मुंबईतील अधिवेशनादरम्यान आरोग्यमंत्री प्रकाश अबिटकर यांनी मंत्री दादा भुसे यांच्यासह मालेगाव महिला व बाल रुग्णालयाच्या कामकाजाचा ऑनलाईन आढावा घेतला. रुग्णालयातील उपलब्ध सुविधा, सुरू असलेली कामे आणि रुग्णसेवेबाबत सविस्तर माहिती सादर करण्यात आली. यानंतर मंत्र्यांनी व्हिडिओ कॉलद्वारे डॉ. दीपक पवार तसेच काही रुग्णांशी थेट संवाद साधत सेवा व्यवस्थेबाबत माहिती घेतली. रुग्णालयाच्या कार्यपद्धतीबाबत समाधान व्यक्त करत त्यांनी प्रशासनाला सेवा अधिक सक्षम व परिणामकारक करण्याच्या सूचना दिल्या. नागरिकांना दर्जेदार आरोग्य सुविधा मिळाव्यात, यावर त्यांनी विशेष भर दिला.