ఎండా కాలం రాకుండానే ఎండ తీవ్రత ఎక్కువగా ఉంటుంది.. ఎండలనుండి సేద తీరడం ఎలా అని అందరం ఆలోచించాల్సిన సమయం వొచ్చేసింది. మన సాంప్రదాయ తెలుగు వంటగది మెలుకువలు సమ్మర్ ని సమర్దవంతంగా ఎదుర్కునేలా చేస్తాయి. మజ్జిగ, రసం ప్రతీ తెలుగింటిలో విరివిగా లభిస్తాయి. ఇవి వేసవి కాలాన్ని అవలీలగా ఎదుర్కునేలా చేస్తాయి. ప్రత్యేకించి మజ్జిగ ఎండలో పడి వచ్చిన వారికి ఉరట కలిగించడంలో ప్రధమ స్థానంలో ఉంటుంది.ఎంత అలిసి వచ్చిన వారైనా సరే ఒక గ్లాస్ మజ్జిగ తాగితే ప్రాణం లేచివొస్తుంది. కదూ.. కాని చల్ల దనం కోసం.. ప్రస్తుతం చాలా మంది cool drinks తాగి ఆరోగ్యాన్ని పాడుచేసుకుంటున్నారు.కాని ఈ cool drinks కేవలం నోరు చల్ల దనం కొసమే గాని... కడుపు చల్లగా ఉండాలి ఉంటే మజ్జిగ తాగవలసిoదే... అంతేకాకుండ సాంప్రదాయ పద్దతిలో ఇంట్లో చేసిన వాటికి రుచికి రుచి మరియు శుచి కూడా. మజ్జిగలో అన్ని రకాల అత్యవసరమైన స్థూలపోషకాలు ఉంటాయి. దీంట్లో విటమిన్లు , ప్రోటీన్లు, కార్బోహైడ్రేట్లు మరియు ఎంజైమ్స్ అన్ని ఉంటాయి. ముఖ్యంగా, మజ్జిగలో 80% పైగా ద్రావణమే కాబట్టి శరీరాన్ని హైడ్రేట్గ ఉంచడంలో చాలా దోహదపడుతుంది. జీర్ణక్రియను మెరుగుపరుస్తుంది.మజ్జిగ కడుపులో నిక్షిప్తమైన మసాలా పదార్థాలను అవలీలగా శుభ్రం చేస్తుంది. దీనితో అజీర్ణత, తేన్పులు లాంటివి తగ్గుతాయి.. ఇంకా కొవ్వు కరిగించడంలో దోహదపడుతుంది. ఎన్నో ప్రయోజనాలు ఉన్న మజ్జిగని ఎండాకాలంలో ఎక్కువగా వాడటం వలన చిన్న పిల్లలు, వృద్ధులు అందరూ ఆరోగ్యంగా ఉంటారు... #తెలుసుకుందాం #వేసవి పానీయాలు #Butter milk