#📺வைரல் தகவல்🤩 #📰ட்ரெண்டிங் தகவல்கள்🔴 #🚹உளவியல் சிந்தனை #🚨கற்றது அரசியல் ✌️
வரலாறு என்பது ஒரு சுழற்சி. ஒரு பேரரசு உச்சத்தைத் தொடும்போது, அதன் வீழ்ச்சிக்கான விதைகளும் அங்கேயே தூவப்படுகின்றன.
இன்று நாம் காண்பது ஒரு சகாப்தத்தின் முடிவு. இரண்டாம் உலகப் போருக்குப் பிறகு உலகம் இரட்டை ஆதிக்கம் (Bipolar World) கொண்ட உலகாக உருவானது. சோவியத் ஒன்றியம் உடைந்ததுடன், அமெரிக்காவின் ஒற்றை ஆதிக்கம் (Unipolar World) நீண்ட காலம் நிலவியது. இன்று அந்த ஆதிக்கம் மெதுவாக சிதைந்து, பல மையங்களைக் கொண்ட புதிய உலக ஒழுங்கு உருவாகி வருகிறது.
வரலாற்றில் எந்தவொரு பேரரசும் நிரந்தரமாக இருந்ததில்லை. ரோமானியப் பேரரசு முதல் பிரிட்டிஷ் காலனித்துவம் வரை அனைத்தும் ஒரு கட்டத்தில் வீழ்ந்தே தீர வேண்டும் என்பது காலத்தின் விதி.
உலகம் இனி ஒரு நாட்டின் பிடியில் இருக்காது என்பது உறுதியாகிவிட்டது. இரண்டாம் உலகப் போருக்குப் பிறகு உருவான அமெரிக்காவின் 'ஒற்றை முனை' (Unipolar) அதிகாரம் சிதைந்து, அதிகாரம் பல நாடுகளுக்குப் பரவத் தொடங்கியுள்ளது. இதையே நாம் 'பல்முனை உலக ஒழுங்கு' என்கிறோம்.
சுருக்கமாக கூறினால் அமெரிக்கா தனது பொருளாதாரப் பலத்தை ஒரு ஆயுதமாகப் பயன்படுத்தி வந்த காலம் முடிவுக்கு வருகிறது. உலக நாடுகள் இனி வாஷிங்டனின் உத்தரவுகளுக்குக் கீழ்ப்படியத் தயாராக இல்லை.
பல தசாப்தங்களாக, உலக வர்த்தகம் மற்றும் எண்ணெய் வணிகம் (Petrodollar) அமெரிக்க டாலரிலேயே நடந்து வந்தது. ஆனால் இன்று, சீனா, ரஷ்யா, இந்தியா மற்றும் BRICS நாடுகள் தங்கள் சொந்த நாணயங்களில் வர்த்தகம் செய்யத் தொடங்கியுள்ளன.
சீனா தனது நாணயமான யுவானை (Yuan/RMB) உலகளாவிய வர்த்தக நாணயமாக மாற்ற நீண்ட காலத் திட்டத்தைச் செயல்படுத்துகிறது.
எண்ணெய் வர்த்தகத்தில் டாலருக்குப் பதிலாக யுவானைப் பயன்படுத்துவது அமெரிக்காவுக்குப் பெரும் அச்சுறுத்தல் ஏற்படுத்தியுள்ளது.
சவுதி அரேபியா மற்றும் ஐக்கிய அரபு அமீரகம் போன்ற நாடுகள் இப்போது யுவானில் வர்த்தகம் செய்யத் தொடங்கியுள்ளன.
அமெரிக்காவின் கட்டுப்பாட்டில் உள்ள SWIFT அமைப்புக்கு மாற்றாக, சீனா தனது சொந்த பணப்பரிமாற்ற அமைப்பான CIPS (Cross-Border Interbank Payment System) உருவாக்கியுள்ளது. இது டாலரின் குறுக்கீடு இன்றி நாடுகள் நேரடியாக யுவானில் வர்த்தகம் செய்ய வழிவகை செய்கிறது.
பிரிக்ஸ் நாடுகள் (பிரேசில், ரஷ்யா, இந்தியா, சீனா, தென்னாப்பிரிக்கா மற்றும் புதிதாக இணைந்த நாடுகள்) ஒரு புதிய 'யூனிட்' (Unit) அல்லது பொதுவான டிஜிட்டல் நாணயத்தை உருவாக்கத் திட்டமிட்டுள்ளன.
