உன் மீது பழி சுமத்தி, உன்னைச் சந்தேகப்பட்டு, உன்னைத் தன் வசப்படுத்திக் கையாண்ட ஒருவரிடம் அன்பு என்ற பெயரில் நீண்ட காலம் சிக்கியிருந்தாய், அதனால் நீ பைத்தியமாகிவிடவில்லை... அவர்கள் உன்னையே உன்னைச் சந்தேகிக்க வைத்தார்கள், உன் நினைவாற்றல், உன் பார்வை, உன் எதிர்வினைகள், ஏன் உன் மதிப்பு என அனைத்தையும் கேள்விக்குறியாக்கினார்கள், சூழ்நிலைகளை அவர்கள் மிகத் திறமையாகத் திசைதிருப்பியதால், பிரச்சனை உன்னிடம்தான் இருக்கிறது என்று நீயே நம்பத் தொடங்கினாய்... நீ ஒரு அதிக உணர்ச்சிவசப்படுபவர் என்றும், எதற்கெடுத்தாலும் மற்றவர்களைச் சார்ந்திருப்பவர் என்றும் உன்னை முத்திரை குத்தினார்கள், அவர்களின் தவறுகளை நீ சுட்டிக்காட்டும் போதெல்லாம், அதை உன் பக்கமே திருப்பிவிட்டு, நீ செய்யாத தவறுக்காக உன்னை மன்னிப்புக் கேட்க வைத்தார்கள்... இது அன்பல்ல, மாதக்கணக்கிலோ அல்லது ஆண்டுகணக்கிலோ இப்படி நடத்தப்பட்ட பிறகு, நீ நிலைகுலைந்து போவது இயல்புதான், உன் மனசாட்சியை நீயே சந்தேகப்படுவதும், உன் புத்தி சுவாதீனம் சரியாக இருக்கிறதா என்று நீ யோசிப்பதும் ஆச்சரியமில்லை... ஏன்னென்றால், உன் எதார்த்தத்தை நீயே நம்பாத அளவிற்கு அவர்கள் உன்னைச் சிதைத்திருக்கிறார்கள்... ஆனால் உண்மையைச் சொல்கிறேன், நீ பைத்தியமல்ல, ஒரு இயல்பற்ற சூழலுக்கு நீ காட்டிய இயல்பான எதிர்வினைதான் இது, அவர்கள் நம்பிக்கைக்கு உரியவர்களாக இல்லாததால் நீ பதற்றமடைந்தாய், அடிப்படை மரியாதைக்காகக் கூட நீ போராட வேண்டியிருந்ததால் நீ பாதுகாப்பற்றதாக உணர்ந்தாய், அவர்கள் உன்னைத் தொடர்ந்து காயப்படுத்தியதால் நீ உணர்ச்சிவசப்பட்டாய்... உன் மனநலம் பாதிக்கப்பட்டது உன்னிடம் குறை இருப்பதால் அல்ல, அதைச் சிதைக்க நினைத்த ஒருவருடன் நீ உறவில் இருந்ததால் மட்டுமே... இப்போது நீ மீண்டும் உன்னை மீட்டெடுத்துக் கொண்டிருக்கிறாய், உன் உள்ளுணர்வை மீண்டும் நம்பக் கற்றுக்கொள்கிறாய், உன் உணர்வுகள் அனைத்தும் சரியானவையே என்பதை உணரத் தொடங்குகிறாய், உனக்குள் இருந்த குழப்பம், வலி, சுயசந்தேகம் எதுவுமே தற்செயலானது அல்ல, உன் அன்பையே உனக்கு எதிராக ஆயுதமாகப் பயன்படுத்திய ஒருவரை நீ நேசித்ததன் விளைவு அது... நீ பைத்தியமல்ல. அன்பு என்ற பெயரில் உன்னை ஏமாற்றியவர்களால் நீ காயப்பட்டிருக்கிறாய், அவ்வளவுதான், அவர்கள் உன்னை யாரென்று நம்ப வைத்தாரோ, அந்த மாயையிலிருந்து விடுபட்டு நீ உண்மையில் யார் என்பதை உணர இப்போது நீ சுதந்திரமாக இருக்கிறாய்... ✍️ மனால்றியா அம்மு #😍மனதை தொடும் ஸ்டேட்டஸ் #🚹உளவியல் சிந்தனை #👌அருமையான ஸ்டேட்டஸ் #😍எமோஷனல் ஸ்டேட்டஸ் #😔தனிமை வாழ்க்கை 😓