಂಬಂತಿದ್ದರೂ, ಪರಸ್ಪರ ಮುಗುಳ್ನಗುವಷ್ಟಾದರೂ ಸೌಜನ್ಯತೆಯನ್ನು ಉಳಿಸಿಕೊಳ್ಳಬೇಕಾಗುತ್ತದೆ. ಎಲ್ಲರೂ ನಾವೆಣಿಸಿದಂತೆ ಇರುವುದಿಲ್ಲ , ಹಾಗೂ ಇರಲು ಸಾಧ್ಯವೂ ಇಲ್ಲ. ಇದನ್ನರಿತು ಹೊಂದಿಕೊಂಡು ಹೋಗುವುದಿದೆಯಲ್ಲ ಇದು ಜೀವನದಲ್ಲಿ ಕಷ್ಟಕರ ವಾದರೂ ಅಸಾಧ್ಯವೇನಲ್ಲ.