பிளாக்செயின் தொழில்நுட்பத்தைப் பயன்படுத்தி ஒரு புதிய பணப்பரிமாற்ற முறையை இவை அறிமுகப்படுத்த உள்ளன. இது டாலரைச் சார்ந்திருப்பதை 100% தவிர்க்க உதவும்
அதன் விளைவாக டாலருக்கான உலகளாவிய தேவை குறையும் போது, அமெரிக்கா அச்சடித்த டாலர்கள் அனைத்தும் மீண்டும் அந்த நாட்டுக்கே திரும்பும்.
இது அமெரிக்கப் பொருளாதாரத்தில் பணப்புழக்கத்தை அதிகரித்து, அதன் மதிப்பைக் கடும் வீழ்ச்சிக்கு உள்ளாக்கும்.
அமெரிக்கா தனது ஆடம்பரச் செலவுகளுக்காக உலக நாடுகளிடம் வாங்கிய கடனே அதன் கழுத்தை நெரிக்கிறது.
சீனா தனது கையில் வைத்துள்ள பில்லியன் கணக்கான அமெரிக்கக் கடன் பத்திரங்களை (US treasury bond)மெதுவாக விற்று வருகிறது.
சீனா இதைக் மொத்தமாகச் சந்தையில் இறக்கினால், அது ஒரு 'நிதி அணுகுண்டு' (Financial Nuclear Option) போலச் செயல்படும் என்பதில் துளி சந்தேகமும் இல்லை.
அவ்வாறு விற்கப்படும் அமெரிக்காவின் கடன் பத்திரங்களை யாரும் வாங்க முன்வரவில்லை என்றால், அமெரிக்க அரசாங்கம் தனது செலவுகளுக்குப் பணம் இல்லாமல் திணறும்.
இதனால் வட்டி விகிதங்கள் (Interest Rates) விண்ணை முட்டும் அளவிற்கு உயரும், இது அமெரிக்காவில் வீடு மற்றும் வாகனக் கடன்களைச் சாதாரண மக்கள் கட்ட முடியாமல் default ஆகும் நிலை ஏற்படும்.
அமெரிக்க டாலர் என்பது ஒரு 'Fiat Currency' (அரசாங்கத்தின் உத்தரவாதத்தால் இயங்கும் காகிதம்). ஆனால் ரஷ்யாவும் சீனாவும் கடந்த சில ஆண்டுகளாகத் தங்களது டாலர் கையிருப்பைத் தங்கமாக மாற்றி வருகின்றன.
தங்கம் என்பது உண்மையான மதிப்புள்ள சொத்து. டாலர் வீழ்ந்தாலும், தங்கம் வைத்திருக்கும் நாடுகள் உலகப் பொருளாதாரத்தில் பலம் வாய்ந்தவையாக மாறும்.
இது ஒரு புதிய 'தங்க அடிப்படையிலான நாணய முறைக்கு' (Gold-backed currency) வழிவகுக்கும், இது டாலரின் மரண சாசனமாக அமையும்.
அமெரிக்காவின் தேசியக் கடன் இன்று 38டிரில்லியன் டாலர்களைத் தாண்டியுள்ளது. அதற்கான வட்டி மட்டுமே ஆண்டுற்கு 1 டிரில்லியன் வரை செலவு செய்கிறது.
அத்துடன் உலகெங்கும் போர்களைத் தூண்டிவிடுவதற்கும், தனது ராணுவத் தளங்களைப் பராமரிப்பதற்கும் அமெரிக்கா டிரில்லியன் கணக்கில் செலவு செய்கிறது.
பொருளாதார நெருக்கடி வரும்போது, இந்த ராணுவச் செலவுகளைக் குறைக்க வேண்டிய கட்டாயம் ஏற்படும். இதனால் லட்சக்கணக்கான ராணுவ மற்றும் தொழில்நுட்ப வேலைவாய்ப்புகள் (Cutting Jobs) பறிபோகும். உள்நாட்டில் வேலையில்லாத் திண்டாட்டம் வெடிக்கும்.
பணத்தின் மதிப்பு வேகமாக வீழ்ச்சியடைந்து, பொருட்களின் விலை பல மடங்கு உயர்வதே hyperinflation.
டாலர் தனது சர்வதேச அந்தஸ்தை இழக்கும்போது, அமெரிக்காவில் பெட்ரோல் முதல் உணவுப் பொருட்கள் வரை அனைத்தின் விலையும் கட்டுக்கடங்காமல் உயரும்.
மக்களின் சேமிப்புகள் ஒரு இரவில் காணாமல் போகும். இது உள்நாட்டுக் கலவரங்களுக்கும், அமெரிக்காவின் உலகளாவிய ராணுவத் தளங்களை மூடுவதற்கும் வழிவகுக்கும்.
