*വഴിവെളിച്ചം (ജിഫ്രി സാദാത്തീങ്ങൾ ചരിത്രം)* ➖➖➖➖➖➖➖➖➖ ഭാഗം- 12 ➖➖➖➖➖➖➖➖➖ *പോരാട്ടത്തിന്റെ നാളുകൾ* ➖➖➖➖➖➖➖➖➖ പിതാവിന്റെ മരണശേഷമുള്ള എട്ട് സംവത്സരങ്ങൾ പിതാവ് മരണപ്പെട്ട എ.ഡി. 1844 മുതൽ 1852 വരെയുള്ള എട്ട് വർഷങ്ങൾ സംഭവബഹുലമായിരുന്നു അതിനിടയിൽ മുസ്ലിംകളും ബ്രിട്ടീഷുകാരും തമ്മിൽ എത്രയോ ലഹളകൾ നടന്നു നിരവധി മുസ്ലിംകളെ വെടിവെച്ചു കൊന്നു 1848- ൽ ലണ്ടൻ പാർലമെന്റെ ഡൽഹൗസ് പ്രഭുവിനെ ഇന്ത്യൻ ഗവർണ്ണർ ജനറലായി നിയോഗിച്ചു കണ്ണിൽ ചോരയില്ലാത്ത ക്രൂരനായിരുന്നു ആ പട്ടാളമേധാവി അയാളുടെ ക്രൂരമായ ഭരണം ഇന്ത്യൻ ജനതയെ രോഷാകുലരാക്കി മലബാർ ഇളകിമറിഞ്ഞു മമ്പുറത്ത് സായുധരായ നാട്ടുകാർ കൂട്ടത്തോടെ വന്നുചേർന്നു സയ്യിദ് ഫള്ൽ പൂക്കോയത്തങ്ങൾക്കെതിരെ ബ്രിട്ടീഷ് ഗവൺമെന്റ് കുറ്റപത്രം പുറപ്പെടുവിച്ചു നിയമലംഘനത്തിന് നേതൃത്വം നൽകി എന്നതായിരുന്നു കുറ്റം സയ്യിദ് ഫള്ലിനെ അറസ്റ്റ് ചെയ്യുമെന്നും നാട് കടത്തുമെന്നുമുള്ള കിംവദന്തി നാടാകെ പരന്നു അതോടെ നാടിന്റെ നാനാ ഭാഗത്തു നിന്നും ജനങ്ങൾ ഇളകിപ്പുറപ്പെട്ടു ഹിന്ദുക്കളും മുസ്ലിംകളും കൂട്ടം കൂട്ടമായി വന്നു ചെർന്നതോടെ മമ്പുറം ജനനിബിഡമായി സയ്യിദ് ഫള്ലിനെ തൊട്ടാൽ പിന്നെ ഞങ്ങൾ ജീവിച്ചിരിക്കില്ല ഞങ്ങൾ വെള്ളക്കാർക്കെതിരെ പൊരുതിമരിക്കും ജനങ്ങളുടെ പ്രഖ്യാപനം കേട്ട് സയ്യിദ് ഫള്ൽ ഞെട്ടി ഇന്നലെവരെ ഈ ജനതയെ ഞാൻ നിയന്ത്രിച്ചു ഇനി ഇവരെ നിയന്ത്രിക്കാൻ തന്നെക്കൊണ്ടാവുമെന്ന് തോന്നുന്നില്ല വെള്ളക്കാർ തന്നെ അറസ്റ്റ് ചെയ്യണം ഈ ജനത അവർക്കെതിരെ പടപൊരുതും വെള്ളക്കാർ വെടിവെക്കും ആയിരങ്ങളെ വെടിവെച്ചുകൊല്ലും തന്നെ അറസ്റ്റ് ചെയ്യട്ടെ ജയിലിൽ അടക്കട്ടെ തൂക്കിലേറ്റട്ടെ അതൊന്നും തനിക്കു പ്രശ്നമല്ല പക്ഷേ, ഈ ജനത അത് സഹിക്കില്ല അവർക്ക് സമനില തെറ്റും സാഹസങ്ങൾ കാണിക്കും നിരപരാധികളായ ആയിരങ്ങൾ വധിക്കപ്പെടും ഞാനെന്ത് വേണം? ജീവിച്ചിരിക്കുന്ന സയ്യിദ് ഹുസൈൻ ജിഫ്രിയോടും മരണപ്പെട്ട പിതാവ് സയ്യിദലവിത്തങ്ങളോടും സയ്യിദ് ഫള്ൽ ചോദിച്ചു വ്യക്തമായ മറുപടിയില്ലാത്ത കിട്ടി വ്യക്തമായ മറുപടി കിട്ടി വെള്ളക്കാർക്ക് പിടികൊടുക്കരുത് അതിനു മുമ്പ് നാട് വിടുക സയ്യിദ് ഫള്ൽ തങ്ങൾ തടിച്ചു കൂടിയ ജനാവലിയോട് പ്രസംഗിച്ചു: എന്റെ പ്രിയപ്പെട്ട സഹോദരങ്ങളേ! സർവ്വശക്തനായ അല്ലാഹു നിങ്ങൾക്ക് രക്ഷയും സമാധാനവും നൽകട്ടെ വെള്ളക്കാർ ശക്തരാണ് അവർ എന്നെ അറസ്സ് ചെയ്യും കാരാഹൃഹത്തിലടക്കും എന്നെ വധിക്കാൻ വരെ വിധിച്ചേക്കാം നിങ്ങൾക്ക് സഹിക്കാൻ കഴിയില്ല നിങ്ങൾ ലഹളക്കിറങ്ങും ആയിരങ്ങളെ വെള്ളക്കാർ വെടിവെച്ചു കൊല്ലും എന്നെ രക്ഷിക്കാൻ നിങ്ങൾക്കാവുകയുമില്ല ഈ സാഹചര്യം ഒഴിവാക്കണം അറിഞ്ഞുകൊണ്ട് നാം നാശത്തിലേക്ക് എടുത്ത് ചാടരുത് ബുദ്ധിപരമായി നീങ്ങണം എനിക്ക് വ്യക്തമായ മാർഗനിർദേശം ലഭിച്ചിരിക്കുന്നു അറേബ്യയിലേക്ക് പോവുക അതാണെനിക്ക് കിട്ടിയ നിർദേശം എന്റെ രണ്ട് പുത്രന്മാരും വേറെ ചിലരും എന്നോടൊപ്പം വരും എന്റെ യാത്ര പരമരഹസ്യമായി സൂക്ഷിക്കുക നിങ്ങൾ ആശ്വാസത്തോടെ തിരിച്ചു പോവുക വെള്ളക്കാർക്കെതിരെ ബുദ്ധിപരമായ സമരം തുടരണം സ്വാതന്ത്ര്യം കിട്ടും വരെ സമരം തുടരണം സയ്യിദ് ഫള്ൽ പറഞ്ഞു നിർത്തി ജനം തേങ്ങിക്കരഞ്ഞു അവർ മടിച്ചു മടിച്ചാണ് പിരിഞ്ഞുപോയത് ശത്രുക്കളുടെ കണ്ണിൽ പെടാതെ സയ്യിദ് ഫള്ലും കൂട്ടരും ഒരു കപ്പലിൽ കയറണം അതിനുവേണ്ട സജ്ജീകരണങ്ങൾ രഹസ്യമായി ചെയ്തു ഉൾക്കടലിൽ ഒരു അറബിക്കപ്പൽ നങ്കൂരമിട്ടു കിടപ്പുണ്ട് അത് വരെ വള്ളത്തിൽ പോവണം കോയകുഞ്ഞിനഹയുടെ ഒരു വള്ളം അതിനുവേണ്ടി ഏർപ്പാട് ചെയ്തു സയ്യിദ് ഫള്ലും കൂട്ടരും മഖാമിൽ ചെന്ന് മനസ്സ് തുറന്നു ദുആ ചെയ്തു വന്ദ്യപിതാവ് ഖുതുബുസ്സമാൻ സയ്യിദലവിത്തങ്ങൾക്ക് സലാം ചൊല്ലി യാത്ര പറഞ്ഞു ശൈഖ് സയ്യിദ് ഹസൻ ജിഫ്രി അവർകൾക്കും സലാംചൊല്ലി പ്രിയപുത്രി സയ്യിദത്ത് ഉമ്മുഹാനിക്കും സലാം ചൊല്ലി പുണ്യാത്മാക്കളേ! നിങ്ങളിരുവരും അന്ത്യവിശ്രമം കൊള്ളുന്ന ഈ മണ്ണിൽ ജീവിതാവസാനം വരെ ജീവിക്കണമെന്നായിരുന്നു എന്റെ ആഗ്രഹം നാടിന്റെ ശത്രുക്കൾ എന്നെ അതിനനുവദിക്കില്ല നമ്മുടെ പൂർവ്വികരുടെ നാട്ടിലേക്ക് ഞാൻ പോവട്ടെ ഈ മമ്പുറം മണ്ണിലേക്ക് ഇനിയൊരു മടക്കമുണ്ടാവുമെന്ന് തോന്നുന്നില്ല പോവട്ടെ അസ്സലാമു അലൈക്കും വറഹ്മത്തുല്ലാഹി വബറക്കാത്തുഹു കവിളുകളിലൂടെ കണ്ണുനീർ ചാലിട്ടൊഴുകുകയാണ് നെടുവീർപ്പോടെ മഖാമിൽ നിന്ന് പിൻവാങ്ങി എ.ഡി. 1852- മാർച്ച് 19 ആം തിയ്യതി മമ്പുറം പുഴയിലൂടെ വെള്ളം നീങ്ങിപ്പോയി അറബിക്കപ്പലിൽ കയറി ആ സംഘം യാത്രയായി കപ്പലിൽ ഇരിക്കുമ്പോഴും മനസ്സ് മമ്പുറത്തായിരുന്നു പ്രിയപത്നി സയ്യിദത്ത് മൈമൂന ഉമ്മുഹാനി മമ്പുറം മാഖാമിൽ അന്ത്യവിശ്രമം കൊള്ളുന്നു മക്കൾ രണ്ട് പേരും കൂടെയുണ്ട് കണ്ണീരൊഴുക്കിക്കൊണ്ടാണ് മക്കൾ ഉമ്മയോട് യാത്ര പറഞ്ഞത് മമ്പുറത്ത് ജീവിച്ചു മരിക്കണമെന്നായിരുന്നു ആഗ്രഹം ശത്രുക്കൾ അതിനനുവദിച്ചില്ല പൂർവ്വികർ ജീവിച്ചു മരിച്ച മണ്ണിലേക്ക് പോവാം നീണ്ട യാത്രക്കു ശേഷം സയ്യിദ് ഫള്ൽ ഹളർമൗത്തിലെത്തി ബന്ധുക്കളുമായുള്ള സമാഗമം വികാരനിർഭരമായിരുന്നു തന്റെ കൂടെ വന്നവരിൽ ചിലരെ ഹളർമൗത്തിൽ താമസിപ്പിച്ചു അദ്ദേഹവും ഏതാനും പേരും കൂടി ഈജിപ്തിലേക്ക് പോയി ഈജിപ്ത് ഭരിച്ചിരുന്ന അബ്ബാസ് പാഷാ രാജാവ് സയ്യിദ് ഫള്ലിനെ ഹൃദ്യമായി സ്വീകരിച്ചു ഈജിപ്തിൽ തന്നെ താമസിക്കാൻ രാജാവും മറ്റു പ്രമുഖന്മാരും നിർബന്ധിച്ചു അദ്ദേഹം അത് സ്നേഹപൂർവം നിരസിച്ചു കോൺസ്റ്റാന്റിനേപ്പിളിലേക്ക് യാത്രയായി അവിടെയും ഹൃദ്യമായ സ്വീകരണം ലഭിച്ചു കുറെ നാൾ അവിടെ താമസിച്ചു പിന്നീട് മക്കയിൽ വന്നു പതിനെട്ട് വർഷം വിശുദ്ധ ഹറമിൽ താമസിച്ചു പ്രസിദ്ധ പണ്ഡിതൻ സയ്യിദ് ശാഫിഈ ഹബ്ശിയുടെ മകളെ വിവാഹം ചെയ്തു ഇതിൽ അഹ്മദ് എന്ന പുത്രനും ശരീഫാനൂർ എന്ന പുത്രിയും ജനിച്ചു ഹി: 1287 - ൽ കോൺസ്റ്റാന്റിനേപ്പിളിൽ തിരിച്ചെത്തി തുർക്കി ഖലീഫയുമായി സുദീർഘചർച്ച നടത്തി തുർക്കി ഗവൺമെന്റ് സയ്യിദ് ഫള്ലിനെ യമൻ ഗവർണ്ണറായി നിയമിച്ചു സഫാറിലെ ഗവർണ്ണർ എന്ന നിലയിൽ ശ്രദ്ധേയമായ ഭരണപരിഷ്കാരങ്ങൾ നടപ്പിലാക്കി ഹി: 1293 - ൽ വീണ്ടും കോൺസ്റ്റാന്റിനേപ്പിളിലെത്തി അന്നത്തെ തുർക്കി രാജാവ് സുൽത്താൻ അബ്ദുൽ ഹമീദ് ഖാൻ തന്റെ ഉപദേഷ്ടാവായി ഫള്ലിനെ നിയോഗിച്ചു സയ്യിദ് ഫള്ൽ നല്ല ഗ്രന്ഥങ്ങൾ രചിച്ചിട്ടുണ്ട് ചിലത് ലോക പ്രസിദ്ധമായിത്തീർന്നു ഹിജ്: 1318- ൽ അദ്ദേഹം വഫാത്തായി ഖലീഫ മഹ്മൂദ് ഖാന്റെ ഖബറിന്നടുത്താണ് അവർ ഖബറടക്കപ്പെട്ടത് മുസ്ലിം ലോകം മുഴുവൻ മഹാപണ്ഡിതനായ സയ്യിദ് ഫള്ൽ അവർകളെ ആദരവോടെ അനുസ്മരിച്ചു അറബിയിലും തുർക്കിഭാഷയിലും അദ്ദേഹം രചിച്ച ഗ്രന്ഥങ്ങൾ ലോകപ്രസിദ്ധമായിത്തീർന്നു ഭാവി മുസ്ലിം സമൂഹത്തിന്റെ വഴികാട്ടികളാണ് ആ മഹദ്ഗ്രന്ഥങ്ങൾ മിക്ക ഗ്രന്ഥങ്ങളും തുർക്കിയിൽ നിന്നാണ് പ്രസിദ്ധീകരണം സ്വന്തം പിതാവിന്റെ ചരിത്രം അറബിയിലും തുർക്കിയിലും അദ്ദേഹം എഴുതിയിട്ടുണ്ട് ലോകത്തിന്റെ വിവിധ ഭാഗങ്ങളിൽ ആ ഗ്രന്ഥങ്ങളെത്തി ഖുത്വുബുസ്സമാൻ സയ്യിദ് അലവി തങ്ങളെ ആ ഗ്രന്ഥങ്ങളിലൂടെ ലോകം മനസ്സിലാക്കി ലോകത്തിന്റെ വിദൂരദിക്കുകളിൽ നിന്നൊക്കെ മഹാന്മാർ മമ്പുറത്ത് സിയാറത്തിന് എത്തുന്നുണ്ട് ചില ഗ്രന്ഥങ്ങൾ ഇവയാണ് 1. അസാസുൽ ഇസ്ലാം 2. ത്വരീഖതുൽ ഹനീഫ 3. കൗകബുദ്ദുറർ 4. ഫുയൂളാത്തുൽ ഇലാഹിയ്യ സയ്യിദ് ഫള്ൽ പൂക്കോയത്തങ്ങളുടെ വിയോഗവാർത്ത അതീവ ദുഃഖത്തോടെയാണ് ഇന്ത്യൻ മുസ്ലിംകൾ കേട്ടത് ദിവസങ്ങളോളം ആ ദുഃഖം മലബാറിൽ നിറഞ്ഞു നിന്നു ഇന്നും മുസ്ലിം മനസ്സുകളിൽ ആ മഹാപുരുഷൻ ഒരു സ്നേഹ ബിന്ദുവായി നിലനില്‍ക്കുന്നു #🕌 ഇസ്ലാമിക് ഭക്തി