அமெரிக்க மக்கள் ஒரு bread வாங்குவதற்குக் கூட ஒரு மூட்டைப் பணத்தைக் கொண்டு செல்ல வேண்டிய நிலை உருவாகலாம் (வெனிசுலா அல்லது ஜிம்பாப்வே போன்ற நிலை).
இந்தவேளை தான் 2024-ல் வெளியான 'Civil War' திரைப்படம் காட்டிய அந்தப் பயங்கரமான situation இன்று அமெரிக்காவின் நிஜமான பொருளாதார மற்றும் சமூகச் சூழலோடு பல இடங்களில் ஒத்துப்போவது அதிர்ச்சியளிக்கிறது.
ஒரு பேரரசு பொருளாதார ரீதியாக வீழும்போது அது உள்நாட்டுப் போரில்தான் (Internal Collapse) முடியும் என்பதற்கு வரலாறு பல சான்றுகளை வைத்துள்ளது.
திரைப்படக் கதைக்கும் நிஜத்திற்கும் உள்ள ஆழமான தொடர்புகளைக் கீழே பார்க்கலாம்.
Civil War' திரைப்படத்தில் அமெரிக்கா பல துண்டுகளாக உடைந்து மாநிலங்கள் தங்களுக்குள் போரிட்டுக் கொள்வதைக் காட்டியது, அதில் சில மாநிலங்கள் (உதாரணமாக டெக்சஸ் மற்றும் கலிபோர்னியா) ஒன்றிணைந்து மத்திய அரசுக்கு எதிராகப் போரிடும்.
டாலர் வீழ்ச்சியடைந்து, hyperinflation ஏற்படும்போது, மத்திய அரசு (Federal Government) மாநிலங்களுக்கு வழங்க வேண்டிய நிதி மற்றும் பாதுகாப்பை வழங்க முடியாமல் போகும்.
பணவீக்கத்தால் மக்கள் பட்டினியில் வாடும்போது, ஒவ்வொரு மாநிலமும் தனது சொந்த வளங்களைப் பாதுகாக்கவும், டாலரைத் தவிர்த்துவிட்டு தங்கம் அல்லது மாற்று நாணயங்களுக்கு மாறவும் முயற்சிக்கும். இதுவே பிரிவினைவாதத்திற்கு (Secession) வித்திடும்.
அமெரிக்காவின் பாதுகாப்பு பட்ஜெட் மற்றும் ராணுவ வேலைவாய்ப்புகள் வெட்டப்படும்போது (Cutting Jobs), வேலையிழந்த லட்சக்கணக்கான இளைஞர்களும், முன்னாள் ராணுவ வீரர்களும் ஆயுதமேந்திய குழுக்களாக மாற வாய்ப்புள்ளது.
பணத்தின் மதிப்பு இழந்த நிலையில், ராணுவ வீரர்களுக்குச் சம்பளம் கொடுக்க முடியாத நிலை ஏற்படும்போது, அவர்கள் அரசாங்கத்தின் பக்கம் நிற்பதை விடத் தங்கள் பிராந்திய குழுக்களின் பக்கம் நிற்கவே விரும்புவர். திரைப்படத்தில் காட்டப்பட்ட வன்முறைக்கு இதுவே அடிப்படை.
திரைப்படம் காட்டுவது போல, அமெரிக்க சமூகம் ஏற்கனவே 'வலதுசாரி - இடதுசாரி' என மிகக் கடுமையாகப் பிளவுபட்டுள்ளது. பொருளாதார சரிவு இந்தத் தீயில் எண்ணெயை ஊற்றும்.
Civil War' திரைப்படம் உண்மையில் ஒரு எச்சரிக்கை மணியாகப் பார்க்கப்பட்டது.
நான் ஏற்கனவே சொன்னது போல. Dedollarisation, சீனாவின் பொருளாதார நெருக்கடி, அனைத்தும் அந்தத் திரைப்படத்தின் கதையை நிஜமாக்கிக் கொண்டிருக்கின்றன.
அமெரிக்கப் பேரரசின் சரிவு என்பது இனி ஒரு கணிப்பு அல்ல, அது நடந்து கொண்டிருக்கும் ஒரு நிஜ சம்பவம்.
ஒரு காலத்தில் பிரிட்டனின் பவுண்ட் எப்படி வீழ்ந்ததோ, அதே பாதையில் இன்று டாலர் பயணிக்கிறது.
உலக அதிகாரம் மேற்கிலிருந்து கிழக்கு நோக்கி நகர்ந்து கொண்டிருக்கிறது.
காகிதப் பணத்தின் ஆதிக்கம் முடிந்து, உண்மையான வளங்கள் மற்றும் தங்கத்தின் ஆதிக்கம் தொடங்குகிறது.
புதிய மாற்றம் ஒன்றை விரைவில் எதிர்பார்ப்போம்.
